ព័ត៌មានអន្ដរជាតិ
ជំងឺគ្រុនឈាមកំពុងរាលដាលអាក្រក់បំផុតនៅអាមេរិកកណ្ដាល និងខាងត្បូង
អាជ្ញាធរសុខាភិបាលកំពុងព្រមានអំពីការផ្ទុះឡើងដ៏អាក្រក់បំផុតមិនធ្លាប់មាននៃជំងឺគ្រុនឈាមនៅអាមេរិកកណ្តាល និងអាមេរិកខាងត្បូង ខណៈចំនួនអ្នកកើតនៅឆ្នាំនេះបានកើនឡើងដល់ ៣ ដង បើធៀបនឹងរយៈពេលដូចគ្នាកាលពីឆ្នាំមុន ។ នេះបើយោងតាមការចេញផ្សាយដោយទូរទស្សន៍ជាតិជប៉ុន NHK នៅថ្ងៃទី២៩ ខែមីនា ។

ជំងឺដែលឆ្លងដោយមូសខ្លាខាំនេះបណ្តាលឲ្យមានអាការៈក្តៅខ្លួនខ្លាំង និងឈឺក្បាលធ្ងន់ធ្ងរ ក៏ដូចជាការឈឺចាប់សាច់ដុំ និងសន្លាក់ជាដើម ខណៈក្នុងករណីធ្ងន់ធ្ងរ វាក៏អាចបណ្តាលឲ្យអ្នកជំងឺស្លាប់បានដែរ ។
កាលពីដើមសប្តាហ៍នេះ ព័រតូរីកូក៏បានប្រកាសអាសន្នផ្នែកសុខភាពសាធារណៈផងដែរ បន្ទាប់ពីការកើនឡើងនៃករណីជំងឺគ្រុនឈាមនៅក្នុងប្រទេស ហើយនេះសបង្ហាញថា ជំងឺគ្រុនឈាមកំពុងរីករាលដាលនៅអាមេរិកកណ្តាល ខណៈដែលករណីជំងឺគ្រុនឈាមកម្រនឹងកើតមានណាស់ក្នុងរយៈពេលនេះ ។

យោងតាមអង្គការសុខភាព Pan American បានឲ្យដឹងថា ចំនួននៃការឆ្លងជំងឺគ្រុនឈាមបានកើនឡើងលើសពី ៣.៥ លាននាក់នៅអាមេរិកកណ្តាល និងអាមេរិកខាងត្បូង រួមទាំងអ្នកស្លាប់ជាង ១,០០០ នាក់ផងដែរ ខណៈករណីដែលបានរាយការណ៍មកពីប្រទេសប្រេស៊ីល អាហ្សង់ទីន និងប៉ារ៉ាហ្គាយ មានករណីឆ្លងសរុប ៩០ ភាគរយឯណោះ ។
ទន្ទឹមនោះ អង្គការនេះក៏បានព្យាករណ៍ដែរថា ចំនួនករណីប្រចាំឆ្នាំនឹងកើនឡើងលើសពីឆ្នាំមុនចំនួន ៤.៥ លាននាក់នៅក្នុងតំបន់ ស្របពេលដែលអាជ្ញាធរកំពុងដាស់តឿនប្រជាពលរដ្ឋដែលរស់នៅតំបន់មានជំងឺគ្រុនឈាមកំពុងរាតត្បាតខ្លាំង ឲ្យមានការប្រុងប្រយ័ត្នខ្ពស់បំផុត ៕

អត្ថបទ ៖ ប៊ុន សុភាព

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ