ព័ត៌មានអន្ដរជាតិ
ថៃ បញ្ចេញទំហំទឹកប្រាក់កើបបានពីពិធីបុណ្យសង្ក្រាន្ត
ក្រសួងទេសចរណ៍ និងកីឡាប្រទេសថៃកាលពីថ្ងៃពុធបានបញ្ចេញទិន្នន័យថវិកាថ្នាក់ជាតិដែលកើបបានពីភ្ញៀវទេសចរក្នុងស្រុក និងបរទេស អំឡុងពិធីបុណ្យមហាសង្ក្រាន្តចូលឆ្នាំថ្មីរយៈពេល ២១ ថ្ងៃ ចាប់ពីថ្ងៃទី១ ដល់ថ្ងៃទី២១ ខែមេសា ។ នេះបើយោងតាមការចុះផ្សាយដោយសារព័ត៌មាន The Nation កាលពីថ្ងៃទី២៤ ខែមេសាកន្លងទៅ ។

តាមការបញ្ជាក់ពីលោកស្រី Sudawan Wangsupakitkosol រដ្ឋមន្ត្រីក្រសួងទេសចរណ៍ និងកីឡាបានឲ្យដឹងថា ពិធីបុណ្យនេះបានបង្កើតប្រាក់ចំណូលសរុបចំនួន ១៤០.៣៣៥ ពាន់លានបាត (ជាង ៣.៧៧ ពាន់លានដុល្លារ) ដែលខ្ពស់ជាងការរំពឹងទុករបស់ក្រសួងដែលប៉ាន់ស្មានថា ប្រាក់ចំណូលសរុបដែលប្រមូលបានក្នុងអំឡុងបុណ្យសង្ក្រាន្តរយៈពេល ២១ ថ្ងៃនេះ នឹងមានប្រហែល ១៣២ ពាន់លានបាត (៣.៥៥ ពាន់លានដុល្លារ) ប៉ុណ្ណោះ ។
លោកស្រី Sudawan បានលើកឡើងថា ក្នុងរយៈពេល ២១ ថ្ងៃនៃបុណ្យសង្ក្រាន្ត មានភ្ញៀវទេសចរបរទេសចំនួន ១,៩២៦,៤៤៣ នាក់បានមកលេងប្រទេសថៃ បង្កើតប្រាក់ចំណូល ៩០.២០៨ ពាន់លានបាត (២.៤ ពាន់លានដុល្លារ) ខណៈដែលភ្ញៀវទេសចរក្នុងស្រុកមានចំនួន ១៣,៨៩៧,៩៨៨ នាក់ប្រមូលប្រាក់ចំណូលចំនួន ៥០.១២៧ ពាន់លានបាត (១.៣ ពាន់លានដុល្លារ) ។

ចំណែកចំនួនភ្ញៀវទេសចរបរទេសសរុបក្នុងរយៈពេល ២១ ថ្ងៃ ជិត ២ លាននាក់នេះ តំណាងឲ្យការកើនឡើង ៣៧.៥៤ ភាគរយ បើធៀបនឹងរយៈពេលដូចគ្នាកាលពីឆ្នាំមុន ខណៈការស្រូបទាញភ្ញៀវទេសចរនេះទៀតសោត គឺដោយសារតែរដ្ឋាភិបាលថៃដាក់ចេញផែនការលើកលែងទិដ្ឋាការ ការលុបចោលទម្រង់ការចេញចូលពលករចំណាកស្រុក TM.6 និងការរៀបចំសកម្មភាពលេងកម្សាន្តទ្រង់ទ្រាយធំជាដើម ។
គួរបញ្ជាក់ថា ថៃបានរៀបចំពិធីបុណ្យសង្ក្រាន្តចូលឆ្នាំថ្មីជាប្រពៃណីរយៈពេល ៣ ថ្ងៃ ពោលពីថ្ងៃទី១៣ ដល់ថ្ងៃទី១៥ ខែមេសា ប៉ុន្តែប្រទេសនេះបាននឹកឃើញប្រារព្ធជាលក្ខណៈសង្រ្កាន្តពិភពលោកនៅទូទាំងប្រទេសរយៈពេល ២១ ថ្ងៃឯណោះ រាប់ចាប់ពីថ្ងៃទី១ ដល់ថ្ងៃទី២១ ខែមេសា ក្នុងគោលបំណងស្ដារមុខមាត់វិស័យទេសចរណ៍ ហើយជាក់ស្ដែងថៃពិតជាកើបលុយបានយ៉ាងច្រើនក្រាស់ក្រែលពីពិធីបុណ្យមួយនេះ ៕

ដោយ ៖ សុខ ជីវ័ន្ត
ចុចអាន ៖ នាយករដ្ឋមន្ត្រី ថៃ ស្នើធនាគារមេៗកាត់បន្ថយអត្រាការប្រាក់កម្ចីដើម្បីជួយប្រជាជន

-
សន្តិសុខសង្គម៧ ម៉ោង ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៧ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?