ព័ត៌មានអន្ដរជាតិ
ខេត្តថៃ ជាប់ដងទន្លេមេគង្គ ប្រកាសអាសន្ន ក្រោយអាស៊ីត ៣០តោន ធ្លាយចូលទន្លេនៅឡាវ
ខេត្តថៃចំនួន៧នៅជាប់ដងទន្លេមេគង្គ បានប្រកាសអាសន្ននិងព្រមានប្រជាពលរដ្ឋឲ្យប្រុងប្រយ័ត្នខ្ពស់ ព្រោះថា ប៉ុន្មានថ្ងៃមុននេះ មានហេតុការណ៍គ្រោះថ្នាក់ចរាចរណ៍រថយន្តដឹកអាស៊ីត៣០តោន ក្រឡាប់កំពប់ជះសារធាតុនេះចូលក្នុងទន្លេ Nam Khan នៃប្រទេសឡាវ ហើយគេរំពឹងថា អាស៊ីតស៊ុលហ្វួរិច នឹងហូរចាក់ចូលទន្លេមេគង្គមកដល់ប្រទេសថៃ ក្នុងសប្តាហ៍នេះ។
![](https://www.kampucheathmey.com/wp-content/uploads/2024/04/image-544-1024x576.png)
រដ្ឋាភិបាលថៃ កំពុងតាមដានរឿងនេះយ៉ាងយកចិត្តទុកដាក់បំផុត បន្ទាប់ពីគ្រោះថ្នាក់ចរាចរណ៍នៅទីក្រុង Luang Prabang នៃប្រទេសឡាវ កាលពីថ្ងៃពុធសប្តាហ៍មុន។
ពាក់ព័ន្ធបញ្ហានេះ ការិយាល័យធនធានទឹកជាតិ បានជូនដំណឹងដល់ខេត្តចំនួន៧នៅតាមដងទន្លេមេគង្គ ដូចជា Loei, Nong Khai, Bueng Kan, Nakhon Phanom, Mukdahan, Amnat Charoen និង Ubon Ratchathani ត្រូវតាមដានគុណភាពទឹកទន្លេមេគង្គឲ្យមែនទែន។
![](https://www.kampucheathmey.com/wp-content/uploads/2024/04/image-545.png)
លោកស្រី Supamas Isarabhakdi រដ្ឋមន្ត្រីក្រសួងស្រាវជ្រាវវិទ្យាសាស្ត្រឧត្តមសិក្សា និងនវានុវត្តន៍ បានឲ្យដឹងថា លោកស្រីណែនាំដល់ក្រុមឆ្លើយតបបន្ទាន់ មកពីនាយកដ្ឋានសេវាកម្មវិទ្យាសាស្ត្រ ដើម្បីគាំទ្រដល់កិច្ចខិតខំប្រឹងប្រែងត្រួតពិនិត្យគុណភាពទឹកទន្លេ ក្នុងខេត្តទាំងប្រាំពីរខាងលើ និងវាយតម្លៃផលប៉ះពាល់លើបរិស្ថាន។
ស្របពេលជាមួយគ្នានោះ អាជ្ញាធរថៃ បានទាក់ទងមន្ត្រីឡាវ ឲ្យបង្ហូរទឹកចេញពីទំនប់ Xayaburi ដើម្បីកាត់បន្ថយជាតិគីមីក្នុងទន្លេ ក៏ដូចជាផលប៉ះពាល់ដល់គុណភាពទឹក នៅប្រទេសថៃ។
![](https://www.kampucheathmey.com/wp-content/uploads/2024/04/image-546-1024x683.png)
ពេលនេះ មន្ត្រីសុខាភិបាលថៃ ក៏បានចុះអប់រំប្រជាពលរដ្ឋនៅតាមបណ្តាខេត្តជាប់ទន្លេទាំង៧ អំពីរបៀបការពារខ្លួនពីគ្រោះថ្នាក់នៃសារធាតុគីមីផងដែរ ហើយប្រសិនបើពួកគេប៉ះនឹងទឹកដែលមានសារធាតុបំពុល ត្រូវណែនាំឲ្យទៅជួបគ្រូពេទ្យជាបន្ទាន់។
សូមបញ្ជាក់ថា អាស៊ីតស៊ុលហ្វួរិច គឺជាសារធាតុបំផ្លាញស្បែក ភ្នែក ធ្មេញ និងសួត ហើយបើប៉ះពាល់ធ្ងន់ធ្ងរ វាអាចបណ្តាលឲ្យងងឹតភ្នែកនិងឈានដល់បាត់បង់ជីវិតទៀតផង៕
អត្ថបទ៖ សុខ សុវណ្ណ
ចុចអាន៖ បុរសថៃ ដាច់សរសៃឈាមខួរក្បាលស្លាប់ ព្រោះផឹកស្រា ទាំងពេលមេឃកំពុងក្តៅខ្លាំង
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ