ព័ត៌មានអន្ដរជាតិ
អាមេរិក ទិញយន្តហោះចម្បាំងចាស់ៗ៨១គ្រឿង លក់ឡៃឡុងពីកាហ្សាក់ស្ថាន
សហរដ្ឋអាមេរិក បានបញ្ជាទិញយន្តហោះចម្បាំងសូវៀតចំនួន ៨១គ្រឿងពីប្រទេសកាហ្សាក់ស្ថាន ដែលសុទ្ធតែជាប្រភេទយន្តហោះចាស់ៗប្រើតាំងតែពីសម័យសង្គ្រាមត្រជាក់មកម៉្លេះ។ នេះបើយោងតាមការចុះផ្សាយរបស់សារព័ត៌មាន Kyiv Post កាលពីថ្ងៃទី២៨ ខែមេសា។
ក្នុងគោលបំណងធ្វើទំនើបកម្មកងទ័ពដែនអាកាស កាហ្សាក់ស្ថានបានប្រកាសលក់ឡៃឡុងនូវយន្តហោះចម្បាំង និងយន្តហោះប្រយុទ្ធចំនួន ១១៧គ្រឿង ដែលមានដូចជា យន្តហោះ MiG-31, MiG-27, MiG-29 និង Su-24 ជាដើម ដែលធ្លាប់ប្រើនៅចន្លោះឆ្នាំ១៩៧០ ដល់ឆ្នាំ១៩៨០។ តម្លៃសរុបនៃការលក់ទាំងអស់នោះ គឺប្រមាណតែ ២,២៦លានដុល្លារប៉ុណ្ណោះ ដោយនេះបានន័យថាក្នុង១គ្រឿងៗស្មើនឹង ១៩ ៣០០ដុល្លារ។
អាមេរិកបានសម្រេចទិញយន្តហោះចំនួន ៨១គ្រឿងពីកាហ្សាក់ស្ថាន ក្នុងតម្លៃជាង ១,៥លានដុល្លារ តែគេមិនដឹងទេថា អាមេរិកនឹងយកទៅប្រើលើអ្វីឲ្យប្រាកដ។ បើតាមសារព័ត៌មាន Kyiv Post បានសន្និដ្ឋានថា យន្តហោះចាស់ៗទាំងនោះអាចនឹងត្រូវយកទៅប្រើនៅអ៊ុយក្រែន ព្រោះទីនោះក៏នៅមានយន្តហោះចម្បាំងប្រភេទចាស់ៗបែបនេះកំពុងបំពេញបេសកកម្មផងដែរ។ មួយវិញទៀត យន្តហោះទិញពីកាហ្សាក់ស្ថាន អាចនឹងត្រូវរុះរើទុកយកគ្រឿងបន្លាស់ប្រើប្រាស់ ឬក៏ជាការដាក់តាំងសម្រាប់បញ្ឆោតសត្រូវនៅលើសមរភូមិ។
សូមបញ្ជាក់ថា កាហ្សាក់ស្ថាន ដែលពីមុនធ្លាប់ជាផ្នែកនៃសហភាពសូវៀត បានខិតខំបង្កើតចំណងយ៉ាងជិតស្និទ្ធជាមួយរុស្ស៊ី។ ប៉ុន្តែបន្ទាប់ពីមានការវាយប្រហាររបស់រុស្ស៊ីមកលើអ៊ុយក្រែន ស្រាប់តែទំនាក់ទំនងទ្វេភាគីនេះមានភាពរង្គោះរង្គើ ដោយកាហ្សាក់ស្ថានហាក់ងាកទៅរកចំណងមិត្តភាពជាមួយលោកខាងលិចវិញ ដែលជាហេតុឲ្យរុស្ស៊ីរាងក្ដៅស្លឹកត្រចៀកខ្លះដែរ។
រដ្ឋមន្ត្រីការបរទេសអាមេរិក ធ្លាប់បានទៅធ្វើទស្សនកិច្ចនៅកាហ្សាក់ស្ថាន កាលពីខែមីនា ឆ្នាំ២០២៣កន្លងទៅ ដោយនិយាយថា អាមេរិកពិតជាគាំទ្រយ៉ាងពេញទំហឹងចំពោះឯករាជ្យភាពរបស់កាហ្សាក់ស្ថានទៅលើបូរណភាពទឹកដីរបស់ខ្លួន។
ក្រុមឃោសនិកមួយចំនួននៅរុស្ស៊ី បានថ្លែងចំៗថា រុស្ស៊ីគួរតែបែរមុខព្រួញទៅវាយកាហ្សាក់ស្ថានម្ដង បន្ទាប់ពីការឈ្លានពានរបស់ខ្លួននៅអ៊ុយក្រែនរួច។ តួយ៉ាងដូចជា លោក Vladimir Solovyov អ្នកអត្ថាធិប្បាយព័ត៌មានទូរទស្សន៍រុស្ស៊ី បាននិយាយជាសាធារណៈថា ប្រទេសរុស្ស៊ីរបស់លោកត្រូវតែទទួលយកការពិតថា កាហ្សាក់ស្ថានគឺជាបញ្ហាបន្ទាប់ ដោយសារតែដំណើរការណាស៊ីអាចនឹងផ្ដើមចេញពីទីនោះដូចដែលបានកើតឡើងរួចមកហើយនៅអ៊ុយក្រែន៕
ដោយ៖ ឈាង
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ