Connect with us

ព័ត៌មានអន្ដរជាតិ

ស្លាប់បាតុករបន្ថែមក្នុងបាតុកម្មប្រឆាំងរដ្ឋប្រហារយោធានៅមីយ៉ាន់ម៉ា

បានផុស

នៅ

យ៉ាងហោចណាស់មនុស្ស ២ នាក់បន្ថែមទៀតបានស្លាប់ក្នុងការតវ៉ាប្រឆាំងនឹងរដ្ឋប្រហារយោធានៅប្រទេសមីយ៉ាន់ម៉ា ហើយជាអំពើហិង្សាដ៏អាក្រក់បំផុតដែលមិនទាន់មាននៅក្នុងបាតុកម្មជាងពីរសប្តាហ៍កន្លងមកនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេចក្តីរាយការណ៍បាននិយាយថា ការប៉ះទង្គិចគ្នាបានផ្ទុះឡើងនៅទីក្រុង Mandalay នៅពេលដែលប៉ូលិសបានប្រើប្រាស់គ្រាប់ពិតដើម្បីបំបែកក្រុមបាតុករ ។ យ៉ាងហោចណាស់មនុស្ស ២០ នាក់បានរងរបួស ខណៈមនុស្សរាប់រយនាក់បានប្រមូលផ្តុំគ្នានៅឯទីតាំងផលិតកប៉ាល់មួយកន្លែងក្នុងទីក្រុងធំទី ២ របស់មីយ៉ាន់ម៉ា ។

សេចក្តីរាយការណ៍បន្តថា ក្រុមអ្នកតវ៉ាមួយចំនួនក៏បានបាញ់ផ្លោងគ្រាប់កាំភ្លើងដាក់ប៉ូលីសដែលបានបាញ់គ្រាប់កាំភ្លើងពិត និងឧស្ម័នបង្ហូរទឹកភ្នែកមកលើពួកគេ ។

សាច់ញាតិរបស់បាតុករដែលស្លាប់បានប្រាប់ទីភ្នាក់ងារសារព័ត៌មាន Reuters ថា គាត់ជាជាងឈើអាយុ ៣៦ ឆ្នាំត្រូវបានប៉ូលិសបាញ់ចំទ្រូង ខណៈអ្នកស្លាប់ផ្សេងទៀតជាក្មេងប្រុសអាយុក្រោម ១៨ ឆ្នាំត្រូវបានបាញ់ចំក្បាល ។

កាលពីថ្ងៃសុក្រស្រ្តីបាតុករវ័យក្មេងម្នាក់បានក្លាយជាមនុស្សដំបូងដែលបានអះអាងថាបានស្លាប់ដោយសារការតវ៉ានេះ ។ នាង Mya Thwe Thwe Khaing ត្រូវបានបាញ់ចំក្បាលកាលពីថ្ងៃទី ៩ ខែកុម្ភៈ នៅឯការប្រមូលផ្ដុំមួយក្នុងរដ្ឋធានីណៃពិដោ ។

ទន្ទឹមនោះយោធាក៏បាននិយាយដែរថា ប៉ូលិសម្នាក់បានស្លាប់ក្រោយរងរបួសធ្ងន់ធ្ងរចាប់តាំងពីការតវ៉ាបានចាប់ផ្តើម បន្ទាប់ពីរដ្ឋប្រហារ ១ កុម្ភៈ ។

ក្រុមអ្នកតវ៉ាកំពុងទាមទារឲ្យមានការដោះលែងលោកស្រី អ៊ុងសាន ស៊ូជី និងសមាជិកដទៃទៀតនៃគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រី ។ លោកស្រីកំពុងស្ថិតក្នុងការឃុំខ្លួនក្នុងផ្ទះដោយត្រូវបានចោទប្រកាន់ពីបទនាំចេញនាំចូលអាយកូមដោយខុសច្បាប់ និងរំលោភច្បាប់គ្រោះមហន្តរាយធម្មជាតិរបស់ប្រទេស ។

យោធាបានចោទប្រកាន់ការឈ្នះឆ្នោតយ៉ាងភ្លូកទឹកភ្លូកដីរបស់គណបក្ស NLD កាលពីឆ្នាំមុនគឺជាការក្លែងបន្លំ ប៉ុន្តែមិនបានផ្តល់ភស្តុតាងនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ BBC

ចុចអាន ៖ ការតវ៉ានៅមីយ៉ាន់ម៉ាកាន់តែផ្ទុះខ្លាំង ក្រោយបាតុករស្លាប់លើកដំបូង

ចុចអាន ៖ ខ្លាំងទៅៗហើយ! ក្រុម Hacker ចូលវាយលុកវេបសាយរដ្ឋាភិបាលយោធាមីយ៉ាន់ម៉ា ប្រឆាំងរដ្ឋប្រហារ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

លោក វ៉ី សំណាង
ព័ត៌មានជាតិ១២ ម៉ោង មុន

លោក វ៉ី សំណាង៖ ម្លប់នៃសន្តិភាពផ្តល់ឱកាសវិនិយោគិនមកវិនិយោគក្នុងខេត្តតាកែវកាន់តែច្រើន

រដ្ឋមន្ត្រីធនធានទឹក
ព័ត៌មានជាតិ១២ ម៉ោង មុន

រដ្ឋមន្ត្រីធនធានទឹក ណែនាំប្រធានមន្ទីររាជធានី ខេត្តចាត់ក្រុមបច្ចេកទេសចុះពិនិត្យ​ផលប៉ះពាល់សំណង់អាងទឹក ក្រោយមានគ្រោះ​រញ្ជួយដីនៅប្រទេសជិតខាង

ព័ត៌មានអន្ដរជាតិ១២ ម៉ោង មុន

ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី

ព័ត៌មានអន្ដរជាតិ១៣ ម៉ោង មុន

កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី

ព័ត៌មានជាតិ១៣ ម៉ោង មុន

ទស្សនីយភាពល្ខោនខ្មែរ ៤ប្រភេទនឹងត្រូវយកទៅសម្តែងក្នុងបុណ្យភូមិខាងមុខ

Sokha Hotels

ព័ត៌មានពេញនិយម