ព័ត៌មានអន្ដរជាតិ

ការស្ទង់មតិ ៖ សង្ក្រាន្តឆ្នាំនេះ ប្រជាជន ថៃ រាងពិបាកចាយវាយ ព្រោះម្នាក់ៗសុទ្ធតែជាប់បំណុលគេច្រើន

បានផុស

១ year មុន

នៅ

ថ្ងៃចន្ទ ៨ មេសា ២០២៤

ដោយ

យោងតាមការស្ទង់មតិមួយកាលពីថ្ងៃទី០៨ ខែមេសា ចុះផ្សាយដោយ thaipbs បានរកឃើញថា មនុស្សកាន់តែច្រើននឹងធ្វើដំណើរក្នុងអំឡុងពិធីបុណ្យសង្ក្រាន្តឆ្នាំនេះជាងឆ្នាំមុន ប៉ុន្តែពួកគេនឹងមានការប្រុងប្រយ័ត្នខ្ពស់ក្នុងការចំណាយ ដោយសារតែថ្លៃចំណាយការរស់នៅប្រចាំថ្ងៃ និងជំពាក់បំណុលគេច្រើន។

ការស្ទង់មតិដែលធ្វើឡើងដោយមជ្ឈមណ្ឌលព្យាករណ៍សេដ្ឋកិច្ច និងធុរកិច្ចនៃសាកលវិទ្យាល័យសភាពាណិជ្ជកម្មថៃ បានវាយតម្លៃមតិរបស់មនុស្សចំនួន ១,២៨០ នាក់ក្នុងមុខរបរផ្សេងៗគ្នា ចាប់ពីថ្ងៃទី ២៥ ដល់ថ្ងៃទី ៣០ ខែមីនា រហូតដល់ទៅ ៦៦% នៃអ្នកឆ្លើយសំណួរបាននិយាយថា ពួកគេមានបំណងប្រារព្ធពិធីបុណ្យសង្ក្រាន្ត ដោយការធ្វើបុណ្យ, ៤២%, ការគោរពដល់ចាស់ឬសាច់ញាតិ ៤១.៦%, ការលេងជះទឹកគ្នាទៅវិញទៅមក និងនៅក្នុងពិធីជប់លៀង ត្រឹម ៣៩.២% ។

ទន្ទឹមនោះផងដែរ ជាងពាក់កណ្តាលនៃអ្នកឆ្លើយសំណួរបាននិយាយថា ពួកគេនឹងធ្វើដំណើរ ប៉ុន្តែភាគច្រើននៅក្នុងខេត្តរៀងៗខ្លួន ២៦% បាននិយាយថាពួកគេនឹងស្នាក់នៅផ្ទះ ១០.៦% បាននិយាយថាពួកគេនឹងធ្វើដំណើរទៅខេត្តផ្សេងទៀត។

គោលដៅទេសចរណ៍ក្នុងស្រុកដែលពេញនិយមបំផុតគឺ ឈុនបុរី, អយុធ្យា, រ៉ាយ៉ុង, សុខោទ័យ, ឈៀងម៉ៃ, នគររាជសីម៉ា, ភូកេត, ក្រាប៊ី, នគរស៊ីធម្មរាត និងបាងកក។ ការចំណាយធ្វើដំណើរក្នុងស្រុកជាមធ្យមក្នុងមួយម្ដងត្រូវបានប៉ាន់ប្រមាណថាមានចំនួន ៦,៤២៥បាត (១៧៥ ដុល្លារអាមេរិក) ខណៈដែលការចំណាយលើការធ្វើដំណើរក្រៅប្រទេសជាមធ្យមត្រូវបានគេប៉ាន់ប្រមាណថាមានចំនួន ៤០,១២៩បាត ក្នុងមួយដំណើរកម្សាន្តម្ដង។

ដោយឡែក លោក Thanawat Pholvichai ទីប្រឹក្សាមជ្ឈមណ្ឌលព្យាករណ៍ និងសាកលវិទ្យាធិការនៃសាកលវិទ្យាល័យ បាននិយាយថា ការចំណាយរបស់ភ្ញៀវទេសចរបរទេស និងក្នុងស្រុកក្នុងអំឡុងពេលពិធីបុណ្យក្នុងខែនេះ ត្រូវបានគេប៉ាន់ស្មានថាមានចន្លោះពី ១៤០ ពាន់លាន ទៅ ២០០ ពាន់លានបាត។

លោកបានបន្តថា សង្ក្រាន្តឆ្នាំនេះទំនងជាមានភាពរស់រវើក ហើយព្រឹត្តិការណ៍បុណ្យនានាត្រូវបានគេរំពឹងថានឹងបង្កើតការចំណាយកើនឡើង ដោយលោកបានបន្ថែមថា ក្នុងខែមេសាតែឯង ភ្ញៀវទេសចរបរទេសប្រមាណ ៣.២ លាននាក់ត្រូវបានរំពឹងថានឹងមកលេងប្រទេសថៃ។ លោកក៏ប៉ាន់ប្រមាណទៀតថា ពិធីបុណ្យសង្ក្រាន្តនឹងជំរុញកំណើនសេដ្ឋកិច្ចពី ២,០១% ទៅ ២,៥០% ឯណោះ៕

សូមជម្រាបជូនថា ពិធីបុណ្យសង្រ្កាននឹងត្រូវប្រារព្ធឡើងនៅទូទាំងប្រទេសថៃក្នុងរយៈពេល ២១ ថ្ងៃ ជាពិសេសរយៈពេល ៥ ថ្ងៃចាប់ពីថ្ងៃទី ១២-១៦ ខែមេសា ដើម្បីសម្គាល់ថា វាត្រូវបានទទួលស្គាល់ជាបេតិកភណ្ឌវប្បធម៌អរូបីដោយអង្គការអប់រំ វិទ្យាសាស្ត្រ និងយូណេស្កូ៕