Connect with us

ព័ត៌មានអន្ដរជាតិ

ប៉ូឡូញ ថា ទ័ពណាតូ កំពុងធ្វើប្រតិបត្តិការនៅ អ៊ុយក្រែន 

បានផុស

នៅ

“ទាហានណាតូកំពុងធ្វើប្រតិបត្តិការជួយអ៊ុយក្រែនរួចទៅហើយ ប៉ុន្តែប្លុកដឹកនាំដោយសហរដ្ឋអាមេរិកមួយនេះ មិនចង់ចូលរួមដោយផ្ទាល់ នៅក្នុងជម្លោះជាមួយរុស្ស៊ីទេ”។ នេះគឺជាចម្លើយរបស់នាយករដ្ឋមន្ត្រីប៉ូឡូញ លោក Donald Tusk តបទៅសំណួររបស់ក្មេងស្រីជាអ្នកសារព័ត៌មានម្នាក់ឈ្មោះ Sara Malecka-Trzaskos ដែលចោទសួរថា ហេតុអ្វីបានជាអង្គការសហប្រជាជាតិនិងណាតូ មិនទាន់ចូលធ្វើអន្តរាគមន៍នៅអ៊ុយក្រែន។

លោក Donald Tusk ឆ្លើយសំណួររបស់ក្មេងស្រីជាអ្នកសារព័ត៌មាន (រូបថត៖ Facebook)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ RT, ពេលជួបជាមួយអ្នកសារព័ត៌មាននៅរដ្ឋសភាប៉ូឡូញ កាលពីថ្ងៃព្រហស្បតិ៍ទី៩ខែឧសភា លោក Tusk អះអាងថា “សព្វថ្ងៃនេះ ណាតូកំពុងជួយឲ្យបានច្រើនតាមដែលអាចធ្វើទៅបាន។ ច្បាស់ណាស់ បើគ្មានជំនួយពីណាតូទេ អ៊ុយក្រែន នឹងមិនអាចការពារខ្លួនបានយូរឡើយ។ មែនហើយ មានទាហានខ្លះនៅទីនោះមែន តែខ្ញុំចង់សំដៅទៅលើទាហានធ្វើជាអ្នកសង្កេតការណ៍ និងកងវិស្វករ ដែល​កំពុង​ជួយអ៊ុយក្រែន ប៉ុណ្ណោះ”។

ទោះបីជាយ៉ាងណាក៏ដោយ នៅព្រឹកថ្ងៃដដែលនោះ អគ្គលេខាធិការអង្គការណាតូ លោក Jens Stoltenberg បានចេញមុខប្រកែកថា ប្លុកនេះ នឹងមិនដាក់ពង្រាយកម្លាំងទៅអ៊ុយក្រែនឡើយ ព្រោះទីក្រុងកៀវ មិនព្រមស្នើសុំ។

អគ្គលេខាធិការអង្គការណាតូ លោក Jens Stoltenberg (រូបថត៖ EPA)

លោក Stoltenberg ប្រាប់អ្នកយកព័ត៌មានពេលកំពុងធ្វើដំណើរទៅកាន់ប្រទេសអ៊ីតាលីថា ​“ណាតូ ​គ្មាន​ចេតនា​ដាក់​ពង្រាយ​កម្លាំង​ទៅ​អ៊ុយក្រែន​ទេ ព្រោះពេលខ្ញុំទៅអ៊ុយក្រែន កាលពីសប្តាហ៍មុន ពួកគេមិនបានស្នើសុំកងទ័ពណាតូឡើយ អ្វីដែលពួកគេស្នើសុំគឺជំនួយបន្ថែម”។

រឿងដែលគេចាំមិនភ្លេច ជុំវិញការបញ្ជូនទ័ពណាតូទៅអ៊ុយក្រែននេះ គឺការលើកឡើងរបស់ប្រធានាធិបតីបារាំង Emmanuel Macron ដែលតែងបំផុសគំនិតថា​ គួរបញ្ជូនទ័ពណាតូទៅអ៊ុយក្រែន ដើម្បីរារាំងរុស្ស៊ី កុំឲ្យយកឈ្នះនៅលើសមរភូមិបាន។

ប្រធានាធិបតីបារាំងលោក Emmanuel Macron (រូបថត៖ AFP)

កាលពីដើមសប្តាហ៍នេះដែរ នាយករដ្ឋមន្ត្រីលីទុយអានី លោកស្រី Ingrida Simonyte បានប្រកាសក្តែងៗថា ប្រទេសរបស់លោកស្រីត្រៀមខ្លួនរួចជាស្រេច ក្នុងការដាក់ពង្រាយទ័ពទៅអ៊ុយក្រែន ហើយប្រសិនបើទីក្រុងកៀវហាមាត់សុំភ្លាម ទ័ពនឹងបញ្ជូនទៅភ្លែតតែម្តង ប៉ុន្តែកងទ័ពនឹងត្រូវបញ្ជូនទៅដើម្បីតែចូលរួមក្នុងប្រតិបត្តិការបណ្តុះបណ្តាលកងកម្លាំងអ៊ុយក្រែនប៉ុណ្ណោះ ហើយសភាក៏អនុញ្ញាតដែរ។

ស្របពេលជាមួយគ្នានោះ នាយករដ្ឋមន្ត្រីរូបនេះ អះអាងថា លោកស្រីមិនខ្វល់ចំពោះប្រតិកម្មរុស្ស៊ីយ៉ាងណានោះទេ ពាក់ព័ន្ធការបញ្ជូនទ័ពទៅអ៊ុយក្រែន ហើយនៅតែទទូចថា រដ្ឋាភិបាលទីក្រុង វីលនីញ៉ូស ចង់ជួយទីក្រុងកៀវពង្រឹងកងកម្លាំងប្រដាប់អាវុធរបស់ខ្លួន ឲ្យខ្លាំងដូចមុនម្តងទៀត។ 

នាយករដ្ឋមន្ត្រីលីទុយអានី លោកស្រី Ingrida Simonyte (រូបថត៖ KMU)

យ៉ាងណាក្តី រុស្ស៊ី​ក៏​ព្រមានរួចហើយដែរទៅ​អាមេរិកនិង​សម្ព័ន្ធមិត្តរបស់ខ្លួនថា ពួកគេកំពុងលេង​ជាមួយភ្លើងជុំវិញ​ការបញ្ជូនទ័ព ផ្តល់សព្វាវុធ គ្រាប់រំសេវ និងសាច់​ប្រាក់​ដល់​អ៊ុយក្រែន។

សូមបញ្ជាក់ជាថ្មី​ បស្ចិមប្រទេស ​បាន​ផ្តល់ជំនួយយោធាដល់ទី​ក្រុង​កៀវ អស់លុយ​ជាង ២០០​ពាន់​លាន​ដុល្លារហើយ ប៉ុន្តែនៅតែទទូចថា ការផ្តល់ជំនួយបែបនេះ​ មិន​ធ្វើ​ឲ្យ​ពួកគេ​ចូលរួម​ក្នុង​ជម្លោះ​នោះ​ទេ៕

អត្ថបទ៖ សុខ សុវណ្ណ

ចុចអាន៖ សមាជិកណាតូមួយប្រទេស ប្រកាសត្រៀមរួចរាល់ បញ្ជូនទ័ពទៅ អ៊ុយក្រែន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទីutes មុន

UN៖ ​ប្រជាជនប៉ាឡេ​​ស្ទីន៤ម៉ឺននាក់​​នៅ​West Bank ​ត្រូវ​​បង្ខំចិត្ត​ជម្លៀសចេញ​​

គ្រឿងញៀន
សន្តិសុខសង្គម១៤ នាទីutes មុន

ឃាត់ខ្លួនជនសង្ស័យម្នាក់ រកឃើញគ្រឿងញៀនជាង១៧គីឡូក្រាម

ហ៊ុន ម៉ាណែត
ព័ត៌មានជាតិ១៨ នាទីutes មុន

នាយករដ្ឋមន្ត្រីបញ្ជាឱ្យបិទចោលទីតាំងអាជីវកម្មណាដែលបណ្ដោយឱ្យមានការប្រើប្រាស់គ្រឿងញៀន

ព័ត៌មានអន្ដរជាតិ២០ នាទីutes មុន

ហេតុការណ៍បំផ្ទុះ​គ្រាប់បែក​អត្តឃាត​​កក្រើក​ឡើង​ជាថ្មី​នៅ​អា​ហ្វ​ហ្គា​នី​ស្ថាន​

ព័ត៌មានជាតិ២៥ នាទីutes មុន

មន្ត្រីជាន់ខ្ពស់ លើកទឹកចិត្តសមាជិក ប.ស.ស មានជំងឺស្រាលៗ ទៅពិគ្រោះនៅពេទ្យឯកជន ឬ មណ្ឌលសុខភាព កាត់បន្ថយការកកស្ទះ

ព័ត៌មានអន្ដរជាតិ២០ ម៉ោង មុន

ត្រាំ ទារឲ្យអ៊ុយក្រែន សងប្រាក់ ៥០០ពាន់លានដុល្លារ មកវិញ

ព័ត៌មានអន្ដរជាតិ២៣ ម៉ោង មុន

មនុស្ស៥៥នាក់ស្លាប់ក្នុងហេតុការណ៍រថយន្តក្រុងធ្លាក់ចូលជ្រោះនៅ​ហ្គាតេម៉ាឡា

ព័ត៌មានអន្ដរជាតិ២០ ម៉ោង មុន

ស្លាប់៤នាក់ និងបាត់ខ្លួន៣នាក់​ក្នុង​ហេតុការណ៍​ក្រឡាប់ទូក​ដោយសារខ្យល់​​​ខ្លាំង​និងរលក​ធំ​ៗ​​នៅ​​ឥណ្ឌូណេស៊ី

សន្តិសុខសង្គម១ ម៉ោង មុន

Breaking News៖ អគ្គិភ័យកំពុងឆេះ​ស្ថានីយ​ប្រេង​ឥន្ធនៈ​ នៅខេត្តព្រះសីហនុ(មានវីដេអូ)

ព័ត៌មានអន្ដរជាតិ២០ ម៉ោង មុន

ត្រឹម​២០ថ្ងៃ​សោះ លោកត្រាំ​ចេញ​បទ​បញ្ជាប្រតិបត្តិ​​​លើស​ប្រធានា​ធិបតី​មុន​ៗ​ «ហៅ​មិនឮ»​​

Sokha Hotels

ព័ត៌មានពេញនិយម