វៀតណាម ជាប់លេខ៣ មានបុរសរៀបការជាមួយស្រ្តី កូរ៉េខាងត្បូងច្រើនបំផុត

ចំនួន​អាពាហ៍ពិពាហ៍​រវាង​បុរស​វៀតណាម និង​ស្ត្រី​កូរ៉េខាងត្បូង​បាន​កើនឡើង ២.៨ ដង​ក្នុង​រយៈពេល​មួយ​ទសវត្សរ៍ ​ចាប់ពី​ឆ្នាំ ២០១៣ ដល់​ឆ្នាំ ២០២២ ដែល​កើនឡើង​ពី ២៧៩ ទៅ ៧៩២ ករណី។ វាបានធ្វើឲ្យប្រទេសនេះជាប់ចំណាត់ថ្នាក់លេខ៣ ក្នុងចំណោមពីរប្រទេសផ្សេងទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមទីភ្នាក់ងារសារព័ត៌មានយ៉ុនហាប់ បានដាក់បុរសវៀតណាមជាក្រុមស្វាមីបរទេសធំជាងគេទី ៣នៅក្នុងប្រទេសកូរ៉េខាងត្បូង ដែលមានចំនួន ១៥.៨% នៃចំនួនសរុប។ ចំណែកសមាមាត្រដ៏សំខាន់បំផុតគឺមកពីសហរដ្ឋអាមេរិក ដែលតំណាងឲ្យ ២៧.៧% ហើយចំណាត់ថ្នាក់ទីពីរគឺជាបុរសមកពីប្រទេសចិនស្មើនឹង ១៨.៤% ។​ ស្របពេលជាមួយគ្នានេះដែរ ផ្នែកគួរឲ្យកត់សម្គាល់នៃអាពាហ៍ពិពាហ៍រវាងបុរសវៀតណាម និងស្ត្រីដែលមានសញ្ជាតិកូរ៉េខាងត្បូង ពាក់ព័ន្ធនឹងអ្នកដែលធ្លាប់រៀបការជាមួយបុរសកូរ៉េខាងត្បូង ។

នៅឆ្នាំ ២០២២ ក្នុងចំណោមស្ត្រីកូរ៉េខាងត្បូង ៧៩២ នាក់ ដែលបានរៀបការជាមួយបុរសវៀតណាម៥៥៦ នាក់បានរៀបការម្តងទៀត។ ក្នុងចំណោមនោះ ៤៨២ នាក់ ឬ ៨៦.៧% គឺជាស្ត្រីដែលមានដើមកំណើតមកពីប្រទេសវៀតណាម ហើយបានក្លាយជាពលរដ្ឋកូរ៉េខាងត្បូងស្របច្បាប់។ ពួកគេទទួលបានសញ្ជាតិកូរ៉េខាងត្បូងតាមរយៈអាពាហ៍ពិពាហ៍ដំបូងរបស់ពួកគេ ជាមួយបុរសក្នុងស្រុក បន្ទាប់មកបានលែងលះគ្នា ហើយក្រោយមករៀបការជាមួយបុរសវៀតណាមម្តងទៀត។

ក្រោយមក ក្នុងឆ្នាំ ២០២៣ ស្ត្រីវៀតណាមបានបង្កើតក្រុមភរិយាបរទេសធំជាងគេនៅក្នុងប្រទេសកូរ៉េខាងត្បូង ដោយកាន់កាប់ដល់ទៅ ៣៣.៥% ដោយមានប្រពន្ធជាជនជាតិចិន និងថៃមាន ១៨.១% និង១៣.៧% រៀងគ្នា៕

អត្ថបទ៖ សាង ស្រីល័ក្ខ

ចុចអាន៖Kim Sae Ron ឆ្លើយតបនឹងរូបថតធ្លាយជាមួយ Kim Soo Hyun ក្រោយរងការវាយប្រហារមិនឈប់