ព័ត៌មានអន្ដរជាតិ
បន្ទាប់ពីអ៊ីស្រាអែល ពេលនេះលោក Biden ចេញមុខធានាការពារសម្ព័ន្ធមិត្តមួយទៀត នៅអាស៊ីអាគ្នេយ៍
តាមការចុះផ្សាយរបស់ BBC នៅថ្ងៃសុក្រទី១២ខែមេសា លោកប្រធានាធិបតី Joe Biden បានប្តេជ្ញាថា ជាការគាំទ្ររឹងដូចដែកថែប, សហរដ្ឋអាមេរិក នឹងការពារសម្ព័ន្ធមិត្តនៅអាស៊ីអាគ្នេយ៍គឺហ្វីលីពីន ពីការវាយប្រហារណាមួយនៅក្នុងសមុទ្រចិនខាងត្បូង។
ការអត្ថាធិប្បាយរបស់លោក Biden កើតឡើងចំពេលមានការប៉ះទង្គិចគ្នាជាប្រចាំ និងភាពតានតឹងហក់ឡើងខ្ពស់ រវាងនាវាឆ្មាំសមុទ្រចិនជាមួយហ្វីលីពីន ក្នុងផ្លូវទឹកដែលមានជម្លោះ។
ថ្លែងពេលចាប់ផ្តើមកិច្ចចរចាត្រីភាគីនៅសេតវិមានជាមួយនាយករដ្ឋមន្ត្រីជប៉ុន Fumio Kishida និងប្រធានាធិបតីហ្វីលីពីន Ferdinand Marcos Jr, លោក Biden និយាយថា “ការវាយប្រហារណាមួយលើយន្តហោះ នាវា ឬកងកម្លាំងប្រដាប់អាវុធហ្វីលីពីននៅសមុទ្រចិនខាងត្បូង នឹងនាំឲ្យមានគាស់កកាយយកសន្ធិសញ្ញាការពារគ្នាឆ្នាំ១៩៥១ មកប្រើប្រាស់មិនខានឡើយ”។
ដំណើរទស្សនកិច្ចរបស់លោក Marcos ទៅកាន់ទីក្រុងវ៉ាស៊ីនតោន កើតឡើងប៉ុន្មានថ្ងៃ បន្ទាប់ពីប្រទេសរបស់លោក ចោទប្រកាន់នាវាចិនថា ធ្វើសមយុទ្ធដ៏គ្រោះថ្នាក់ នៅជិតថ្មប៉ប្រះទឹក Second Thomas Shoal ដែលជាដែនទឹកមានជម្លោះក្បែរប្រជុំកោះ Spratly។
នោះគឺជាឧបទ្ទវហេតុមួយ ក្នុងចំណោមឧបទ្ទវហេតុជាច្រើន ដែលនាវាចិនត្រូវបានចោទប្រកាន់ថា យាយីនៅក្នុងតំបន់ រួមមានដូចជាការបាញ់ទឹក និងបើកបុកកប៉ាល់ហ្វីលីពីន ជាដើម។
សូមបញ្ជាក់ថា មួយថ្ងៃមុននេះ លោក ចូ បៃដិន ក៏បានអះអាងពីការប្តេជ្ញាចិត្តរឹងដូចដែកថែបរបស់អាមេរិក ដើម្បីការពារអ៊ីស្រាអែលផងដែរ ក្នុងករណីសម្ព័ន្ធមិត្តមួយនេះ ត្រូវវាយប្រហារដោយអ៊ីរ៉ង់ឬចលនាប្រដាប់អាវុធដែលទទួលបានការឧបត្ថម្ភពីរដ្ឋាភិបាលទីក្រុងតេហេរ៉ង់។
ក្នុងសន្និសីទកាសែតនៅខាងក្រៅជំនួបកំពូលជាមួយនាយករដ្ឋមន្ត្រីជប៉ុន Fumio Kishida នាទីក្រុងវ៉ាស៊ីនតោន, លោក បៃដិន អះអាងថា “ខ្ញុំបានបញ្ជាក់ទៅកាន់លោកនាយករដ្ឋមន្រ្តី Benjamin Netanyahu ថា សហរដ្ឋអាមេរិក នៅតែរក្សាការប្តេជ្ញាចិត្តរឹងដូចដែកថែប ចំពោះសន្តិសុខរបស់អ៊ីស្រាអែល ប្រឆាំងរាល់ការគំរាមកំហែងពីអ៊ីរ៉ង់ និងកងកម្លាំងដែលខ្លួនគាំទ្រ”។
ថ្មីៗនេះ អ៊ីរ៉ង់បានគំរាមមិនដាច់ពីមាត់សងសឹកអ៊ីស្រាអែល បន្ទាប់ពីការវាយឆ្មក់លើស្ថានកុងស៊ុលនៅទីក្រុងដាម៉ាស ដែលបានសម្លាប់សមាជិកឆ្មាំបដិវត្តន៍អ៊ីរ៉ង់ (IRGC) ចំនួន៧នាក់ រួមទាំងមេទ័ពកំពូលមួយរូបឈ្មោះ Mohammad Reza Zahedi ផងដែរ។
ទោះបីជាយ៉ាងណាក៏ដោយ អ៊ីស្រាអែល មិនទទួលស្គាល់ថា នេះជាទង្វើរបស់ខ្លួនឡើយ៕
អត្ថបទ៖ សុខ សុវណ្ណ
ចុចអាន៖ លោក ចូ បៃដិន ចេញមុខធានាការពារអ៊ីស្រាអែល បើអ៊ីរ៉ង់ ហ៊ានវាយប្រហារ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
ព្រឹកនេះ អនុព័ន្ធការងារប្រចាំប្រទេសថៃ កំពុងបន្តតាមដានដោយផ្ទាល់នៅទីតាំងរលំអគារ ក្នុងទីក្រុងបាងកក ត្រៀមអន្តរាគមន៍ឲ្យទាន់ពេលវេលាជូនពលករខ្មែរនៅថៃ
រឿង «Snow White» កាន់តែកៀកគ្រោះមហន្តរាយ ខណៈដែលភាពយន្តឈានដល់កម្រិតទាបបំផុត
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?