ព័ត៌មានអន្ដរជាតិ
ប្រធានាធិបតី ចិន ហោះទៅដល់ បារាំង ត្រៀមពិភាក្សារឿងក្ដៅៗលើពិភពលោកជាមួយលោក ម៉ាក្រុង
ប្រធានាធិបតីចិនលោក ស៊ី ជីនពីង និងជំទាវទីមួយកាលពីថ្ងៃអាទិត្យបានអញ្ជើញទៅដល់ទីក្រុងប៉ារីសហើយក្នុងជើងដំបូងនៃដំណើរទស្សនិកិច្ចទៅកាន់ប្រទេសអឺរ៉ុបចំនួន ៣ ខណៈលោកក៏នឹងជួបពិភាក្សាជាមួយប្រធានាធិបតីបារាំងលោក អេម៉ានូអែល ម៉ាក្រុង នៅថ្ងៃចន្ទនេះផងដែរ ។ នេះបើយោងតាមការចេញផ្សាយដោយសារព័ត៌មាន The Guardian កាលពីថ្ងៃទី៥ ខែឧសភាកន្លងទៅ ។

ក្នុងដំណើរទស្សនកិច្ចនេះទៀតសោត លោក ស៊ី និងលោក ម៉ាក្រុង រំពឹងនឹងពិភាក្សាអំពីទំនាក់ទំនងទ្វេភាគី ស្របពេលដែលប្រទេសទាំងពីរប្រារព្ធខួបលើកទី ៦០ នៃការបង្កើតទំនាក់ទំនងការទូតក្នុងឆ្នាំនេះ ប៉ុន្តែក្រៅតែពីបញ្ហាទាំងអស់នេះហើយ មេដឹកនាំទាំងពីរក៏ទំនងជាចរចា ក៏ដូចជាផ្លាស់ប្តូរទស្សនៈអំពីស្ថានការណ៍នៅអ៊ុយក្រែន មជ្ឈិមបូព៌ា ជម្លោះពាណិជ្ជកម្មរបស់សហភាពអឺរ៉ុប និងរឿងក្ដៅផ្សេងៗទៀតជាដើម ។
ទោះយ៉ាងណា ក្រសួងការបរទេសចិនបានចេញសេចក្តីថ្លែងការណ៍ជាលាយលក្ខណ៍អក្សរមួយថា ដំណើរទស្សនកិច្ចរបស់លោកប្រធានាធិបតី ស៊ី ជីនពីង នាពេលនេះនឹងជួយពង្រឹងទំនាក់ទំនងមិត្តភាពយូរអង្វែងរវាងចិន និងបារាំង ក៏ដូចជាបើកអនាគតដ៏ភ្លឺស្វាងសម្រាប់ទំនាក់ទំនងទ្វេភាគីផងដែរ ។

ទន្ទឹមនោះ លោក ម៉ាក្រុង នឹងនាំលោក ស៊ី ទៅកាន់តំបន់ Pyrenees ដែលជាតំបន់ភ្នំភាគនិរតីនៃប្រទេសបារាំងនាថ្ងៃអង្គារ ហើយក៏នឹងមានកិច្ចពិភាក្សាបន្ថែមទៀតនៅទីនោះផងដែរ ខណៈប្រធានាធិបតីចិនរំពឹងនឹងធ្វើកិច្ចចរចាបីផ្លូវជាមួយប្រធានាធិបតីបារាំង និងប្រធានគណៈកម្មការអឺរ៉ុបលោកស្រី Ursula von der Leyen ជាពិសេសគឺដាក់មុខព្រួញលើទំនាក់ទំនងចិន និងសហភាពអឺរ៉ុប ។
គួរបញ្ជាក់ថា នេះគឺជាដំណើរទស្សនកិច្ចលើកដំបូងរបស់លោក ស៊ី ទៅកាន់អឺរ៉ុបក្នុងរយៈពេល ៥ ឆ្នាំ ខណៈប្រធានាធិបតីចិនរូបនេះក៏នឹងហោះទៅកាន់ប្រទេសស៊ែប៊ី និងហុងគ្រីផងដែរនាថ្ងៃសុក្រសប្ដាហ៍នេះ ស្របពេលដែលទីក្រុងប៉េកាំងហាក់ដូចជាកំពុងងាកមកពង្រឹងទំនាក់ទំនងជាមួយបារាំងដែលជាបងធំមួយរូបប្រចាំនៅអឺរ៉ុប ក្នុងកិច្ចខិតខំប្រឹងប្រែងដើម្បីទាញទម្លាក់សហរដ្ឋអាមេរិកឲ្យនៅក្រោមឥទ្ធិពលរបស់ខ្លួន ៕

ដោយ ៖ សុខ ជីវ័ន្ត
ចុចអាន ៖ លោក ត្រាំ មានយុទ្ធសាស្ត្រពន្លត់ភ្លើងសង្គ្រាមនៅ អ៊ុយក្រែន តែសុំលាក់សិន

-
ព័ត៌មានអន្ដរជាតិ១០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?