ព័ត៌មានអន្ដរជាតិ
អ៊ុយក្រែន ចាប់បានមន្ត្រីផ្ទៃក្នុង២នាក់ ប៉ុនប៉ងធ្វើឃាតលោក ហ្សេលេនស្គី
ទីភ្នាក់ងារសន្តិសុខអ៊ុយក្រែន (SBU) ប្រកាសថា មន្ត្រីពីរនាក់នៃរដ្ឋបាលសន្តិសុខរដ្ឋ ត្រូវបានចាប់ខ្លួនកាលពីថ្ងៃសៅរ៍សប្តាហ៍មុន ដោយចោទប្រកាន់ពីបទប៉ុនប៉ងធ្វើឃាតលោកប្រធានាធិបតី វ្ល៉ាឌីមៀរ ហ្សេលេនស្គី និងមន្ត្រីទីក្រុងកៀវកំពូលៗផ្សេងទៀត ហើយអាវុធមួយចំនួនក៏ត្រូវបានរកឃើញផងដែរ។
![](https://www.kampucheathmey.com/wp-content/uploads/2024/05/image-381.png)
តាមការចុះផ្សាយរបស់ RT, ទីភ្នាក់ងារនេះបានអះអាងនៅក្នុងការបង្ហោះលើឆានែល Telegram ថា ជនសង្ស័យទាំងពីរដែលម្នាក់ជាប្រធានរដ្ឋបាលសន្តិសុខរដ្ឋ ឈ្មោះ Andrey Guk និងសហការីឈ្មោះ Derkach គឺកំពុងរៀបចំផែនការសម្លាប់ប្រធានាធិបតីអ៊ុយក្រែន, ប្រធាន SBU លោក Vasily Malyuk និងប្រមុខចារកម្មជាតិ Kirill Budanov ព្រមទាំងអ្នកផ្សេងទៀត។
SBU និយាយថា បុរសទាំងនោះ គឺជាភ្នាក់ងារនៃបណ្តាញមួយរៀបចំនិងបញ្ជាចេញពីទីក្រុងមូស្គូ ហើយកំពុងធ្វើការឃ្លាំមើលលោក ហ្សេលេនស្គី ព្រមទាំងមន្ត្រីរដ្ឋាភិបាលផ្សេងទៀតជាមួយចេតនាបើកដៃឲ្យមានការវាយប្រហារដោយមីស៊ីល និងដ្រូន kamikaze លើពួកគេ។
![](https://www.kampucheathmey.com/wp-content/uploads/2024/05/image-379-1024x576.png)
ចំពោះការធ្វើឃាតវិញ បើតាមការចុះផ្សាយរបស់ BBC, ពួកគេបានរៀបផែនការសម្លាប់ មុនពិធីបុណ្យអ៊ីស្ទើរនៅថ្ងៃទី៥ខែឧសភា ជាមួយនឹងការផ្តាច់ជីវិតលោក ហ្សេលេនស្គី ដើម្បីធ្វើជាកាដូដល់លោក ពូទីន មុនពិធីសម្ពោធចូលកាន់តំណែងរបស់គាត់ ជាប្រធានាធិបតីរុស្ស៊ី អាណត្តិទី៥។
ទោះបីជាយ៉ាងណាក៏ដោយ ជនសង្ស័យទាំងពីរ ត្រូវបានចោទប្រកាន់ពីបទក្បត់ជាតិ និងរៀបចំការវាយប្រហារភេរវកម្ម ហើយឥឡូវ ត្រូវប្រឈមនឹងការជាប់ពន្ធនាគារអស់មួយជីវិត។
![](https://www.kampucheathmey.com/wp-content/uploads/2024/05/image-380-1024x576.png)
តាមពិតទៅប្រព័ន្ធផ្សព្វផ្សាយលោកខាងលិច តែងរាយការណ៍ថា លោក ហ្សេលេនស្គី បានក្លាយជាគោលដៅចម្បងរបស់ទីក្រុងមូស្គូ តាំងតែពីដើមដំបូងនៃប្រតិបត្តិការយោធាពិសេសរបស់រុស្ស៊ី នៅអ៊ុយក្រែនមកម្ល៉េះ ហើយក៏មានការប៉ុនប៉ងធ្វើឃាតលោក ជាច្រើនលើកច្រើនសាផងដែរ។
កាលពីខែមុន បុរសសញ្ជាតិប៉ូឡូញម្នាក់ ក៏ត្រូវបានចាប់ខ្លួនផងដែរ និងចោទប្រកាន់ពីបទសហការជាមួយចារកម្មរុស្ស៊ី ដើម្បីធ្វើឃាតលោក ហ្សេលេនស្គី។
ទោះបីជាយ៉ាងណាក៏ដោយ ទីក្រុងមូស្គូ មិនទាន់ធ្វើអត្ថាធិប្បាយលើការចោទប្រកាន់នេះទេ ប៉ុន្តែអតីតប្រធានាធិបតីរុស្ស៊ី លោក Dmitry Medvedev លើកឡើងថា ឧប្បត្តិហេតុនៅក្នុងប្រទេសប៉ូឡូញ បានបង្ហាញថា ក្រុមអ្នកគាំទ្រលោកខាងលិចរបស់ទីក្រុងកៀវ កំពុងព្យាយាមកម្ចាត់លោក ហ្សេលេនស្គី៕
អត្ថបទ៖ សុខ សុវណ្ណ
ចុចអាន៖ ប៉ូឡូញ ចាប់ខ្លួនបុរសម្នាក់ ដែលគេចាត់មក ឲ្យធ្វើឃាតលោក Zelensky
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១៣ ម៉ោង ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១២ ម៉ោង ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ៦ ថ្ងៃ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៥ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៥ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ សប្តាហ៍ ago
Breaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ជីវិតកម្សាន្ដ៤ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច