ព័ត៌មានអន្ដរជាតិ
អាមេរិក ថា រុស្ស៊ីលួចប្រើអាវុធគីមីក្នុងសង្គ្រាមជាមួយអ៊ុយក្រែន
សហរដ្ឋអាមេរិក បានចោទប្រកាន់រុស្ស៊ី ថាបានបំពានច្បាប់ហាមឃាត់អន្តរជាតិលើការប្រើប្រាស់អាវុធគីមីមានផ្ទុកសារធាតុ chloropicrin និងឧស្ម័នបង្ហូរទឹកភ្នែក នៅក្នុងសង្គ្រាមប្រយុទ្ធតតាំងជាមួយអ៊ុយក្រែន។ នេះបើយោងតាមការប្រកាសរបស់ក្រសួងការបរទេសអាមេរិក កាលពីថ្ងៃទី១ ខែឧសភា។
ក្រសួងការបរទេសអាមេរិក បានរៀបរាប់ថា “ការប្រើប្រាស់សារធាតុគីមីដូច្នេះមិនមែនជាឧប្បត្តិហេតុដាច់ដោយឡែកនោះទេ ហើយវាប្រហែលជាត្រូវបានជំរុញដោយបំណងរបស់កងកម្លាំងរុស្ស៊ី ដើម្បីបណ្ដេញកងកម្លាំងអ៊ុយក្រែនចេញពីទីតាំងឈរជើង ហើយសម្រេចបាននូវកលល្បិចលើសមរភូមិ”។
បន្ថែមពីការចោទប្រកាន់នេះ សហរដ្ឋអាមេរិក បានប្រកាសដាក់ទណ្ឌកម្មថ្មីលើរុស្ស៊ី ដោយក្នុងនោះមានអង្គភាពរដ្ឋចំនួន៣ ដែលជាប់ពាក់ព័ន្ធនឹងកម្មវិធីអាវុធគីមីនិងជីវសាស្ត្ររបស់រដ្ឋាភិបាលក្រុងម៉ូស្គូ និងក្រុមហ៊ុនចំនួន៤ ផ្សេងទៀត ដែលបានប្រកាសគាំទ្រអង្គភាពទាំង៣របស់រុស្ស៊ី។ ទណ្ឌកម្មនេះនឹងបង្កកទ្រព្យសម្បត្តិទាំងឡាយណាដែលអង្គភាពទាំង៣មាននៅក្នុងសហរដ្ឋអាមេរិក ព្រមទាំងហាមឃាត់ជនជាតិអាមេរិកទាំងអស់មិនឲ្យធ្វើជំនួញជាមួយពួកគេទៀតឡើយ។
គួររំឭកថា សារធាតុគីមី chloropicrin ត្រូវចាត់ចូលក្នុងបញ្ជីខ្មៅរបស់អង្គការហាមឃាត់អាវុធគីមី (OPCW) ដែលមានមូលដ្ឋាននៅទីក្រុងឡាអេ ហើយមានតួនាទីអនុវត្ត និងឃ្លាំមើលការអនុលោមតាមអនុសញ្ញាអាវុធគីមីឆ្នាំ១៩៩៣។
ប្រទេសដែលបានប្រើប្រាស់អាវុធគីមីដំបូងគេបង្អស់នៅក្នុងសង្គ្រាម គឺជាប្រទេសអាល្លឺម៉ង់។ អាល្លឺម៉ង់ បានប្រើអាវុធគីមីនៅអំឡុងសង្គ្រាមលោកលើកទី១ឆ្នាំ១៩១៤ ដល់ឆ្នាំ១៩១៨។
កាលពីដើមខែមេសា សារព័ត៌មាន Reuters បានធ្លាប់ចុះផ្សាយថា យោធារុស្ស៊ីបានលួចប្រើឧស្ម័នបង្ហូរទឹកភ្នែកខុសច្បាប់លើក្រុមកុប្បកម្ម នៅភាគខាងកើតប្រទេសអ៊ុយក្រែន ក្នុងរយៈពេលជាង២ឆ្នាំមកហើយ។ ក្រៅតែពីឧស្ម័នហាមឃាត់ និងសារធាតុគីមី chloropicrin កងកម្លាំងរុស្ស៊ីក៏បានប្រើគ្រាប់បែបដៃមានផ្ទុកសារធាតុ CS និង CN ផងដែរ។ អ៊ុយក្រែន ថា មានយ៉ាងហោចណាស់ទាហានចំនួន៥០០នាក់បានស្រូបចូលនូវសារធាតុគីមី ហើយក្នុងនោះមានម្នាក់បានបាត់បង់ជីវិត។
ទាក់ទិននឹងការចោទប្រកាន់ រុស្ស៊ីបានឆ្លើយបដិសេធមិនទទួលស្គាល់ ហើយអះអាងថា ឃ្លាំងអាវុធគីមីលែងមានទៀតនៅលើទឹកដីរបស់ខ្លួន៕
ដោយ៖ ឈាង
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
UN បង្កើនការឆ្លើយតបចំពោះការរញ្ជួយដីដ៏សាហាវនៅមីយ៉ាន់ម៉ា និងថៃ
គិតគូរហ្មត់ចត់ប្រព័ន្ធរំដោះទឹក នៅព្រលានតេជោ បង្ការការជន់លិចពីការប្រែប្រួលអាកាសធាតុ
បុរសម្នាក់ ត្រូវបានប៉ុស្តិ៍នគរបាលរដ្ឋបាលសង្កាត់យក្សឡោមចាប់ខ្លួន ក្រោយមកដាក់ពាក្យបណ្តឹងឱ្យជួយរកថ្នាំញៀន
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ១៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?