ព័ត៌មានអន្ដរជាតិ
វៀតណាម ពន្យារពេលជួប EU ព្រោះខ្លាច ពូទីន មកធ្វើទស្សនកិច្ច
ជំនួបរវាងមន្ត្រីជាន់ខ្ពស់របស់សហភាពអឺរ៉ុប (EU) និងប្រទេសវៀតណាម នៅសប្ដាហ៍ក្រោយ នឹងត្រូវពន្យារពេល ខណៈដែលរដ្ឋាភិបាលក្រុងហាណូយបារម្ភថា លោក វ៉្លាឌឺមៀ ពូទីន មេដឹកនាំរុស្ស៊ី អាចនឹងមកធ្វើទស្សនកិច្ចនាពេលឆាប់ៗខាងមុខ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី៩ ខែឧសភា។
វៀតណាម បានប្រកាន់ខ្ជាប់នូវគោលនយោបាយបរទេសអព្យាក្រឹត នៅក្នុងទំនាក់ទំនងជាមួយមហាអំណាចធំៗលើពិភពលោក។ ក្នុងនោះ វៀតណាមប្រកាសមិនចូលរួមជាមួយលោកខាងលិច ដើម្បីថ្កោលទោសរុស្ស៊ីនោះទេ ពាក់ព័ន្ធនឹងបញ្ហាសង្គ្រាមនៅអ៊ុយក្រែន។
បេសកជនពិសេសរបស់ EU ដែលទទួលបន្ទុកផ្នែកដាក់ទណ្ឌកម្មរុស្ស៊ីគឺលោក David O’Sullivan នឹងធ្វើទស្សនកិច្ចនៅក្នុងអាស៊ីអាគ្នេយ៍ នាសប្ដាហ៍ក្រោយ ហើយគ្រោងនឹងទៅជួបមន្ត្រីវៀតណាមនៅថ្ងៃទី១៣-១៤ ខែឧសភា នេះ។ យ៉ាងណាមិញ គម្រោងនេះត្រូវបានបដិសេធដោយភាគីវៀតណាម ដោយសុំលើកពេលទៅខែកក្កដាខាងមុខវិញ។ វៀតណាម បានលើកហេតុផលថា ថ្នាក់ដឹកនាំកំពុងរវល់ខ្លាំងមិនមានពេលជួបលោក David O’Sullivan នោះទេ។
បើតាមមន្ត្រីការទូតវៀតណាម បានបង្ហើបឲ្យដឹងថា ការពន្យារពេលនេះក៏ព្រោះតែលោក ពូទីន ក៏នឹងអាចមកធ្វើទស្សនកិច្ចនៅវៀតណាមផងដែរ ហើយបើវៀតណាម ជួបបេសកជន EU មុន នោះវានឹងអាចបំផ្លាញដំណើរទស្សនកិច្ចរបស់រុស្ស៊ីបាន។
គណៈប្រតិភូការទូត EU ប្រចាំការនៅហាណូយ បានចេញសេចក្ដីថ្លែងការណ៍រៀបរាប់ថា ការពន្យារពេលនៃជំនួប EU-វៀតណាម គឺជារឿងគួរឲ្យខកចិត្តមួយ។ ជាការឆ្លើយតប អ្នកនាំពាក្យក្រសួងការបរទេសវៀតណាម បានប្រាប់នៅក្នុងសន្និសីទសារព័ត៌មានថា រដ្ឋាភិបាលក្រុងហាណូយកំពុងពិភាក្សាជាមួយ EU អំពីកាលបរិច្ឆេទថ្មីនៃជំនួប។ យ៉ាងណាមិញ ពាក់ព័ន្ធនឹងដំណើរទស្សនកិច្ចរបស់លោក ពូទីន វិញ ខាងក្រសួងការបរទេសវៀតណាម មិនបានប្រាប់ឲ្យដឹងពីពេលវេលាជាក់លាក់ឡើយ តែត្រឹមនិយាយថា “នៅក្នុងពេលសមស្របណាមួយ” ប៉ុណ្ណោះ៕
ដោយ៖ ឈាង
មុននេះបន្តិច អគ្គិភ័យឆាបឆេះផ្ទះពលរដ្ឋ ចំណុចទល់មុខវិហារឥស្លាមគីឡូម៉ែត្រលេខ ០៩
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២២ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ