ព័ត៌មានអន្ដរជាតិ

Taylor Swift និង Elon Musk ជាប់ចំណាត់ថ្នាក់ជាមហាសេដ្ឋីពិភពលោកព្រមគ្នា

បានផុស

១០ ខែ មុន

នៅ

ថ្ងៃសៅរ៍ ៣០ មីនា ២០២៤

ដោយ

Elon Musk មានក្រុមហ៊ុនថ្មីមួយចំនួនក្នុងបញ្ជីអ្នកមានបំផុតក្នុងពិភពលោក ខណៈដែលតារាចម្រៀងប៉ុប Taylor Swift ឥឡូវនេះឈានដល់ក្លាយមហាសេដ្ឋីពិភពលោក។ ដោយសារការកើនឡើងនៃភាគហ៊ុន Tesla និងការកើនឡើងនៃការវាយតម្លៃរបស់ក្រុមហ៊ុន SpaceX លោកបានដណ្តើមយកតំណែងជាបុគ្គលដែលមានជាងគេបំផុតរបស់ពិភពលោកក្នុងចំណាត់ថ្នាក់មហាសេដ្ឋីប្រចាំឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទ្រព្យសម្បត្តិ ២៣១ ពាន់លានដុល្លាររបស់ Elon Musk បានទាញគាត់នៅពីលើប្រធានប្រតិបត្តិ Amazon លោក Jeff Bezos (១៨៥ ពាន់លានដុល្លារ) និងនាយកប្រតិបត្តិ LVMH លោក Bernard Arnault (១៧៥ពាន់លានដុល្លារ) ដែលជាប់ចំណាត់ថ្នាក់លេខ ២ និងទី ៣ រៀងគ្នានៅលើ 13th Hurun Global Rich Report ដែលជាការស្ទង់មតិប្រចាំឆ្នាំពីប្រទេសចិន បិងជាប្រព័ន្ធផ្សព្វផ្សាយនៃក្រុមហ៊ុនស្រាវជ្រាវ Hurun ហើយឆ្នាំនេះជាលើកទីបីរបស់លោកក្នុងរយៈពេលបួនឆ្នាំនៅលើកំពូលតារាង។

ដោយឡែកងាកទៅកាន់ Taylor Swift បានបង្ហាញខ្លួនជាលើកដំបូងនៅក្នុងបញ្ជី ទស្សនាវដ្ដី Forbes ដោយបានវាយតម្លៃទ្រព្យសម្បត្តិរបស់នាងចំនួន ១.១ ពាន់លានដុល្លារអាមេរិក ដែលបានកើនឡើងយ៉ាងខ្លាំងដោយជោគជ័យពីការប្រគំតន្រ្តី The Eras Tour ។ ក្នុងនោះផងដែរ ទស្សនាវដ្ដី Time បានផ្តល់កិត្តិយសដល់នាងជាមួយនឹងចំណងជើង បុគ្គលប្រចាំឆ្នាំ ក្នុងឆ្នាំ ២០២៣ដូចគ្នា

លើសពីនេះទៀត កាលពីដើមឆ្នាំ២០២៤តែម្ដង Taylor Swift បានចូលក្នុងសៀវភៅកំណត់ត្រា Grammy ដោយទទួលបានពានរង្វាន់អាល់ប៊ុមប្រចាំឆ្នាំលើកទី ៤ របស់នាងជាមួយនឹងអាល់ប៉ុម Midnights ដែលបង្កើតកំណត់ត្រាថ្មីសម្រាប់ចំនួនឈ្នះខ្ពស់បំផុតនៅក្នុងប្រភេទដ៏អស្ចារ្យបំផុត៕