ព័ត៌មានអន្ដរជាតិ
អាមេរិក ជះលុយ ៥ ពាន់លានដុល្លារទិញឧទ្ធម្ភាគចក្រដឹកមន្ត្រីរដ្ឋាភិបាល តែប្រធានាធិបតីមិនអាចជិះបាន
ការបញ្ជាទិញឧទ្ធម្ភាគចក្រថ្មីៗទំនើបជាងមុន គឺជាផ្នែកមួយនៃកញ្ចប់កម្មវិធីថវិកាជាតិសហរដ្ឋអាមេរិក ដែលមានទំហំទឹកប្រាក់រហូតដល់ ៥ ពាន់លានដុល្លារ ដើម្បីធ្វើជាមធ្យោបាយសម្រាប់ដឹកមន្ត្រីរដ្ឋាភិបាល ។ យ៉ាងណាមិញ ចំពោះលោកប្រធានាធិបតីអាមេរិកវិញ នឹងមិនអាចប្រើប្រាស់ឧទ្ធម្ភាគចក្រប្រភេទថ្មីទំនើបនេះបានឡើយ ។ នេះបើយោងតាមការចុះផ្សាយនៅលើសារព័ត៌មាន Bloomberg កាលពីថ្ងៃទី២៣ ខែមេសាកន្លងទៅ ។
ប្រភពដដែល បានបញ្ជាក់ថា មូលហេតុមិនអាចដឹកលោកប្រធានាធិបតី ចូ បៃដិន បានព្រោះថា ស៊ីម៉ាំងម៉ាស៊ីន និងម៉ូទ័ររបស់ឧទ្ធម្ភាគចក្រម៉ូដែល VH-92 អាចដុតឲ្យឆេះវាលស្មៅនៅក្នុងសេតវិមាន ដែលបញ្ហានេះកើតមានតាំងតែពីឆ្នាំ២០១៨ មកម៉្លេះ ។
ដោយសារតែបញ្ហាដោះស្រាយមិនទាន់បាននេះ ទើបឧទ្ធម្ភាគចក្រ VH-92 នឹងត្រូវប្រើសម្រាប់ដឹកមន្ត្រីរដ្ឋាភិបាលអាមេរិក និងបុគ្គលិកទីភ្នាក់ងារសម្ងាត់ប៉ុណ្ណោះ ។ ចំណែកលោក ចូ បៃដិន នឹងនៅតែជិះឧទ្ធម្ភាគចក្រស៊េរីចាស់ VH-3D ដដែល ព្រោះម៉ូដែលនេះមិនបង្កជាផលប៉ះពាល់បណ្ដាលឲ្យឆេះវាលស្មៅសេតវិមានដូចម៉ូដែល VH-92 ទេ ។
ជាទូទៅ មធ្យោបាយធ្វើដំណើរតាមដែនអាកាសរបស់មន្ត្រីរដ្ឋាភិបាលអាមេរិក បានប្រើនូវឧទ្ធម្ភាគចក្រចំនួន ២ ម៉ូដែលដូចជា VH-3D និង VH-60N ។ ហេតុតែឧទ្ធម្ភាគចក្រទាំងនោះមានវ័យចំណាស់ទើបយោធាអាមេរិកសម្រេចប្ដូរមកទិញម៉ូដែលថ្មីគឺ VH-92 ចំនួន ២០ គ្រឿងពីក្រុមហ៊ុន Lockheed Martin ក្រោមកម្មវិធីកញ្ចប់ថវិកាជាតិ ៥ ពាន់លានដុល្លារ ។
បញ្ហាចុះចតរបស់ VH-92 នៅសេតវិមាន ត្រូវបានពិនិត្យរកឃើញដំបូងតាំងតែពីរដ្ឋបាលគ្រប់គ្រងដោយលោក ដូណាល់ ត្រាំ នាឆ្នាំ ២០១៨ មកម៉្លេះ ប៉ុន្តែនៅតែមិនអាចរកវិធីមកដោះស្រាយបាននៅឡើយ ។
ក្រុមហ៊ុន Sikorsky ដែលជាបុត្រសម្ព័ន្ធក្រុមហ៊ុន Lockheed Martin បានប្រាប់ទៅកាន់សារព័ត៌មាន Business Insider ថា បច្ចុប្បន្នទាំងក្រុមហ៊ុនផលិត ទាំងផ្នែកបញ្ជាការប្រព័ន្ធកងទ័ពអាកាសអាមេរិក កំពុងធ្វើការរួមគ្នាស្វែងរកដំណោះស្រាយទាក់ទិននឹងបញ្ហាចុះចតនេះ ដើម្បីធានាឲ្យបានថា ឧទ្ធម្ភាគចក្រដែលផលិតមកអាចបំពេញប្រតិបត្តិការបានត្រឹមត្រូវ និងយ៉ាងរលូន ៕
ដោយ ៖ ឈាង
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្ត យានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?