ព័ត៌មានអន្ដរជាតិ
Microsoft រើសយកប្រទេសអាស៊ានចំនួន៣ ដាក់ទុនវិនិយោគខ្ទង់៥ពាន់លានដុល្លារ
ប្រទេសអាស៊ានចំនួន៣ មានដូចជា ឥណ្ឌូណេស៊ី ម៉ាឡេស៊ី និងថៃ នឹងក្លាយជាគោលដៅបោះទុនវិនិយោគតម្លៃរាប់ពាន់លានដុល្លាររបស់ក្រុមហ៊ុនបច្ចេកវិទ្យាយក្ស Microsoft។ ទុនវិនិយោគសរុបទៅលើប្រទេសទាំង៣ មានជាង ៤,៩ពាន់លានដុល្លារ។
បើយោងតាមការចុះផ្សាយរបស់សារព័ត៌មាន AP កាលពីថ្ងៃទី១ ខែឧសភា ក្រុមហ៊ុន Microsoft បានសម្រេចដាក់ទុននៅឥណ្ឌូណេស៊ីចំនួន ១,៧ពាន់លានដុល្លារ នៅក្នុងរយៈពេល៤ឆ្នាំខាងមុខ សម្រាប់ការសាងសង់ហេដ្ឋារចនាសម្ព័ន្ធទាក់ទិននឹងបច្ចេកវិទ្យា Ai និងបច្ចេកវិទ្យាខ្លោដ (Cloud Computing)។ ទំហំទឹកប្រាក់នេះ គឺជាតួលេខវិនិយោគទោលដ៏ធំបំផុតនៅក្នុងប្រទេសឥណ្ឌូណេស៊ី របស់ក្រុមហ៊ុន Microsoft ក្នុងរយៈពេល២៩ឆ្នាំកន្លងមកនេះ។
លោក Satya Nadella នាយកប្រតិបត្តិ Microsoft បាននិយាយថា ជំនាន់ថ្មីនៃបច្ចេកវិទ្យា Ai កំពុងកែប្រែទម្លាប់មនុស្សរស់នៅ និងធ្វើការនៅគ្រប់កន្លែងទាំងអស់ជុំវិញពិភពលោក មិនថាតែនៅឥណ្ឌូណេស៊ីនោះទេ។ លោកបន្តថា ការវិនិយោគនៅឥណ្ឌូណេស៊ី នឹងជួយពង្រីកវិសាលភាពនៃហេដ្ឋារចនាសម្ព័ន្ធ ក៏ដូចជាជំនាញ ព្រមទាំងការគាំទ្រដល់អ្នកអភិវឌ្ឍបច្ចេកវិទ្យានៅឥណ្ឌូណេស៊ីឲ្យឈានដល់សករាជថ្មីមួយ។
បន្ថែមពីការវិនិយោគនៅឥណ្ឌូណេស៊ី ក្រុមហ៊ុន Microsoft ក៏បានបោះទុនចំនួន ២,២ពាន់លានដុល្លារផងដែរនៅក្នុងប្រទេសម៉ាឡេស៊ី ទៅលើគម្រោងដូចគ្នា។ លោក Nadella បានប្រាប់ថា គម្រោងនេះនៅម៉ាឡេស៊ី នឹងជួយបង្កើនការអប់រំផ្នែកបច្ចេកវិទ្យាដល់មនុស្សចំនួន ២០ម៉ឺននាក់។ “ការបណ្ដាក់ទុនរបស់ពួកយើងនៅក្នុងហេដ្ឋារចនាសម្ព័ន្ធនិងជំនាញឌីជីថល នឹងជួយឲ្យពាណិជ្ជកម្ម សហគមន៍ និងក្រុមអ្នកអភិវឌ្ឍបច្ចេកវិទ្យានៅម៉ាឡេស៊ី តាមទាន់បច្ចេកវិទ្យាចុងក្រោយ ដើម្បីជំរុញភាពច្នៃប្រឌិត និងកំណើនសេដ្ឋកិច្ចនៅពាសពេញផ្ទៃប្រទេស” នេះជាការលើកឡើងរបស់ Microsoft។
ដោយឡែកនៅថៃឯណោះវិញ ក៏មានការប្រកាសពីក្រុមហ៊ុន Microsoft ដែរ ពាក់ព័ន្ធនឹងគម្រោងមជ្ឈមណ្ឌលទិន្នន័យជាលើកដំបូងនៅក្នុងប្រទេស។ Microsoft នឹងសង់មជ្ឈមណ្ឌលទិន្នន័យសម្រាប់កម្មវិធី Azure ដែលជាបច្ចេកវិទ្យាខ្លោដរបស់ខ្លួន។ ទំហំវិនិយោគនេះ មិនទាន់មានការបង្ហាញតួលេខច្បាស់លាស់ទេ តែបើតាមប្រភពពី Microsoft ហើយចុះផ្សាយដោយសារព័ត៌មាន Bangkok Post បានឲ្យដឹងថា Microsoft គ្រោងនឹងដាក់លុយ ១ពាន់លានដុល្លារនៅក្នុងប្រទេសថៃ ដែលវាជាគម្រោង១ក្នុងចំណោមមជ្ឈមណ្ឌលទិន្នន័យទាំង៣០០របស់ Microsoft នៅពាសពេញពិភពលោក។
សូមបញ្ជាក់ថា Microsoft បានសម្លឹងឃើញអាស៊ីអាគ្នេយ៍គឺជាទីផ្សារកំពុងលូតលាស់ និងជាទីតាំងដែលមានសក្ដានុពលសម្រាប់ការអភិវឌ្ឍបច្ចេកវិទ្យា Ai។ វត្តមាន Ai នៅក្នុងអាស៊ីអាគ្នេយ៍ នឹងជួយរុញច្រានឲ្យកំណើនសេដ្ឋកិច្ចមានភាពល្អប្រសើរខ្លាំង។ បើយោងតាមក្រុមហ៊ុនប្រឹក្សាសកល Kearney បានស្រាវជ្រាវថា បច្ចេកវិទ្យាបញ្ញាសប្បនិម្មិត Ai អាចបង្កើតចំណូលបាន ១ទ្រីលានដុល្លារឲ្យទៅ GDP អាស៊ីអាគ្នេយ៍ ត្រឹមឆ្នាំ២០៣០ខាងមុខ។ ក្នុងនោះ ឥណ្ឌូណេស៊ី នឹងទទួលផលបាន ៣៦៦ពាន់លានដុល្លារ, ម៉ាឡេស៊ី បាន ១១៥ពាន់លានដុល្លារ និងថៃ បាន ១១៧ពាន់លានដុល្លារ៕
ដោយ៖ ឈាង
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ