ព័ត៌មានអន្ដរជាតិ
វៀតណាម ត្រៀមទិញថាមពលអគ្គិសនីពី ឡាវ ដល់ ៨ ពាន់មេហ្គាវ៉ាត់ ទុកសម្រាប់ផ្គត់ផ្គង់នៅរដូវប្រាំង
នៅឆ្នាំ ២០៣០ វៀតណាមអាចនឹងទិញថាមពលអគ្គិសនីចំនួន ៨,០០០ មេហ្គាវ៉ាត់ពីប្រទេសឡាវ ដើម្បីធានាដល់ការផ្គត់ផ្គង់ឲ្យបានពេញដៃសម្រាប់តំបន់ភាគខាងជើង ជាពិសេសក្នុងអំឡុងរដូវប្រាំង ប្រសិនបើស្ថិតក្នុងកញ្ចប់តម្លៃសមរម្យ ខណៈក្នុងកិច្ចព្រមព្រៀងកាលពីឆ្នាំ ២០១៦ កន្លងទៅ វៀតណាមទិញថាមពលអគ្គិសនីបាន ៥,០០០ មេហ្គាវ៉ាត់រួចទៅហើយ ។ នេះបើយោងតាមការចេញផ្សាយដោយសារព័ត៌មាន VN Express កាលពីថ្ងៃទី២ ខែមេសាកន្លងទៅ ។
![](https://www.kampucheathmey.com/wp-content/uploads/2024/04/electric-9.jpg)
ប្រសិនបើការបញ្ជាទិញនេះសម្រេចបានគោលដៅនោះ តំបន់ភាគខាងជើងវៀតណាម អាចមានថាមពលអគ្គិសនីប្រហែល ៦.៨ ពាន់លានគីឡូវ៉ាត់ម៉ោងក្នុងអំឡុងរដូវប្រាំង ចាប់ពីខែឧសភាដល់ខែកក្កដាក្នុងឆ្នាំ ២០២៥ ស្របពេលដែលរោងចក្រថាមពលថ្មីភាគច្រើនមិនទាន់អាចបញ្ចប់ការសាងសង់ជាផ្លូវការរហូតដល់ដំណាច់ឆ្នាំនេះផងដែរ ដូច្នេះការបញ្ជាទិញអគ្គិសនីពីឡាវនឹងធានាបាននូវការផ្គត់ផ្គង់មានស្ថិរភាពពេញទីតែម្ដង ។
មែនទែនទៅ វៀតណាមបាននឹងកំពុងទិញវារីអគ្គិសនីពីប្រទេសឡាវ ចាប់តាំងពីឆ្នាំ ២០១៦ មកម្ល៉េះ ក្រោមកិច្ចព្រមព្រៀងទ្វេភាគីរវាងរដ្ឋាភិបាលទាំងពីរ ស្របពេលដែលក្រសួងឧស្សាហកម្ម និងពាណិជ្ជកម្មវៀតណាមក៏ចង់ឲ្យរដ្ឋាភិបាលនាំចូលថាមពលខ្យល់ពីឡាវបន្ថែមលើវារីអគ្គិសនី ខណៈផែនការថ្មីនេះទៀសោត ក៏បានគូសបញ្ជាក់ពីមុខព្រួញមួយចំនួនសម្រាប់ការផលិតថាមពលផងដែរ ។
ចំណែកគោលដៅនៃសមត្ថភាពប្រើប្រាស់ថាមពលសម្រាប់តំបន់ភាគខាងជើងនៅឆ្នាំ ២០៣០ នោះគឺមាន ១៤,៩៣០ មេហ្គាវ៉ាត់សម្រាប់ថាមពលប្រើហ្គាស, ២២,៤០០ មេហ្គាវ៉ាត់សម្រាប់ថាមពលពីឧស្ម័នធម្មជាតិរាវ, ៣០,១២៧ មេហ្គាវ៉ាត់សម្រាប់រោងចក្រដុតធ្យូងថ្ម, វារីអគ្គិសនី ២៩,២៤៦ មេហ្គាវ៉ាត់ និងថាមពលវារីអគ្គិសនីស្តុកទុកចំនួន ២,៤០០ មេហ្គាវ៉ាត់ ឯសមត្ថភាពថាមពលខ្យល់នៅឈូងសមុទ្ររំពឹងនឹងមាន ៦,០០០ មេហ្គាវ៉ាត់ ខណៈប្រភពនៅលើឆ្នេរសមុទ្រវិញអាចមានចំនួន ២១,៨៨០ មេហ្គាវ៉ាត់ ។
![](https://www.kampucheathmey.com/wp-content/uploads/2024/04/electric-5-scaled.jpeg)
ស្របពេលជាមួយគ្នានេះ កត្តាដែលជំរុញឲ្យវៀតណាមទិញយកថាមពលពីប្រទេសឡាវ គឺដោយសារតែតម្លៃសមរម្យ ពោលថាមពលខ្យល់នៅប្រទេសឡាវបច្ចុប្បន្នមានតម្លៃប្រមាណ ៧ សេនប៉ុណ្ណោះក្នុងមួយគីឡូវ៉ាត់ម៉ោង ខណៈបើធៀបនឹងវៀតណាមមានតម្លៃជាង ៨ ទៅជិត ១០ សេនឯណោះ អាស្រ័យលើថាតើរោងចក្រផលិតទាំងនេះស្ថិតនៅលើដីគោក ឬនៅឆ្នេរសមុទ្រ ។
គួរបញ្ជាក់ថា ពេញមួយឆ្នាំ ២០២៣ កន្លងទៅ ប្រទេសវៀតណាមបាននាំចូលថាមពលអគ្គិសនីពីប្រទេសឡាវ រួមទាំងពីប្រទេសចិនផងដែរនោះ មានចំនួន ១.៥ ភាគរយនៃការផ្គត់ផ្គត់ថាមពលអគ្គិសនីសរុប ដោយសារតែប្រទេសអាស៊ានមួយនេះកំពុងត្រៀមខ្លួនទៅនឹងកង្វះខាតថាមពលនៅក្នុងតំបន់ភាគខាងជើង ៕
![](https://www.kampucheathmey.com/wp-content/uploads/2024/04/electric-6.jpg)
ដោយ ៖ សុខ ជីវ័ន្ត
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ