ព័ត៌មានអន្ដរជាតិ
បារាំង ព្រមានថា ការដាក់អាវុធនុយក្លេអ៊ែរអាមេរិក នៅប៉ូឡូញ នឹងបង្កគ្រោះថ្នាក់
ស្របពេលដែលថ្មីៗនេះ មានផ្ទុះរឿងរ៉ាវពាក់ព័ន្ធការយកអាវុធនុយក្លេអ៊ែររបស់សហរដ្ឋអាមេរិក ទៅដាក់នៅប៉ូឡូញ ជាប់មាត់ទ្វាររុស្ស៊ី ស្រាប់តែប្រទេសបារាំង បានចេញមុខ ប្រឆាំងដាច់ខាតនឹងទង្វើបែបនេះ។

រដ្ឋមន្ត្រីការពារជាតិបារាំង លោក Sebastien Lecornu បានព្រមានកាលពីថ្ងៃព្រហស្បតិ៍ទី២៥ខែមេសាថា ការដាក់ពង្រាយបែបនោះ នឹងបំពានលើកិច្ចព្រមព្រៀងគ្រប់គ្រងសព្វាវុធសំខាន់ៗរវាងណាតូនិងរុស្ស៊ី ហើយអាចបង្កគ្រោះថ្នាក់ទៀតផង។
ក្នុងបទសម្ភាសជាមួយកាសែត Frankfurter Allgemeine Zeitung របស់អាឡឺម៉ង់ លោក Lecornu បានចង្អុលបង្ហាញថា ការដាក់អាវុធនុយក្លេអ៊ែររបស់សហរដ្ឋអាមេរិកទៅកាន់ប្រទេសប៉ូឡូញ យ៉ាងណា ក៏តម្រូវឲ្យមានការពិភាក្សាយ៉ាងហ្មត់ចត់សិនដែរ រវាងរដ្ឋសមាជិកណាតូ ព្រោះថា វានឹងធ្វើឲ្យអន្តរាយដល់កិច្ចព្រមព្រៀង ណាតូ-រុស្ស៊ី។

លោកក៏កត់សម្គាល់ដែរថា ក្នុងនាមជាមហាអំណាចនុយក្លេអ៊ែរតែមួយគត់នៅក្នុងសហភាពអឺរ៉ុប ប្រទេសបារាំង គឺមិនបានចូលរួមក្នុងក្រុមផែនការនុយក្លេអ៊ែររបស់អង្គការណាតូនោះទេ។
រម្លឹកទៅដើមសប្តាហ៍នេះ ប្រធានាធិបតីប៉ូឡូញ លោក Andrzej Duda និយាយថា ប្រទេសរបស់លោក មានឆន្ទៈទទួលដាក់អាវុធនុយក្លេអ៊ែរ ប្រសិនបើទីក្រុងវ៉ាស៊ីនតោនគាំទ្រគំនិតនេះ។

ក្រោមកម្មវិធីចែករំលែកនុយក្លេអ៊ែររបស់អង្គការណាតូ សហរដ្ឋអាមេរិកអាចរក្សាអាវុធប្រល័យលោកមួយចំនួនបាននៅក្នុងប្រទេសបែលហ្សិក អាល្លឺម៉ង់ អ៊ីតាលី ហូឡង់ និងតួកគី។
ទោះបីជាយ៉ាងណាក៏ដោយ កាលពីឆ្នាំមុន រុស្ស៊ី ក៏បានដាក់អាវុធនុយក្លេអ៊ែរយុទ្ធសាស្ត្ររបស់ខ្លួននៅក្នុងប្រទេសជាមិត្តបេឡារុសដែរ ដើម្បីទុកកំញើញសកម្មភាពយោធាដែលកាន់តែខ្លាំងឡើងៗរបស់អង្គការណាតូនៅជិតទឹកដីបេឡារុស និងរុស្ស៊ី៕
អត្ថបទ៖ សុខ សុវណ្ណ
ចុចអាន៖ ប៉ូឡូញ កើតជម្លោះផ្ទៃក្នុង រឿងយកនុយក្លេអ៊ែរអាមេរិក មកដាក់លើដីខ្លួន កៀករុស្ស៊ី

-
ព័ត៌មានអន្ដរជាតិ២០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?