ព័ត៌មានអន្ដរជាតិ

ភរិយាស្ថាបនិកក្រុមហ៊ុនអ៊ីនធឺណិតធំជាងគេនៅអាស៊ីអាគ្នេយ៍ ទិញវិមានតម្លៃ ៣១ លានដុល្លារនៅ សិង្ហបុរី

បានផុស

៩ ខែ មុន

នៅ

ថ្ងៃពុធ ២៤ មេសា ២០២៤

ដោយ

លោកស្រី Liqian Ma ភរិយារបស់មហាសេដ្ឋី Forrest Li ស្ថាបនិកក្រុមហ៊ុនអ៊ីនធឺណិតធំជាងគេនៅអាស៊ីអាគ្នេយ៍ មានឈ្មោះថា Sea Limited គ្រោងនឹងទិញបឹងហ្គាឡូចំនួន ៣១ លានដុល្លារនៅផ្លូវ Gallop របស់ប្រទេសសិង្ហបុរី ក្បែរសួនរុក្ខសាស្ត្រ នេះបើតាម Bloomberg បានរាយការណ៍នៅថ្ងៃទី ២៤ ខែមេសា ឆ្នាំ ២០២៤។

អចលនទ្រព្យនេះត្រូវបានចាត់ថ្នាក់ជាបឹងហ្គាឡូថ្នាក់ល្អ (GCB) នៅក្នុងប្រទេសសិង្ហបុរី មានទំហំ ១,៥៥២ ម៉ែត្រការ៉េ ដែលស្មើនឹងជិត ២០,០០០ ក្នុងមួយម៉ែត្រការ៉េ ដូចដែលបានបង្ហាញដោយឯកសារដែលដាក់ដោយ លោកស្រី Liqian Ma ក្នុងខែនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

GCBs គឺជាអចលនទ្រព្យដ៏មានកិត្យានុភាព មានទីតាំងនៅក្នុងទីតាំងផ្តាច់មុខ ដែលត្រូវតែមានផ្ទៃដីយ៉ាងហោចណាស់ ១,៤០០ម៉ែត្រការ៉េ នេះបើយោងតាម PropertyGuru ដែលជាទីផ្សារអចលនទ្រព្យឌីជីថលឈានមុខគេនៅអាស៊ីអាគ្នេយ៍បានបញ្ចាក់យ៉ាងដូច្នោះ។ បច្ចុប្បន្នមាន GCBs ប្រមាណ ២,៧០០ ដែលរីករាលដាលពាសពេញតំបន់ចំនួន៣៩ ក្នុងប្រទេសសិង្ហបុរី។

ដោយឡែក យោងតាមកាសែត The Business Times បានឲ្យដឹងដែរថា Li ដើមកំណើតជនជាតិចិន ធ្លាប់បានទិញ និងជួសជុលបឹងហ្គាឡូមួយកន្លែងនៅជាប់នឹងផ្ទះដែលភរិយាកំពុងទិញ។ អចលនទ្រព្យដែលនៅជិតខាងនេះកាន់កាប់ដីទំហំ ១,៤០៣ ម៉ែត្រការ៉េ ហើយត្រូវបានទិញដោយ Forrest Li ក្នុងឆ្នាំ ២០១៩ ក្នុងតម្លៃប្រហែល ១៩ លានដុល្លារ។ បឹងហ្គាឡូទាំងពីរមានទីតាំងនៅ Gallop Road/Woollerton Park GCB Area ។

ទ្រព្យសម្បត្តិរបស់លោក Forrest Li កើតចេញពីហ្គេមអនឡាញ និងពាណិជ្ជកម្មអេឡិចត្រូនិកយក្ស Sea ដែលគាត់បានបង្កើតឡើងក្នុងឆ្នាំ ២០០៩ ក្នុងនាមជាអ្នកបង្កើតហ្គេម និងអ្នកបោះពុម្ពឈ្មោះ Garena ។ ក្រុមហ៊ុននេះបានបើកដំណើរការ Shopee ដែលជាវេទិកាពាណិជ្ជកម្មអេឡិចត្រូនិកដ៏ធំបំផុតរបស់អាស៊ីអាគ្នេយ៍ក្នុងឆ្នាំ ២០១៥ ។

ក្នុងឆ្នាំ២០២១ លោក Li ត្រូវបានចាត់ថ្នាក់ជាបុគ្គលមានបំផុតរបស់ប្រទេសសិង្ហបុរី នៅក្នុងសន្ទស្សន៍មហាសេដ្ឋី Bloomberg ដែលមានទ្រព្យសម្បត្តិសុទ្ធចំនួន ១៩.៨ពាន់លានដុល្លារ។ ទោះបីជាយ៉ាងណាក៏ដោយ គាត់បានបាត់បង់ ៨០% នៃទ្រព្យសម្បត្តិរបស់គាត់នៅឆ្នាំបន្ទាប់នៅក្នុងវិបត្តិទីផ្សារ ដែលនាំឲ្យមានការខាតបង់ច្រើនជាង ១ទ្រីលានដុល្លារ ក្នុងចំណោមបុគ្គលដែលមានបំផុតទាំង ៥០០របស់ពិភពលោក។ ទ្រព្យសម្បត្តិសុទ្ធរបស់គាត់បច្ចុប្បន្នមានចំនួន៣.៧ពាន់លានដុល្លារគិតត្រឹមថ្ងៃទី ២៣ ខែមេសា នេះបើយោងតាមទស្សនាវដ្តី Forbes បានរកឃើញកន្លងមក៕