ព័ត៌មានអន្ដរជាតិ
មនុស្ស ៣២៨ នាក់ ពុលនំប៉័ងដាក់សាច់ ដែលទិញពីភោជនីយដ្ឋានតែមួយនៅ វៀតណាម
យោងតាមការចុះផ្សាយពីសារព័ត៌មាន VnExpress កាលពីថ្ងៃទី០២ ខែមេសា បានដកស្រង់ប្រភពមួយដោយបញ្ចាក់ថា មនុស្សរហូតដល់ ៣២៨នាក់នៅក្នុងខេត្ត Dong Nai ភាគខាងត្បូង បានទទួលរងនូវការពុលអាហារកាលពីថ្ងៃពុធ និងថ្ងៃព្រហស្បតិ៍ បន្ទាប់ពីបានទិញនំប៉័ងសាច់ពីភោជនីយដ្ឋានដូចគ្នាកាលពីថ្ងៃអង្គារ។
ភ្លាមៗនោះដែរ ពួកគេត្រូវបានគេនាំទៅកាន់មន្ទីរពេទ្យទូទៅក្រុង Long Khanh ក្នុងខេត្ត ដែលមានព្រំប្រទល់ជាប់នឹងទីក្រុងហូជីមិញ។ ជនរងគ្រោះទាំងអស់សុទ្ធតែមានរោគសញ្ញាពុលអាហារដូចជា ក្អួត រាគ ក្តៅខ្លួន និងឈឺពោះ ។ ក្រោយមក គ្រូពេទ្យបានធ្វើរោគវិនិច្ឆ័យពួកគេថាមានការឆ្លងមេរោគក្នុងពោះវៀន។
ក្នុងចំណោមអ្នកជំងឺ ២២០នាក់ កំពុងសម្រាកព្យាបាលនៅមន្ទីរពេទ្យ Long Khanh និងមន្ទីរពេទ្យ Dong Nai Rubber ៨៨នាក់ កំពុងតាមដានសុខភាពនៅផ្ទះដោយខ្លួនឯង ខណៈ ៩ករណីធ្ងន់ធ្ងរ រួមទាំងកុមារត្រូវបានបញ្ជូនទៅមន្ទីរពេទ្យធំជាងនេះ។
មន្ទីរពេទ្យកុមារ Dong Nai បានទទួលករណីធ្ងន់ធ្ងរមួយចំនួន រួមទាំងកុមារអាយុ ៧ ឆ្នាំម្នាក់ដែលទទួលរងនូវការថយចុះផ្លូវដង្ហើម និងក្មេងប្រុសអាយុ ៦ ឆ្នាំដែលចង្វាក់បេះដូង និងការដកដង្ហើមមិនប្រក្រតី។
ថ្វីបើយ៉ាងណាក៏ដោយ ផ្អែកតាមការត្រួតពិនិត្យបឋមបានបង្ហាញថា ភោជនីយដ្ឋាន Banh Mi Eatery បានដំណើរការជាង ១០ ឆ្នាំ។ ប៉ុន្តែ វាមិនស្របតាមស្តង់ដារសុវត្ថិភាពចំណីអាហារ ហើយវាត្រូវបានផ្អាកសម្រាប់ដើម្បីត្រួតពិនិត្យបន្ថែមទៀតពីករណីដែលធ្វើឲ្យមនុស្សពុលអាហារច្រើនគ្នាបែបនេះ៕

អត្ថបទ៖ សាង ស្រីល័ក្ខ
ចុចអាន៖ត្រីនៅ វៀតណាម ងាប់អណ្ដែតត្រៀបត្រាពេញផ្ទៃទឹក ខណៈរលកកម្ដៅកំពុងអុកឡុកខ្លាំង

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ