ព័ត៌មានអន្ដរជាតិ

ប៉ូលិស វៀតណាម រកឃើញគ្រឿងញៀនដែលដាក់ GPS ក្នុងសមុទ្រ ជាវិធីសាស្រ្តថ្មីរបស់ក្រុមឧក្រិដ្ឋជន

បានផុស

៦ ខែ មុន

នៅ

ថ្ងៃសុក្រ ៥ មេសា ២០២៤

ដោយ

ប៉ូលិសបាននិយាយថា ឧក្រិដ្ឋជនកំពុងប្រើប្រាស់វិធីសាស្រ្តថ្មីក្នុងការដឹកជញ្ជូនគ្រឿងញៀន រួមទាំងការបោះវាចូលទៅក្នុងសមុទ្រជាមួយនឹងឧបករណ៍តាមដាន GPS ហើយក្រោយមកទើបពួកគេប្រមូលវាចេញពីសមុទ្រ។ នេះបើយោងតាមការចុះផ្សាយពី vnexpress កាលពីថ្ងៃទី០៤ ខែមេសា ឆ្នាំ២០២៣។

លោក Nguyen Ngoc Quang អនុប្រធាននាយកដ្ឋាននគរបាលប្រឆាំងគ្រឿងញៀន បាននិយាយថា វិធីសាស្ត្រថ្មីនេះ គឺជាមូលហេតុដែលសមាជិកសាធារណៈ និងអាជ្ញាធរតែងតែស្វែងរកគ្រឿងញៀន ដែលភាគច្រើនជាកូកាអ៊ីន បោកបក់នៅតាមឆ្នេរនានានៅភាគកណ្តាល និងភាគខាងត្បូងប្រទេសវៀតណាម អស់រយៈពេលជាច្រើនខែមកហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីប្រាំមួយថ្ងៃមុន អាជ្ញាធរបានរកឃើញថ្នាំញៀន ២៨ គីឡូក្រាមអណ្តែតនៅឆ្នេរ Go Cong ក្នុងខេត្ត Kien Giang ។ ការឆែកឆេរបន្ថែមទៀតរបស់ក្រុមប៉ូលិស ចាប់រកឃើញនៅគ្រឿងញៀនទម្ងន់ប្រហែល២៤គីឡូក្រាម ហើយកាលពីខែមករា ថ្នាំញៀនប្រមាណ ៣០០កញ្ចប់ ត្រូវបានគេរកឃើញរសាត់តាមឆ្នេរក្នុងខេត្ត Quang Ngai។

លោក Quang បាននិយាយបន្ថែមទៀតថា មនុស្សជាច្រើនដែលរកឃើញគ្រឿងញៀនបានប្រគល់ទៅឲ្យអាជ្ញាធរ ប៉ុន្តែអ្នកខ្លះរក្សាវាដោយសារតែភាពលោភលន់។ ប្រជាពលរដ្ឋគួររាយការណ៍ទៅអាជ្ញាធរ រាល់ពេលពួកគេរកឃើញថ្នាំញៀនដែលបានលាក់ទុក។

លើសពីនេទៀតដែរ ប៉ូលិសបានបញ្ចាក់ទៀតថា គ្រឿងញៀនក៏ត្រូវបានដឹកតាមច្រកដែលលាក់ក្នុងទំនិញ ខណៈដែលឧក្រិដ្ឋជនប្រើទូកក្លែងធ្វើជាកប៉ាល់នេសាទ ដើម្បីគាំទ្រអ្នកសមគំនិត និងគេចពីអាជ្ញាធរ។ ការប្រើប្រាស់ឧបករណ៍តាមដាន GPS ដើម្បីដឹកជញ្ជូនគ្រឿងញៀនដោយបោះវាទៅក្នុងសមុទ្រ គឺជាវិធីសាស្រ្តដែលគេឃើញនៅក្នុងប្រទេសជាច្រើនជុំវិញពិភពលោកមិនមែនត្រឹមតែវៀតណាមនោះទេ។

ដូចគ្នានេះផងដែរ កាលពីខែកក្កដា ឆ្នាំមុន ប៉ូលិសអៀរឡង់បានរឹបអូសនៅកូកាអ៊ីនពីរថង់ មានទម្ងន់៣០គីឡូក្រាម ដែលបានបោកបក់នៅឆ្នេរ Donegal។ ឧក្រិដ្ឋជនបានភ្ជាប់ថង់ដាក់ធុងជាមួយនឹងអ្នកតាមដាន ដោយរង់ចាំនាវាមកទទួលទំញនិញទាំងនោះ៕

អត្ថបទ៖ សាង ស្រីល័ក្ខ

ចុចអាន៖ស្ត្រី វៀតណាម ក្លែងជាបុគ្គលិកស្ថានកុងស៊ុលអូស្ត្រាលី ឆបោកលុយជាង ៣៩ម៉ឺនដុល្លារ ពីបុរសម្នាក់