ព័ត៌មានអន្ដរជាតិ
EU គំរាមបិទមុខងារពិសេសមួយនៅលើ TikTok Lite
សហភាពអឺរ៉ុប (EU) បានព្រមានបិទមិនឲ្យប្រើប្រាស់នូវមុខងារថ្មីពិសេសមួយនៅលើកម្មវិធីកម្សាន្ត TikTok Lite ក្នុងតំបន់អឺរ៉ុប ដោយយល់ថាវាធ្វើឲ្យមនុស្សញៀនដូចជាការជក់បារីអ៊ីចឹង បើកាលណាក្រុមហ៊ុនបណ្ដាញសង្គមនេះមិនអាចផ្ដល់ព័ស្តុតាងជាក់លាក់អំពីសុវត្ថិភាពកុមារ ។ នេះបើយោងតាមការចុះផ្សាយរបស់សារព័ត៌មាន The Guardian កាលពីថ្ងៃទី២២ ខែមេសា ។
គណៈកម្មការអឺរ៉ុបបានរៀបរាប់ថា TikTok Lite មានហានិភ័យប៉ះពាល់ធ្ងន់ធ្ងរចំពោះសុខភាពផ្លូវចិត្តរបស់អ្នកប្រើប្រាស់ ដោយក្នុងនោះរួមបញ្ចូលទាំងអនីតិជនផងដែរ។ មុខងារនៅលើ TikTok Lite ដែល EU បានគំរាមនោះ គឺជាការផ្ដល់ជូនរង្វាន់ជាពិន្ទុដល់អ្នកប្រើប្រាស់ ដោយគ្រាន់តែមើល និងចុច “Like” នៅលើមាតិកាវីដេអូ ។ ពិន្ទុទាំងនេះ អាចផ្លាស់ប្ដូរជាបណ្ណទំនិញ ឬក៏ជាប្រភេទ “Gift Card” ។
TikTok Lite ជាកំណែទម្រង់តូចជាងកម្មវិធី TikTok ធម្មតា ដែលងាយស្រួលប្រើ បើទោះជាសេវាអ៊ីនធឺណិតដើរយឺតក៏ដោយ។ អ្នកប្រើប្រាស់ TikTok Lite អាចទទួលបានកាដូរង្វាន់ លុះត្រាណាតែពួកគេបានចូលមើលកម្មវិធីជាប្រចាំរយៈពេល ១០ ថ្ងៃជាប់ៗគ្នា ។
លោក Thierry Breton គណៈកម្មការជាន់ខ្ពស់ផ្នែកបច្ចេកវិទ្យាអឺរ៉ុបបាននិយាយថា “យើងសង្ស័យ TikTok Lite អាចក្លាយជាការបំពុល ហើយញៀនដូចជាភ្លើងបារី ដូច្នេះយើងត្រៀមរួចរាល់ជាស្រេច ដើម្បីចាត់វិធានការច្បាប់សេវាកម្មឌីជីថលបណ្ដោះអាសន្ន ដោយរួមបញ្ចូលទាំងការផ្អាកមុខងារមួយចំនួនរបស់ TikTok Lite ផងដែរ” ។
យោងតាមការផ្សាយរបស់ Reuters បានឲ្យដឹងថា ក្រុមហ៊ុន TikTok ពិតជាខកចិត្តជាមួយការសម្រេចចិត្តរបស់គណៈកម្មការអឺរ៉ុប ។ អ្នកនាំពាក្យ TikTok បានឆ្លើយតបថា “កម្មវិធីផ្ដល់រង្វាន់លើ TikTok Lite មិនបើកឲ្យអ្នកប្រើប្រាស់ក្រោម ១៨ ឆ្នាំនោះទេ ហើយមានការកំណត់ពេលវេលាមើលប្រចាំថ្ងៃថែមទៀតផងចំពោះកម្មវិធីមើលវីដេអូយករង្វាន់។ យើងនឹងបន្តការពិភាក្សាថែមទៀតជាមួយគណៈកម្មការ” ៕
ដោយ ៖ ឈាង
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ