ព័ត៌មានអន្ដរជាតិ
ប៉ូឡូញ កើតជម្លោះផ្ទៃក្នុង រឿងយកនុយក្លេអ៊ែរអាមេរិក មកដាក់លើដីខ្លួន កៀករុស្ស៊ី
តាមសេចក្តីរាយការណ៍របស់ Reuters កាលពីថ្ងៃចន្ទទី២២ខែមេសា ថ្នាក់ដឹកនាំនៃប្រទេសជាសមាជិកអង្គការណាតូ គឺប៉ូឡូញ កំពុងកើតជម្លោះផ្ទៃក្នុងមើលមុខគ្នាមិនចំ រឿងដាក់អាវុធនុយក្លេអ៊ែរអាមេរិក លើទឹកដីរបស់ខ្លួននៅជាប់មាត់ទ្វាររុស្ស៊ី ដោយនាយករដ្ឋមន្ត្រី Donald Tusk បានចេញមុខជំទាស់ ហើយសុំការពន្យល់ឲ្យបានច្បាស់ពីលោកប្រធានាធិបតី Andrzej Duda ចំពោះរឿងនេះ។
លោក Tusk គឺជាមេដឹកនាំគណបក្ស Civic Platform ដែលជាដៃគូជាន់ខ្ពស់នៅក្នុងសម្ព័ន្ធកំពុងកាន់អំណាចបច្ចុប្បន្ន។ សម្ព័ន្ធនេះបានឡើងកាន់អំណាចកាលពីខែធ្នូឆ្នាំមុន ដោយផ្តួលគណបក្សច្បាប់និងយុត្តិធម៌ (PiS) របស់លោក Duda ហើយចាប់តាំងពីពេលនោះមក អ្នកទាំងពីរតែងតែខ្វែងគំនិតគ្នាជានិច្ចលើបញ្ហាគោលនយោបាយ។
ក្នុងបទសម្ភាសន៍ជាមួយគេហទំព័រ Fakt លោក Duda បានលើកឡើងពីកិច្ចពិភាក្សាដែលកំពុងបន្តជាមួយទីក្រុងវ៉ាស៊ីនតោន ចំពោះការចូលរួមរបស់ទីក្រុងវ៉ាសូវី ក្នុងកម្មវិធីចែករំលែកនុយក្លេអ៊ែររបស់សហរដ្ឋអាមេរិក។
ដោយសារតែរឿងនេះហើយ ទើបលោក Tusk ចេញមុខនិយាយថា “ខ្ញុំនឹងទៅជួបលោកប្រធានាធិបតី ព្រោះខ្ញុំចង់ដឹងអំពីចេតនារបស់គាត់។ ត្បិតប្រទេសប៉ូឡូញ ចង់បានអាវុធនិងរៀបចំឲ្យបានល្អតាមដែលអាចធ្វើបានក៏ពិត តែខ្ញុំក៏ចង់ឲ្យគំនិតផ្តួចផ្តើមណាមួយ ត្រូវរៀបចំឲ្យបានល្អដោយមានអ្នកទទួលខុសត្រូវដែរ។ យ៉ាងណា គំនិតដាក់បរមាណូរបស់អាមេរិកលើទឹកដីប៉ូឡូញគឺធំពេកហើយ វាធ្ងន់ធ្ងរណាស់”។
សូមបញ្ជាក់ បច្ចុប្បន្ន សហរដ្ឋអាមេរិកមានគ្រាប់បែកទំនាញ ត្រូវបានដាក់ពង្រាយក្នុងប្រទេសជាសមាជិកអង្គការណាតូចំនួនប្រាំគឺ បែលហ្សិក អាល្លឺម៉ង់ អ៊ីតាលី ហូឡង់ និងតួកគី។
យ៉ាងណា អស់រយៈពេលជាច្រើនឆ្នាំមកហើយ ប្រទេសប៉ូឡូញ តែងជួបឧបសគ្គមិនអាចចូលរួមជាមួយក្លិបនេះបាន ប៉ុន្តែប្រសិនបើទីក្រុងវ៉ាសូវីនិងវ៉ាស៊ីនតោន ពិតជាសម្រេចបានគោលដៅនេះមែន នោះវានឹងនាំឲ្យឃ្លាំងអាវុធនុយក្លេអ៊ែររបស់អង្គការណាតូ មកស្ថិតនៅលើព្រំដែននៃតំបន់ Kaliningrad របស់រុស្ស៊ី ក៏ដូចជាបេឡារុស ដែលជាសម្ព័ន្ធមិត្តដ៏សំខាន់របស់ទីក្រុងមូស្គូដែរ។
ឆ្លើយតបចំពោះរឿងនេះ អ្នកនាំពាក្យវិមានក្រឹមឡាំង លោក Dmitry Peskov បាននិយាយប្រាប់ RT ថា រុស្ស៊ីនឹងចាត់វិធានការតបតចាំបាច់ទាំងអស់ ដើម្បីធានាសន្តិសុខរបស់ខ្លួន ខណៈអ្នកនាំពាក្យក្រសួងការបរទេសរុស្ស៊ី លោកស្រី Maria Zakharova ក៏ព្រមានដែរថា សព្វាវុធណាមួយនៅក្នុងប្រទេសប៉ូឡូញ នឹងត្រូវចាត់ទុកជាគោលដៅស្របច្បាប់ បើជម្លោះយោធាដោយផ្ទាល់ជាមួយណាតូ ផ្ទុះឡើងមែន៕
អត្ថបទ៖ សុខ សុវណ្ណ
ចុចអាន៖ ប៉ូឡូញ ចាប់ខ្លួនបុរសម្នាក់ ដែលគេចាត់មក ឲ្យធ្វើឃាតលោក Zelensky
បណ្ឌិត យង់ ពៅ៖ អ្នកមិនទទួលស្គាល់ជ័យជម្នះ ៧មករា ស្មើនឹងគាំទ្ររបបខ្មែរក្រហម និងប្រមាថអាយុជីវិតពលរដ្ឋខ្មែររាប់លាននាក់ដែលស្លាប់នៅក្នុងរបបនេះ
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
នៅមណ្ឌលគិរី អាជ្ញាធរលែងកូនត្រីចម្រុះ២ម៉ឺន៧ពាន់ក្បាលក្នុងទំនប់អូរតេធិបតី ដើម្បីបង្កើនការផ្គត់ផ្គង់ និងស្ទួចលេងកម្សាន្ត
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហគមន៍កសិកម្មទំនើបស្រូវសែនក្រអូប ត្រូវបានធានាតម្លៃទុកមុន ១ ៣៥០ រៀល
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ជីវិតកម្សាន្ដ២៣ ម៉ោង agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ