រុស្ស៊ីរកឃើញករណីឆ្លងជំងឺគ្រុនផ្ដាសាយបក្សី H5N8 លើមនុស្ស

អាជ្ញាធរសុខាភិបាលរបស់ប្រទេសរុស្ស៊ីបាននិយាយថា ពួកគេបានបញ្ជាក់ពីករណីដំបូងនៃជំងឺគ្រុនផ្តាសាយបក្សី H5N8 ដែលឆ្លងពីបក្សីទៅមនុស្ស ។

ប្រធានអង្គការឃ្លាំមើលសុខភាពសាធារណៈរបស់រុស្ស៊ីគឺលោកស្រី Anna Popova បាននិយាយកាលពីថ្ងៃសៅរ៍ថា ប្រទេសរុស្ស៊ីបានរាយការណ៍អំពីបញ្ហានេះទៅអង្គការសុខភាពពិភពលោក (WHO) ។

លោកស្រីបាននិយាយថា ជំងឺគ្រុនផ្ដាសាយបក្សី H5N8 ត្រូវបានគេរកឃើញលើកម្មករ ៧ នាក់នៅកសិដ្ឋានចិញ្ចឹមសត្វមួយកន្លែងនៅភាគខាងត្បូងនៃប្រទេសរុស្ស៊ី បន្ទាប់ពីមានការផ្ទុះឡើងនៅទីនោះក្នុងចំណោមសត្វបក្សីកាលពីខែធ្នូ ។  កម្មករទាំងនោះបានធ្លាក់ខ្លួនឈឺ ប៉ុន្តែក្រោយមកបានជាសះស្បើយវិញ ។

ស្របពេលជាមួយគ្នានេះលោកស្រី Popova បានអំពាវនាវឲ្យមានភាពស្ងប់ស្ងាត់ដោយសង្កត់ធ្ងន់ថា មិនមានសញ្ញានៃការឆ្លងពីមនុស្សទៅមនុស្សទេ ។

លោកស្រីបាននិយាយថា ចំពោះការប្រែប្រួលនាពេលអនាគតវាអាចនាំឲ្យមានការឆ្លងពីមនុស្សម្នាក់ទៅមនុស្សម្នាក់ ប៉ុន្តែវាមិនច្បាស់ទេថាតើវាអាចកើតឡើងយ៉ាងដូចម្តេច ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ យន្តហោះចម្បាំងរុស្ស៊ី Su-57 ធ្វើតេស្តផ្ទុកអាវុធលឿនជាងផ្លេកបន្ទោរថ្មី

ចុចអាន ៖ កូរ៉េខាងជើងមិនអើពើការផ្តល់វ៉ាក់សាំងកូវីដពីចិន និងរុស្ស៊ី