ព័ត៌មានអន្ដរជាតិ
អ៊ុយក្រែនខាតបង់ថាមពលតម្លៃ១ពាន់លានដុល្លារ ក្រោយរុស្ស៊ីផ្លោងមីស៊ីលដាក់
ការវាយប្រហារដោយដ្រូន និងគ្រាប់មីស៊ីលរបស់រដ្ឋាភិបាលក្រុងមូស្គូ នៅពេលថ្មីៗចុងក្រោយនេះ បានធ្វើឲ្យអ៊ុយក្រែនខូចខាតនូវហេដ្ឋារចនាសម្ព័ន្ធនៃប្រព័ន្ធថាមពលក្នុងប្រទេសអស់ប្រមាណជាទឹកប្រាក់ ១ពាន់លានដុល្លារ។ នេះបើយោងតាមការប្រកាសរបស់លោក Herman Halushchenko រដ្ឋមន្ត្រីក្រសួងថាមពលអ៊ុយក្រែន។
អ៊ុយក្រែន បានឲ្យដឹងថា ការបាញ់មីស៊ីលប៉ាលិស្ទិករបស់រុស្ស៊ី បណ្ដាលឲ្យប្រព័ន្ធថាមពលពាក់កណ្ដាលនៅក្នុងប្រទេសខូចខាត ហើយបច្ចុប្បន្ន អ៊ុយក្រែនកំពុងស្វែងរកជំនួយបន្ទាន់ពីប្រទេសរ៉ូម៉ានី ស្លូវ៉ាគី និងប៉ូឡូញ ដើម្បីដោះស្រាយស្ថានភាពលំបាកនៃប្រព័ន្ធថាមពលរបស់ខ្លួន។
លោក Herman Halushchenko បានសង្កត់ធ្ងន់ថា ការខូចខាតចម្បងៗសំដៅទៅលើការខូចខាតបរិក្ខារផលិតកម្ដៅ រោងចក្រវារីអគ្គិសនី និងប្រព័ន្ធបញ្ជូនអគ្គិសនី។ លោករដ្ឋមន្ត្រី បានបន្តថា ការវាយប្រហាររបស់យោធារុស្ស៊ីដោយប្រើដ្រូន មីស៊ីលប៉ាលិស្ទិក ឬសព្វាវុធផ្សេងៗទៀតទៅលើប្រភពថាមពលអ៊ុយក្រែន នៅតែបន្តកើតមានជារៀងរាល់ថ្ងៃ ដែលជាហេតុធ្វើឲ្យទំហំនៃការខូចខាតកើនឡើងជាលំដាប់។
បន្ថែមពីនេះ លោក Herman Halushchenko បានបញ្ជាក់ថា មានការរឹតបន្តឹងការប្រើប្រាស់ថាមពលអគ្គិសនីនៅតាមតំបន់មួយចំនួន ដែលរងការវាយប្រហាររាល់ថ្ងៃពីរុស្ស៊ី។ លោកថា ការងារស្ដារថាមពល និងហេដ្ឋារចនាសម្ព័ន្ធឡើងវិញកំពុងស្ថិតក្នុងដំណើរការ សម្រាប់ត្រៀមមុនរដូវស្លឹកឈើជ្រុះ និងរដូវរងាចូលមកដល់នាពេលខាងមុខ៕
ដោយ៖ ឈាង
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?