អធិរាជ ជប៉ុន បង្ហោះរូបភាពលើអ៊ីនធឺណិតលើកដំបូង ផ្ទុះការទាក់ចិត្តពីប្រជានុរាស្ត្រក្មេងៗ

តំណាងមកពីទីភ្នាក់ងារអធិរាជ (IHA) បានប្រកាសថា ក្នុងកិច្ចខិតខំប្រឹងប្រែងដើម្បីភ្ជាប់ទំនាក់ទំនងជាមួយប្រជារាស្រ្តវ័យក្មេង សែរាជវង្សរបស់ប្រទេសជប៉ុន បានចាប់ផ្តើមបង្កើតគណនី Instagram ផ្លូវការដោយបង្ហោះរូបភាពទ្រង់ចូលទៅបណ្ដាញអ៉ិនធើណេតលើកដំបូង រហូតផ្ទុះការចាប់អារម្មណ៍យ៉ាងខ្លាំង។

គណនីផ្លូវការបានផ្សាយបន្តផ្ទាល់កាលពីថ្ងៃចន្ទ នៅក្នុងប្រព័ន្ធផ្សព្វផ្សាយសង្គមដែលមានការប្រុងប្រយ័ត្នចំពោះរបបរាជានិយមបុរាណ។ ការបង្ហោះលើកដំបូងរបស់ទ្រង់គឺជារូបថត និងវីដេអូផ្លូវការរបស់ព្រះចៅអធិរាជ Naruhito និងព្រះចៅអធិរាជ Masako ដែលកំពុងបំពេញព្រះរាជកិច្ចនៅឯការបង្ហាញខ្លួនជាសាធារណៈនាពេលថ្មីៗនេះ។

ទោះជាយ៉ាងណាក៏ដោយ អ្នកប្រើប្រាស់ជាង ១៦០,០០០ នាក់បានតាមដានគណនី IHA ដែលត្រូវបានប្រកាសកាលពីមួយសប្តាហ៍មុន ប៉ុន្តែបានកំណត់ទៅជាឯកជនរហូតដល់ថ្ងៃច័ន្ទ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របបរាជានិយមជប៉ុនមានដើមកំណើតទេវកថា ដែលលាតសន្ធឹងជាងពីរសហស្សវត្សរ៍ ហើយការរិះគន់ជាសាធារណៈចំពោះព្រះចៅអធិរាជ នៅតែជាបម្រាមនៅក្នុងប្រទេស។ ថ្វីបើយ៉ាងណា តាមរយៈការចូលរួមក្នុងប្រព័ន្ធផ្សព្វផ្សាយសង្គម ស្ថាប័នសង្ឃឹមថា​ នឹងជំរុញចំណាប់អារម្មណ៍ក្នុងចំណោមមនុស្សជំនាន់ក្រោយ អំពីអ្វីដែលគ្រួសារអធិរាជបានធ្វើ នេះបើតាមអ្នកនាំពាក្យ IHA បានបញ្ជាក់ប្រាប់ AFP យ៉ាងដូច្នោះ។

យ៉ាងណាមិញ ការបង្ហោះរូបភាពរបស់អធិរាជជប៉ុន បានបង្កឲ្យមានការចាប់អារម្មណ៍ពីសំណាក់អ្នកប្រើប្រាស់ X ជាច្រើននាក់ ដោយម្នាក់ៗបានសរសេរប្រតិកម្មចំពោះការបង្ហោះនេះថា “IHA គឺនៅលើ Instagram! ខ្ញុំគិតថាវាជាការលេងសើចនៅខែ April Fools! នៅពេលដែលខ្ញុំបានឮ IHA បានបង្កើតគណនី Instagram ខ្ញុំបានពិនិត្យម្ដងហើយម្ដងទៀត។ ប៉ុន្តែជាការពិតណាស់ អធិរាជនឹងមិនបង្ហោះ អាហារថ្ងៃត្រង់ថ្ងៃនេះ (សញ្ញាអារម្មណ៍បេះដូង) ឬអ្វីដូចនោះ ។ អ្នក​ប្រើ​ខ្លះ​បាន​និយាយ​លេង​សើច​ថា វា​ជា​ការ​ល្អ​ដែល​រាជវង្ស​បាន​ជ្រើស​រើស​ Instagram ជាង X ដែល​ជា​អតីត Twitter ។

សូមជម្រាបជូនថា អធិរាជជប៉ុន ​Naruhito បានឡើងគ្រងរាជ្យ Chrysanthemum ក្នុងឆ្នាំ ២០១៩ នៅក្នុងពិធីប្រពៃណីមួយ បន្ទាប់ពីបិតាដ៏មានប្រជាប្រិយបំផុតរបស់ទ្រង់ បានក្លាយជាអធិរាជដំបូងគេ​ ដែលយល់ព្រមដាក់រាជ្យក្នុងរយៈពេលជាង២សតវត្ស​មកហើយ ៕

អត្ថបទ៖ សាង ស្រីល័ក្ខ

ចុចអាន៖អ្នកមានឥទ្ធិពលជប៉ុនម្នាក់​ ធ្លាប់ថតផឹកស្រា ៩លីត្រ ពេលនេះសល់ពេល១ឆ្នាំទៀតដើម្បីរស់