ព័ត៌មានអន្ដរជាតិ
តួកគី ដាក់កំហិតការនាំចេញផលិតផលជាង ៥០ ប្រភេទទៅ អ៊ីស្រាអែល រហូតមានឈប់បាញ់នៅ ហ្គាហ្សា
ប្រទេសតួកគីបានដាក់កំហិតលើការនាំចេញផលិតផលមួយចំនួនទៅកាន់អ៊ីស្រាអែលរហូតទាល់មានបទឈប់បាញ់ និងបង្កើនជំនួយចូលក្នុងតំបន់ហ្គាហ្សា បន្ទាប់ពីរដ្ឋាភិបាលអ៊ីស្រាអែលបានបដិសេធមិនអនុញ្ញាតឲ្យខ្លួនទម្លាក់ជំនួយតាមអាកាសទៅលើទឹកដីដែលកំពុងត្រូវបានឡោមព័ទ្ធមួយនេះ ។ នេះបើយោងតាមការចេញផ្សាយរបស់សារព័ត៌មាន Al Jazeera កាលពីថ្ងៃទី៩ ខែមេសាកន្លងទៅ ។
ក្រសួងពាណិជ្ជកម្មតួកគីបាននិយាយកាលពីថ្ងៃអង្គារថា តួកគីនឹងលែងបញ្ជូនផលិតផលប្រមាណ ៥៤ ប្រភេទទៅឲ្យប្រទេសអ៊ីស្រាអែលហើយ ក្នុងនោះរួមមានផលិតផលដែក ប្រេងឥន្ធនៈ គ្រឿងសំណង់ ម៉ាស៊ីន ស៊ីម៉ងត៍ ថ្មក្រានីត សារធាតុគីមី ថ្នាំសម្លាប់សត្វល្អិត និងឥដ្ឋជាដើម ។
តួកគីបាននិយាយនៅក្នុងសេចក្តីថ្លែងការណ៍មួយថា អ៊ីស្រាអែលនៅតែបន្តបំពានច្បាប់អន្តរជាតិយ៉ាងច្បាស់ ហើយមិនអើពើនឹងសហគមន៍អន្តរជាតិ ខណៈការដាក់កំហិតនេះនឹងនៅតែមានរហូតដល់អ៊ីស្រាអែលប្រកាសបទឈប់បាញ់ភ្លាមៗ និងអនុញ្ញាតឲ្យមានលំហូរគ្រប់គ្រាន់ និងមិនមានការរំខាននៃជំនួយមនុស្សធម៌ទៅកាន់តំបន់ហ្គាហ្សា ។
ពាក់ព័ន្ធនឹងបញ្ហានេះដែរ រដ្ឋមន្ត្រីការបរទេសអ៊ីស្រាអ៊ែលលោក Israel Katz បានវាយបកមកវិញចំពោះការប្រកាសរបស់ប្រទេសតួកគីថា ប្រធានាធិបតីតួកគីលោក Recep Tayyip Erdogan បានលះបង់ផលប្រយោជន៍សេដ្ឋកិច្ចរបស់ប្រជាជនតួកគី ហើយបែរជាងាកទៅគាំទ្រចំពោះឃាតករហាម៉ាសនៅហ្គាហ្សាទៅវិញ ។
ជាមួយគ្នានេះ អ៊ីស្រាអែលនឹងចាត់វិធានការដែលនឹងធ្វើឲ្យប៉ះពាល់ដល់សេដ្ឋកិច្ចតួកគីវិញ រួមទាំងការហាមឃាត់ការនាំចូលផលិតផលមួយចំនួនរបស់តួកគី សុំឲ្យអង្គការដែលមានមូលដ្ឋាននៅសហរដ្ឋអាមេរិកបញ្ឈប់ការវិនិយោគនៅក្នុងប្រទេសតួកគី និងឲ្យមិត្តអាមេរិកដាក់ទណ្ឌកម្មលើតួកគី ។
ការប្រកាសពីការទប់ស្កាត់ពាណិជ្ជកម្មបានកើតឡើងមួយថ្ងៃ បន្ទាប់ពីតួកគីបានសន្យាសងសឹកជាមួយនឹងអ៊ីស្រាអែល ក្រោយរដ្ឋាភិបាលរបស់លោកនាយករដ្ឋមន្ត្រី Benjamin Netanyahu បានរារាំងយន្តហោះដឹកទំនិញរបស់តួកគីមិនឲ្យទម្លាក់ជំនួយនៅតំបន់ហ្គាហ្សា ។
គួរបញ្ជាក់ថា ប្រទេសទាំងពីរមានជម្លោះពាក្យសម្តីគ្នា តាំងពីលោកប្រធានាធិបតី Erdogan បានហៅអ៊ីស្រាអែលថាជារដ្ឋភេរវកម្ម និងគាំទ្រដំណោះស្រាយរដ្ឋពីរចំពោះជម្លោះអ៊ីស្រាអែល និងប៉ាឡេស្ទីន ហើយថែមទាំងថ្កោលទោសការកាន់កាប់ទឹកដីប៉ាឡេស្ទីនអស់រយៈពេលជាច្រើនទសវត្សរ៍របស់អ៊ីស្រាអែលផងដែរ ។ ជុំវិញបញ្ហានេះអ៊ីស្រាអែល និងតួកគីក៏បានដកឯកអគ្គរដ្ឋទូតរបស់ពួកគេចេញពីរដ្ឋធានីរៀងៗខ្លួន ពោលភ្លាមៗបន្ទាប់ពីផ្ទុះសង្គ្រាមនៅហ្គាហ្សា ៕
អត្ថបទ ៖ ប៊ុន សុភាព
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?