ព័ត៌មានអន្ដរជាតិ

អ្នកទោសឥស្លាម ១៤នាក់ ដែលទើបដោះលែង ត្រូវគេចាប់ដាក់ពន្ធនាគារវិញ ក្រោយភេរវកម្មនៅ Vienna

បានផុស

៤ years មុន

នៅ

ថ្ងៃពុធ ៤ វិច្ឆិកា ២០២០

ដោយ

កងកម្លាំងប៉ូលិសរបស់ប្រទេសអូទ្រីស បានបើកការវាយឆ្មក់ និងចាប់ខ្លួនមនុស្សសរុប ១៤នាក់ ក្រោយមានការវាយប្រហារដោយភេរវកម្មនៅទីក្រុង Vienna ដែលសម្លាប់មនុស្សយ៉ាងតិច ៤នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃច័ន្ទ បុរសម្នាក់ដែលគេដឹងថា មានវ័យ ២០ឆ្នាំ ជាភារវករឥស្លាម និងទើបត្រូវគេដោះលែងឲ្យមានសេរីភាពកាលពីខែធ្នូ ឆ្នាំ២០១៩ បានបើកការបាញ់រះទៅលើអ្នកដំណើរ នាំឲ្យមានការស្លាប់ និងរបួសជាច្រើន ហើយក្រោយមកក៏ត្រូវកម្លាំងប៉ូលិសបាញ់សម្លាប់នៅហ្នឹងកន្លែង។

រដ្ឋធានី Vienna ដែលជាបេះដូងរបស់ប្រទេសអូទ្រីស ត្រូវគេរឹតបន្តឹង ខណៈពេលប៉ូលិសកំពុងបើកប្រតិបត្តិការស្វែងរកជនសង្ស័យប៉ុនប៉ងវាយប្រហារផ្សេងទៀត។ ប៉ុន្តែទោះជាយ៉ាងណា ប៉ូលិសជឿថា ករណីបាញ់ប្រហារកាលពីថ្ងៃច័ន្ទ ខ្មាន់កាំភ្លើងធ្វើឡើងតែម្នាក់ឯងប៉ុណ្ណោះ។

លោកអធិការបតីប្រទេសអូទ្រីស Sebastian Kurz បាននិយាយថា មនុស្ស ៤នាក់ស្លាប់ និង២២នាក់រងរបួស ខណៈម្នាក់ក្នុងចំណោមអ្នកស្លាប់ គឺជាស្ត្រីចំណាស់ជនជាតិអាល្លឺម៉ង់។

លោក Karl Nehammer រដ្ឋមន្ត្រីក្រសួងមហាផ្ទៃ បាននិយាយដែរថា មកទល់ពេលនេះ មិនទាន់មានតម្រុយជនពាក់ព័ន្ធណាម្នាក់ក្នុងហេតុការណ៍បាញ់ប្រហារនោះឡើយ ដោយប៉ូលិសបានស្រាវជ្រាវតាមរយៈទូរសព្ទដៃជាង ២ម៉ឺនគ្រឿង ទាំងរូបថង វីដេអូ ពាក់ព័ន្ធព្រឹត្តិការណ៍កើតឡើង។

ក្នុងវីដេអូខ្លីមួយដែលគេបង្ហោះលើអនឡាញ បង្ហាញពីក្រុមរដ្ឋអ៊ីស្លាម IS បានចេញមុខទទួលខុសត្រូវការវាយប្រហារនេះ ប៉ុន្តែមិនបានបង្ហាញភស្តុតាងជាក់លាក់នោះឡើយ៕

ប្រែសម្រួល៖ សុភា
ប្រភព៖ BBC

ចុចអាន៖