ព័ត៌មានអន្ដរជាតិ
អ៊ីរ៉ង់ ព្រមានថា បើអ៊ីស្រាអែល ហ៊ានសងសឹក នឹងត្រូវធ្ងន់ជាងនេះ
ប្រទេសអ៊ីរ៉ង់ បានព្រមានអ៊ីស្រាអែលថា ពួកគេនឹងត្រូវធ្ងន់ជាងនេះ បើសិនជាហ៊ានសងសឹកចំពោះការវាយប្រហារដោយមីស៊ីលនិងយន្តហោះគ្មានមនុស្សបើក របស់ទីក្រុងតេហេរ៉ង់ ហើយសហរដ្ឋអាមេរិក សូមកុំលូកដៃក្នុងសកម្មភាពយោធារបស់អ៊ីស្រាអែល ឲ្យសោះ។
តាមការចុះផ្សាយរបស់ Al Jazeera, ប្រធានាធិបតីអ៊ីរ៉ង់ លោក Ebrahim Raisi បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យទី១៤ខែមេសាថា “ប្រសិនបើអ៊ីស្រាអែល ឬអ្នកគាំទ្ររបស់ខ្លួន បង្ហាញអាកប្បកិរិយាមិនប្រុងប្រយ័ត្ន ពួកគេនឹងទទួលរងនូវការឆ្លើយតបយ៉ាងម៉ឺងម៉ាត់ និងខ្លាំងក្លាជាងនេះទៅទៀត”។
សេចក្តីថ្លែងការណ៍របស់លោក Raisi កើតឡើង បន្ទាប់ពីការព្រមានស្រដៀងគ្នានេះ ដោយមេទ័ពអ៊ីរ៉ង់ Mohammad Bagheri ដែលប្រាប់ទៅទូរទស្សន៍ជាតិថា ការឆ្លើយតបធំជាងនេះកំពុងរង់ចាំអ៊ីស្រាអែល ប្រសិនបើពួកគេសងសឹកអ៊ីរ៉ង់មែន ហើយសហរដ្ឋអាមេរិក គួរតែនៅឲ្យឆ្ងាយពីជម្លោះ ព្រោះវាជាបញ្ហារវាងអ៊ីរ៉ង់និងអ៊ីស្រាអែលទេ។
លោក Bagheri និយាយថា “ការវាយប្រហាររបស់អ៊ីរ៉ង់លើអ៊ីស្រាអែល បានសម្រេចបាននូវគោលដៅរបស់ខ្លួនទាំងអស់ ហើយតាមទស្សនៈរបស់យើង ប្រតិបត្តិការបានបញ្ចប់ហើយ យើងគ្មានបំណងបន្តឡើយ”។
ទន្ទឹមនឹងនេះ បេសកកម្មអចិន្ត្រៃយ៍របស់អ៊ីរ៉ង់ ប្រចាំអង្គការសហប្រជាជាតិ បានបង្ហាញពីភាពត្រឹមត្រូវនៃការឆ្លើយតបរបស់ខ្លួន ចំពោះទង្វើដ៏គឃ្លើនរបស់អ៊ីស្រាអែល ដោយអះអាងថា នោះគឺជាការការពារផ្លូវច្បាប់ ស្របតាមធម្មនុញ្ញរបស់ UN។
ទោះបីជាយ៉ាងណាក៏ដោយ មុននេះសេតវិមានក៏បានព្រមានអ៊ីស្រាអែលដែរថា សហរដ្ឋអាមេរិក នឹងមិនចូលរួមការវាយប្រហារសងសឹកណាមួយលើអ៊ីរ៉ង់ឡើយ។
ថ្លែងទៅកាន់អ្នកសារព័ត៌មាន មន្ត្រីរដ្ឋបាលជាន់ខ្ពស់មួយរូបនិយាយថា លោក បៃដិន បានប្រាប់នាយករដ្ឋមន្ត្រីអ៊ីស្រាអែល Benjamin Netanyahu ឲ្យគិតគូរហ្មត់ចត់ អំពីរបៀបដែលកងកម្លាំងរបស់គាត់ នឹងត្រូវឆ្លើយតបទៅអ៊ីរ៉ង់។
សូមបញ្ជាក់ជាថ្មី អ៊ីរ៉ង់ បានបាញ់យន្តហោះគ្មានមនុស្សបើកជាច្រើនគ្រឿង និងមីស៊ីលជាង៣០០គ្រាប់ ចូលទៅអ៊ីស្រាអែល ដើម្បីសងសឹកចំពោះការវាយប្រហារកាលពីថ្ងៃទី១ខែមេសា លើស្ថានកុងស៊ុលរបស់ខ្លួនក្នុងប្រទេសស៊ីរី។
ទោះបីជាយ៉ាងណាក៏ដោយ អាវុធស្ទើរតែទាំងអស់ ត្រូវបានកងកម្លាំងអ៊ីស្រាអែល សហរដ្ឋអាមេរិក និងសម្ព័ន្ធមិត្ត បាញ់ទម្លាក់ មុនពេលហោះទៅដល់គោលដៅ។
នេះគឺជាការសងសឹកចំពោះការវាយប្រហារតាមអាកាសលើស្ថានកុងស៊ុលរបស់អ៊ីរ៉ង់ នៅទីក្រុងដាម៉ាសនៃ ប្រទេសស៊ីរី ដែលបានសម្លាប់ឧត្តមសេនីយ៍កំពូលអ៊ីរ៉ង់ពីររូប កាលពីដើមខែនេះ៕
អត្ថបទ៖ សុខ សុវណ្ណ
ចុចអាន៖ អាមេរិកប្រកាស ថា ខ្លួនមិនចូលរួមទេ បើអ៊ីស្រាអែល សងសឹក អ៊ីរ៉ង់ វិញ
អ្នកនាំពាក្យ ថា មានអ្នកជាប់កាតព្វកិច្ច៧រូបមិនទាន់មកប្រកាសទ្រព្យសម្បត្តិ និងបំណុល
កម្ពុជា បន្តបណ្ដេញជនជាតិវៀតណាម២៤នាក់ទៀត ចេញពីប្រទេស
សហគ្រាសចំនួន ៨ កំពុងប្រើប្រាស់ប្រព័ន្ធ CamTrace ជម្រុញការនាំចេញផលិតផលជលផលទៅទីផ្សារអន្តរជាតិ
គ្រោះថ្នាក់ចរាចរណ៍ដ៏សាហាវ បណ្តាលឲ្យស្លាប់ ៨នាក់និងរបួស១១នាក់នៅឥណ្ឌូណេស៊ី
ហ្សេលេនស្គី ព្រមដោះដូរធនធានរ៉ែកម្រជាមួយ ត្រាំ ឲ្យតែបានជំនួយ
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
ត្រាំ ស៊ីញេ ដកអាមេរិក ចេញពីក្រុមប្រឹក្សាសិទ្ធិមនុស្ស UN
អ្នកជំនាញ និងក្រសួងអប់រំ ៖ ខ្លឹមសារនៃសៀវភៅប្រវត្តិសាស្រ្តថ្នាក់ទី៦ មិនមែនជាការកែប្រែប្រវត្តិសាស្រ្តកម្ពុជានោះទេ
ត្រាំ ផ្ដែផ្ដាំទីប្រឹក្សាថា បើអ៊ីរ៉ង់ធ្វើឃាតលោក ត្រូវកម្ទេចអ៊ីរ៉ង់ឲ្យម៉ត់ដូចផេះ
-
សន្តិសុខសង្គម៧ ម៉ោង agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៧ ម៉ោង agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៤ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច