លោក ពូទីន ស្បថចូលកាន់តំណែងប្រធានាធិបតីរុស្ស៊ី អាណត្តិ​ទី​ប្រាំ

តាមការចុះផ្សាយរបស់ RT, ពិធី​សច្ចាប្រណិធានចូល​កាន់​តំណែងប្រធានាធិបតីរុស្ស៊ីអាណត្តិ​ទី​ប្រាំ ​របស់​លោក វ្ល៉ាឌីមៀរ ពូទីន បាន​ប្រព្រឹត្ត​ធ្វើឡើង​នៅ​វិមាន​ក្រឹមឡាំង ហើយនាថ្ងៃអង្គារទី ៧ខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនយោបាយចាស់វស្សាអាយុ៧១ឆ្នាំរូបនេះ បានជាប់ឆ្នោតជាប្រធានាធិបតីអាណត្តិថ្មី កាលពីដើមឆ្នាំ២០២៤ ជាមួយសំឡេងគាំទ្រ ៨៧.២៨% ហើយការឡើងកាន់អំណាចអាណត្តិថ្មីនេះ គឺចំពេលដែលសង្គ្រាមនៅអ៊ុយក្រែន មិនមើលឃើញសញ្ញាបញ្ចប់ ចំណែកឯពិភពលោក ក៏កំពុងតែញាំញីដោយជម្លោះភូមិសាស្រ្តនយោបាយជាច្រើនផងដែរ។

ពិធីនេះមិនមានធ្វីប្រែប្រួលឡើង ចាប់តាំងពីឆ្នាំ១៩៩៦មក នៅពេលគេប្រើដូចគ្នានេះ ដើម្បីបើកទំព័រអាណត្តិទីពីររបស់លោក Boris Yeltsin។

ទោះបីជាយ៉ងណាក៏ដោយ លើកនេះ លោកពូទីន ទំនងជានឹងប្រើប្រាស់រថយន្តប្រធានាធិបតី Aurus Senat ជំនាន់ថ្មី ខុសពីព្រឹត្តិការណ៍មុនៗ។

ពិធីនេះមានការចូលរួមពីតំណាងសភាសហព័ន្ធ ចៅក្រមនៃតុលាការធម្មនុញ្ញរុស្ស៊ី សមាជិករដ្ឋាភិបាល និងគណៈកម្មាធិការកណ្តាលរៀបចំការបោះឆ្នោត ព្រមទាំងអ្នកវិទ្យាសាស្ត្រឆ្នើម សិល្បករ អត្តពលិកល្បីៗ និងភ្ញៀវបរទេសផងដែរ។

នៅ​ថ្ងៃ​ដដែលនេះ រដ្ឋាភិបាល​រុស្ស៊ី​ចាស់ ក៏នឹងត្រូវ​លាលែង​ពី​តំណែងផងដែរ ហើយ​បង្កើត​រដ្ឋាភិបាល​ថ្មី៕

អត្ថបទ៖ សុខ សុវណ្ណ

ចុចអាន៖ អាមេរិក និង​សមាជិក EU ភាគច្រើន នាំ​គ្នា​ធ្វើ​ពហិការ​​មិន​ចូលរួម​ថ្ងៃ​​​កាន់​តំណែង ពូទីន