ព័ត៌មានអន្ដរជាតិ
កូរ៉េខាងជើង បាត់បង់មន្ត្រីជើងចាស់បម្រើការតាំងពីជំនាន់ជីតាលោក គីម ជុងអ៊ុន
លោក Kim Ki Nam មន្ត្រីនយោបាយចាស់វស្សាបំផុតមួយនៅកូរ៉េខាងជើង បានទទួលមរណភាពហើយកាលពីថ្ងៃទី៧ ខែឧសភា ក្នុងវ័យ៩៤ឆ្នាំ។ លោកធ្លាប់បម្រើការឲ្យមេដឹកនាំកូរ៉េខាងជើងចំនួន៣ជំនាន់ តាំងពីសម័យកាលគ្រប់គ្រងដោយលោក គីម អ៊ីលស៊ុង មកម្ល៉េះ។
លោក គីម ជុងអ៊ុន មេដឹកនាំកូរ៉េខាងជើង បានទៅចូលរួមរំលែកទុក្ខគ្រួសារសពលោក Kim Ki Nam នៅថ្ងៃទី៨ ខែឧសភា ហើយប្រាប់ថា វាជារឿងគួរឲ្យសោកស្ដាយយ៉ាងក្រៀមក្រំមួយ សម្រាប់ការបាត់បង់អ្នកបដិវត្តជើងចាស់ ដែលស្មោះត្រង់បំផុតចំពោះរដ្ឋកូរ៉េខាងជើងរហូតដល់ដង្ហើមចុងក្រោយរបស់ខ្លួន។
លោក Kim Ki Nam គឺជាផ្នែកមួយនៃក្រុមមន្ត្រីស្មោះត្រង់ នៃចលនាបដិវត្តន៍បង្កើតរដ្ឋកូរ៉េខាងជើងកាលពីឆ្នាំ១៩៤៥។ សារព័ត៌មានរដ្ឋកូរ៉េខាងជើង KCNA បានចុះផ្សាយថា លោក Kim “បានបូជាជីវិតគាំទ្រដំណើរទៅរកភាពជោគជ័យ នៃការកសាងប្រទេសសង្គមនិយម ដោយរក្សាបាននូវការអភិវឌ្ឍថ្មីៗ និងការវាយលុកដ៏ខ្លាំងក្លា សម្រាប់យុគសម័យថ្មីនៅក្នុងគ្រប់វិស័យការងារមនោគមវិជ្ជារបស់បក្ស”។
បន្ថែមពីនេះ លោក Kim ក៏ជាមន្ត្រីរូបផងដែរក្នុងចំណោមមន្ត្រីកូរ៉េខាងជើង ដែលបានធ្វើទស្សនកិច្ចនៅកូរ៉េខាងត្បូង ដោយកាលនោះលោកបានដឹកនាំគណប្រតិភូចូលរួមបុណ្យសពប្រធានាធិបតីកូរ៉េខាងត្បូង លោក Kim Dae-jung កាលពីឆ្នាំ២០០៩។ វាគឺជាការបើកសករាជថ្មីមួយសម្រាប់ការផ្សះផ្សាទំនាក់ទំនងរវាងប្រទេសទាំង២នាគ្រានោះ។ លោក Kim បានហៅបេសកកម្មនោះថាជា “គោលការណ៍ពន្លឺព្រះអាទិត្យ (Sunshine Policy)”។
លោក Kim បានឈានជើងបម្រើការជាអនុប្រធានបក្សកាន់អំណាចនៅក្នុងឆ្នាំ១៩៦៦ ហើយបន្តឡើងជាប្រធាននៅក្នុងឆ្នាំ១៩៨៥ ក្រោមការដឹកនាំរបស់ស្ថាបនិកកូរ៉េខាងជើងលោក គីម អ៊ីលស៊ុង។ លោកបានចូលនិវត្តន៍កាលពីឆ្នាំ២០១៧កន្លងទៅ។
លោក Kim ត្រូវគេរាយការណ៍ថា មានភាពជិតស្និទ្ធខ្លាំងជាមួយលោក គីម ជុងអ៊ីល ដែលត្រូវជាឪពុកលោក គីម ជុងអ៊ុន ហើយគេជឿទៀតថា អ្នកទាំង២ក៏ជាដៃគូផឹកស្រាល្អនឹងគ្នាផងដែរ៕
ដោយ៖ ឈាង
វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា
មកដឹងពានរង្វាន់ទាំង ៩ មានប្រាក់រង្វាន់ច្រើនបំផុតរដូវកាលនេះ ខណៈ UCL ឈរលេខ៣
តារាល្បីៗដែលគេរំពឹងថា នឹងចូលរួមពិធីមង្គលការរបស់មហាសេដ្ឋី Jeff Bezos
មន្ត្រីជាន់ខ្ពស់ ប.ស.ស ជំរុញអ្នកធ្វើការតាមផ្ទះចុះឈ្មោះចូលជាសមាជិក ប.ស.ស បន្ថែម ដើម្បីទទួលបានការគាំពារពីសង្គម
អ្នកនាំពាក្យ ៖ គិតត្រឹមម៉ោងនេះពុំទាន់មានព័ត៌មានថាពលករខ្មែររងគ្រោះ ដោយគ្រោះរញ្ជួយដីនៅថៃនៅឡើយទេ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២០ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?