Connect with us

ព័ត៌មានអន្ដរជាតិ

ធ្លាយព័ត៌មាន UN ត្រៀមតែងតាំងលោកស្រី យីងឡាក់ ជាបេសកជនពិសេស​ទទួលបន្ទុកនៅ មីយ៉ាន់ម៉ា

បានផុស

នៅ

រដ្ឋាភិបាលយោធាមីយ៉ាន់ម៉ាកាលពីថ្ងៃអង្គារកន្លងទៅបានចេញមកបញ្ជាក់ពីរឿងដ៏គួរឲ្យភ្ញាក់ផ្អើលមួយ នោះគឺអង្គការសហប្រជាជាតិ (UN) អាចនឹងមានការតែងតាំងលោកស្រី យីងឡាក់ ស៊ីណាវ៉ាត្រា អតីតនាយករដ្ឋមន្ត្រីថៃ ជាបេសកជនពិសេសទទួលបន្ទុកប្រចាំប្រទេសមីយ៉ាន់ម៉ា ។ នេះបើយោងតាមការចេញផ្សាយដោយសារព័ត៌មាន The Irrawaddy កាលពីថ្ងៃទី២ ខែមេសាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងបញ្ហានេះ លោកស្រី យីងឡាក់ ក៏បានប្រាប់អ្នកសារព័ត៌មានដែរថា លោកស្រីមានការភ្ញាក់ផ្អើលខ្លាំងមែនទែន ដោយសារតែលោកស្រីមិនបានដឹងពីមុខតំណែងថ្មីនេះនោះឡើយ ប៉ុន្តែលោកស្រីនឹងសប្បាយ​រីករាយ​ក្នុង​ការ​កាន់​តំណែងជា​បេសកជន​ពិសេសរបស់អង្គការសហប្រជាជាតិប្រចាំនៅមីយ៉ាន់ម៉ា បើ​ទោះ​ជា​មិន​បាន​ដឹង​ពី​ការប្រកាស​តែង​តាំងជាផ្លូវការណាមួយ​ក៏​ដោយ ។

អតីតនាយករដ្ឋមន្ត្រីថៃវ័យ ៥៧ ឆ្នាំរូបនេះបានលើកឡើងទៀតថា “ខ្ញុំសង្ឃឹមនឹងអាចរកផ្លូវផ្លាស់ប្ដូរសម្រាប់ប្រទេសមីយ៉ាន់ម៉ា ។ បងប្រុសរបស់ខ្ញុំ ថាក់ស៊ីន អាចជាប្រយោជន៍រួមមួយ ដោយសារតែគាត់ស្គាល់គ្នាជាមួយលោកឧត្តមសេនីយ៍ មីន អ៊ុងឡាំង ស្រាប់ផង” ។

ទោះយ៉ាងណា ដំណឹងនៃការតែងតាំងនេះមិនទាន់ចេញជាផ្លូវការនៅឡើយទេ ស្របពេលដែលអ្នកនាំពាក្យរដ្ឋាភិបាលយោធាមីយ៉ាន់ម៉ាលោក Zaw Min Tun បានត្រឹមបញ្ជាក់ប្រាប់សារព័ត៌មាន The Irrawaddy ប៉ុន្មានម៉ាត់ប៉ុណ្ណោះថា “មែនហើយ ប្រសិនបើលោកស្រី យីងឡាក់ ក្លាយជាបេសកជនពិសេសនៅក្នុងប្រទេសមីយ៉ាន់ម៉ាមែននោះ វាពិតជាល្អខ្លាំងណាស់” ។

លោក Zaw Min Tun

កៅអីសម្រាប់បេសកជនពិសេសរបស់អង្គការសហប្រជាជាតិទទួលបន្ទុកក្នុងប្រទេសមីយ៉ាន់ម៉ា គឺទំនេរមិនមានអ្នកអង្គុយនោះឡើយ ចាប់តាំងពីឆ្នាំ ២០២៣ មកម្ល៉េះ ក្រោយការចាកចេញរបស់លោកស្រី Noeleen Heyzer បន្ទាប់ពីត្រូវបានតែងតាំងនៅខែតុលា ឆ្នាំ២០២១ ពោលរយៈពេល ៦ ខែក្រោយរដ្ឋប្រហារយោធា ក្នុងកិច្ចខិតខំប្រឹងប្រែងដើម្បីស្វែងរកដំណោះស្រាយការទូតពន្លត់ភ្លើងសង្គ្រាម ។ ទោះយ៉ាងណាលោកស្រីកាន់តួនាទីបានត្រឹម ២០ ខែប៉ុណ្ណោះ ហើយប្រកាសចាកចេញពីមុខតំណែងដោយលើកអង្គហេតុថា មានបញ្ហាផ្ទៃក្នុងជាមួយប្រព័ន្ធអង្គការសហប្រជាជាតិ ។

បើទោះបីជាព័ត៌មាននេះមិនទាន់ច្បាស់ ១០០ ភាគរយក៏ដោយ ប៉ុន្តែរឿងរ៉ាវនៃការតែងតាំងប្អូនស្រីលោក ថាក់ស៊ីន ជាបេសកជនពិសេសរបស់អង្គការសហប្រជាជាតិប្រចាំប្រទេសមីយ៉ាន់ម៉ានេះ ក៏មានប្រជាជនក្នុងប្រទេសដែលកំពុងហែកហួរដោយសង្គ្រាមមួយនេះ សម្ដែងការសាទរចំពោះវត្តមានបេសកជនថ្មីដើម្បីព្យាបាលមុខរបួស ក្រោយរដ្ឋប្រហារយោធាដណ្ដើមអំណាចពីរដ្ឋាភិបាលស៊ីវិលរបស់លោកស្រី អ៊ុងសាន ស៊ូជី កាលពីឆ្នាំ ២០២១ ។

ទន្ទឹមនោះ ដំណឹងល្អិចល្អៀងនៃការតែងតាំងលោកស្រី យីងឡាក់ នេះទៀតសោត ក៏ទទួលការស្វាគមន៍យ៉ាងក្លៀវក្លាពីសំណាក់ក្រុមប្រឆាំងនឹងរដ្ឋាភិបាលយោធាមីយ៉ាន់ម៉ាផងដែរ ព្រោះថានេះអាចជាការយកចិត្តទុកដាក់ថ្មីមួយរបស់អង្គការសហប្រជាជាតិក្នុងការអនុវត្តតួនាទី និងចក្ខុវិស័យ​នានានៅមីយ៉ាន់ម៉ាក្នុងភ្នក់ភ្លើងសង្គ្រាមរយៈពេល ៣ ឆ្នាំមកនេះ ។ ម្យ៉ាងក៏ដោយសារតែប្អូនស្រីលោក ថាក់ស៊ីន រូបនេះទើបតែរួចផុតពីទោសទណ្ឌនៃការចោទប្រកាន់ក្នុងសំណុំរឿងពាក់ព័ន្ធនឹងអំពើពុករលួយ អំឡុងកាន់អំណាចនាឆ្នាំ ២០១៣ ។

គួរបញ្ជាក់ថា លោកស្រី យីងឡាក់ ស៊ីណាវ៉ាត្រា ក៏ធ្លាប់ហោះទៅកាន់មីយ៉ាន់ម៉ាផងដែរកាលពីខែធ្នូ ឆ្នាំ២០១១ អំឡុងពេលដែលប្រទេសនៅមានសុខសន្តិភាព និងស្ថេរភាពនយោបាយ ហើយនៅពេលនោះ ម្ដាយមីងរបស់ប្រធានគណបក្សភឿថៃរូបនេះក៏បានជួបជាមួយលោកប្រធានាធិបតី ថេន សេន និងប្រធានគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) លោកស្រី អ៊ុងសាន ស៊ូជី នៅទីក្រុងយ៉ាំងហ្គោនផងដែរ ៕

ដោយ ៖ សុខ ជីវ័ន្ត

ចុចអាន ៖ កម្លាំងទ័ពជើងទឹក មីយ៉ាន់ម៉ា ប្រើនាវាចម្បាំងបាញ់ផ្លោងដាក់អ្នកភូមិ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទីutes មុន

មនុស្ស៥៥នាក់ស្លាប់ក្នុងហេតុការណ៍រថយន្តក្រុងធ្លាក់ចូលជ្រោះនៅ​ហ្គាតេម៉ាឡា

នេន ទុំ
ជីវិតកម្សាន្ដ៤ នាទីutes មុន

នេន ទុំ ដាក់ចំៗទៅអ្នកចាំតែរិះគន់ថា បើមិនចេះសាទរនឹងសមិទ្ធផលគេទេ គួរកុំធ្វើជាអ្នកដែលចាំតែជាន់ពន្លិច

សង្កាត់ស្ទឹងមានជ័យទី១
សន្តិសុខសង្គម៧ នាទីutes មុន

ចៅសង្កាត់ស្ទឹងមានជ័យទី១៖ មួយរយៈនេះអ្នកជិះបញ្ចា្រសបានកាត់បន្ថយច្រើន តែនៅមានអ្នកជិះតាម​ឡានសារ៉ែន

លោក Eric Chan
ព័ត៌មានអន្ដរជាតិ៧ នាទីutes មុន

ហុងកុងគ្រោងប្ដឹងទៅ WTO អំពីពន្ធរបស់សហរដ្ឋ​អាមេរិក

នយោបាយ២៤ នាទីutes មុន

សម្ដេចតេជោ៖ បើហ៊ានធ្វើទង្វើផ្ទុយពីរដ្ឋធម្មនុញ្ញ និងគោលនយោបាយបក្ស ទោះកូនបង្កើតក៏ត្រូវដកដែរ

ជីវិតកម្សាន្ដ១៩ ម៉ោង មុន

G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព

ព័ត៌មានអន្ដរជាតិ២២ ម៉ោង មុន

អង្គរក្សស្រីតាមស្អិតនាយករដ្ឋមន្ត្រី ថៃ ទៅ ចិនធ្លាប់បំបាក់ម្ចាស់ជើងឯកការ៉ាតេជប៉ុន ៥ រូប

ព័ត៌មានអន្ដរជាតិ៣ ម៉ោង មុន

អាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត 

សន្តិសុខសង្គម២២ ម៉ោង មុន

ករណីផ្សាយថាចោរប្លន់អ្នកសិល្បៈនៅខណ្ឌសែនសុខ៖ ស្នងការថាម្ចាស់ម៉ូតូយកម៉ូតូលក់ តែកុហកថាចោរប្លន់

ជីវិតកម្សាន្ដ២០ ម៉ោង មុន

ផ្អាកបណ្ដាញសង្គម អតីតស្វាមី និងម្តាយក្មេក តួ សាន់ឆាយ ក្រោយបំពាននិងរកលុយពីអ្នកស្លាប់

Sokha Hotels

ព័ត៌មានពេញនិយម