ព័ត៌មានអន្ដរជាតិ
សមាជិកណាតូមួយប្រទេស ប្រកាសត្រៀមរួចរាល់ បញ្ជូនទ័ពទៅ អ៊ុយក្រែន
នាយករដ្ឋមន្ត្រីលីទុយអានី ដែលជាសមាជិកអង្គការណាតូគឺ លោកស្រី Ingrida Simonyte បានប្រកាសក្តែងៗថា ប្រទេសរបស់លោកស្រីត្រៀមខ្លួនរួចជាស្រេច ក្នុងការដាក់ពង្រាយទ័ពទៅអ៊ុយក្រែន ហើយប្រសិនបើទីក្រុងកៀវហាមាត់សុំភ្លាម ទ័ពនឹងបញ្ជូនទៅភ្លែត។
![](https://www.kampucheathmey.com/wp-content/uploads/2024/05/image-434-1024x576.png)
ទោះបីជាយ៉ាងណាក៏ដោយ តាមការចុះផ្សាយរបស់ RT នៅថ្ងៃពុធទី៨ខែឧសភា, លោកស្រីបញ្ជាក់ថា កងទ័ពនឹងត្រូវបញ្ជូនទៅដើម្បីតែចូលរួមក្នុងប្រតិបត្តិការបណ្តុះបណ្តាលកងកម្លាំងអ៊ុយក្រែនប៉ុណ្ណោះ ហើយសភាក៏អនុញ្ញាតដែរ។
ស្របពេលជាមួយគ្នានោះ នាយករដ្ឋមន្ត្រីរូបនេះ អះអាងថា លោកស្រីមិនខ្វល់ចំពោះប្រតិកម្មរុស្ស៊ីយ៉ាងណានោះទេ ពាក់ព័ន្ធការបញ្ជូនទ័ពទៅអ៊ុយក្រែន ហើយនៅតែទទូចថា រដ្ឋាភិបាលទីក្រុង វីលនីញ៉ូស ចង់ជួយទីក្រុងកៀវពង្រឹងកងកម្លាំងប្រដាប់អាវុធរបស់ខ្លួន ឲ្យខ្លាំងដូចមុនម្តងទៀត។
![](https://www.kampucheathmey.com/wp-content/uploads/2024/05/image-436-1024x576.png)
គំនិតនៃការបញ្ជូនទ័ពនេះ បានធ្វើឲ្យគេនឹកឃើញដល់ប្រធានាធិបតីបារាំងលោក Emmanuel Macron ដែលកាលពីខែកុម្ភៈ ចង់ឲ្យដាក់ពង្រាយទាហានអង្គការណាតូ នៅលើដីអ៊ុយក្រែន ដោយលើកហេតុផលថា ដើម្បីការពារជ័យជម្នះរបស់រុស្ស៊ីនៅក្នុងជម្លោះនេះ។
សូមបញ្ជាក់ថា លីទុយអានី ស្ថិតក្នុងចំណោមប្រទេសលោកខាងលិចមួយចំនួន ដែលតែងតែប្រើវោហារសាស្ត្រ ប្រឆាំងរុស្ស៊ី។
![](https://www.kampucheathmey.com/wp-content/uploads/2024/05/image-438-1024x683.png)
កាលពីខែមុន ឯកអគ្គរដ្ឋទូតមួយរូបរបស់ខ្លួន បានង្ហោះលើប្រព័ន្ធផ្សព្វផ្សាយសង្គមថា ស្ពានយុទ្ធសាស្ត្រគ្រីមៀ នឹងត្រូវបំផ្លាញក្នុងពេលឆាប់ៗ ជាក់ជាមិនខានឡើយ ហើយការអត្ថាធិប្បាយនេះទៀតសោត កើតឡើងបន្ទាប់ពីសហរដ្ឋអាមេរិក បើកភ្លើងខៀវផ្តល់ជំនួយទំហំទឹកប្រាក់៦១ពាន់លានដុល្លារទៅឲ្យអ៊ុយក្រែន និងការលាតត្រដាងថា ខ្លួនបានផ្គត់ផ្គង់មីស៊ីល ATACMS រយៈចម្ងាយមធ្យមបន្ថែមទៀត ទៅឲ្យប្រទេសនេះ។
យ៉ាងណាក្តី ប៉ុន្មានថ្ងៃមុននេះ រុស្ស៊ីស្រាប់តែប្រកាសធ្វើសមយុទ្ធនុយក្លេអ៊ែរដ៏គួរឲ្យភ្ញាក់ផ្អើលមួយ ដើម្បីសាកល្បងសមត្ថភាពរបស់ខ្លួន ដោយទីក្រុងមូស្គូបញ្ជាក់ច្បាស់ៗថា សមយុទ្ធនេះគឺដើម្បីឆ្លើយតបទៅការគំរាមកំហែងពីមន្ត្រីលោកខាងលិច រួមទាំងលោក Macron និងរដ្ឋមន្ត្រីការបរទេសអង់គ្លេស David Cameron ផងដែរ ដែលបើកដៃឲ្យអ៊ុយក្រែន ប្រើប្រាស់អាវុធ ផ្តល់ដោយចក្រភពអង់គ្លេស ដើម្បីវាយប្រហារគោលដៅចូលជ្រៅនៅក្នុងប្រទេសរុស្ស៊ីបាន៕
អត្ថបទ៖ សុខ សុវណ្ណ
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ព័ត៌មានអន្ដរជាតិ១៤ ម៉ោង ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?