Connect with us

ព័ត៌មានអន្ដរជាតិ

​ដោយសារតែចង់បានលុយចូលនិវត្តន៍ ស្រ្តី តៃវ៉ាន់ ម្នាក់ លាក់​សព​ឪពុក​ក្នុង​ផ្ទះ​អស់​ជា​ច្រើន​ឆ្នាំ

បានផុស

នៅ

ប៉ូលិសតៃវ៉ាន់ បានចោទប្រកាន់ស្ត្រីម្នាក់ពីបទលាក់សាកសពឪពុកអាយុ ១០០ឆ្នាំ ដែលបានទទួលមរណភាពកាលពីច្រើនឆ្នាំមុននៅក្នុងផ្ទះរបស់នាង ដើម្បីបន្តទទួលបានអត្ថប្រយោជន៍ចូលនិវត្តន៍។ នេះបើយោងតាមការចុះផ្សាយពី vnexpress នៅថ្ងៃទី១១ ខែឧសភា។

ស្រ្តីមិនស្គាល់អត្តសញ្ញាណរស់នៅក្នុងទីក្រុង Kaohsiung ភាគខាងត្បូងកោះតៃវ៉ាន់។ ស្ត្រី​ម្នាក់​នេះ​ត្រូវ​បាន​គេ​និយាយ​ថា​បាន​រស់នៅ​ជាមួយ​ឪពុក​អស់​រយៈពេល​ជាង​៥០​ឆ្នាំ​មក​ហើយ ម្តាយ​របស់​នាង​បាន​ទទួល​មរណភាព​មុន​ពេល​នោះប៉ុណ្ណោះ។

ស្ត្រី​ម្នាក់​នេះ​បាន​បំផុស​ការ​សង្ស័យ​របស់​ប៉ូលិស​ជា​លើក​ដំបូង​កាល​ពី​ខែ​វិច្ឆិកា ឆ្នាំ​មុន នៅ​ពេល​នាង​ត្រូវ​បាន​ផាក​ពិន័យ​ចំនួន ៦០,០០០ ដុល្លារ​តៃវ៉ាន់ ពី​បទ​មិន​អនុញ្ញាត​ឲ្យអាជ្ញាធរ​សុខាភិបាល​ចូល​ផ្ទះ​របស់​នាង​ ដើម្បី​បាញ់​ថ្នាំ​គីមី​ដើម្បី​ការពារ​ជំងឺ​គ្រុន​ឈាម។ ការ​ដែល​នាង​បន្ត​រារាំង​មន្ត្រី​រដ្ឋាភិបាល​មិន​ឲ្យ​ចូល​ផ្ទះ​​ធ្វើ​ឲ្យ​អាជ្ញាធរ​សង្ស័យ។ ប៉ូលិស​បាន​មក​ជួប​ស្ត្រី​រងគ្រោះ និង​បាន​សាកសួរ​នាង​ពី​កន្លែង​លាក់ខ្លួន​របស់​ឪពុក​។ ដំបូង​ឡើយ នាង​បាន​អះអាង​ថា បុរស​ចំណាស់​រូប​នេះ​ស្ថិត​នៅ​ក្នុង​មណ្ឌល​ថែទាំ។

នៅពេលដែលប៉ូលិសសាកសួរជាបន្តបន្ទាប់ ស្ត្រីនោះបានផ្លាស់ប្តូររឿង ហើយនិយាយថា បងប្រុសរបស់នាងបាននាំឪពុកទៅកាន់ដីគោក។​​ ការបោកប្រាស់បានបែកធ្លាយ នៅពេលដែលប៉ូលិសស៊ើបអង្កេតដើម្បីផ្ទៀងផ្ទាត់សេចក្តីថ្លែងការណ៍ និងបានរកឃើញថា បងប្រុសនាងស្លាប់អស់រយៈពេល ៥០ ឆ្នាំមកហើយ ហើយមិនមានឯកសារណាមួយដែលបង្ហាញថាឪពុករបស់ស្ត្រីនេះបានចាកចេញពីកោះតៃវ៉ាន់នោះទេ។

ក្រោយ​មក ​ស្ត្រី​រូប​នេះ​បាន​និយាយ​ថា ឪពុក​របស់​នាង​បាន​លាចាក​លោក​នៅ​លើ​ដីគោក​ហើយ ។ នៅពេលប៉ូលិសសុំសំបុត្រមរណភាព នាងមិនបង្ហាញទេ ហើយនិយាយថានាងកំពុងដាក់ពាក្យសុំឯកសារនេះ។ សក្ខីកម្ម​ដែល​ប្រែប្រួល​ឥតឈប់ឈរ​របស់​ស្ត្រី​នោះ ​បាន​ធ្វើឲ្យប៉ូលិស​ឆែកឆេរ​ផ្ទះ ហើយ​រក​ឃើញ​ថង់​សម្រាម​ពណ៌​ខ្មៅ​ដែល​មាន​គ្រោង​ឆ្អឹង​មនុស្ស​ចាស់​ម្នាក់ ។ ស្ថានភាពនៃសាកសពបានបង្ហាញថា បុរសចំណាស់បានស្លាប់អស់រយៈពេលជាច្រើនឆ្នាំមកហើយ។

នៅក្នុងបទសម្ភាសន៍ជាមួយប្រព័ន្ធផ្សព្វផ្សាយតៃវ៉ាន់ Mnews អ្នកជំនាញកោសល្យវិច្ច័យលោក Gao Da Cheng បានពន្យល់ថា ជាធម្មតាវាត្រូវចំណាយពេលពី ១ ទៅ ២ឆ្នាំដើម្បីឲ្យរាងកាយប្រែទៅជាគ្រោងឆ្អឹង។ ក្លិនខ្លាំងបំផុតលេចឡើងប្រហែលពីរសប្តាហ៍ បន្ទាប់ពីការស្លាប់ហើយក្លិននឹងបាត់ប្រហែលមួយខែក្រោយមក។

សូមបញ្ចាក់ដែរថា ឪពុក​របស់​ស្ត្រី​រូប​នេះ​ជា​អតីត​យុទ្ធជន​យោធា​ដែល​បម្រើ​ការ​អស់​រយៈពេល​ជាង​២០​ឆ្នាំ។ នេះមានន័យថា​ គាត់មានប្រាក់សោធនប្រចាំខែដែលចំនួននេះអាស្រ័យលើឋានៈនិងសេវាកម្មរបស់គាត់។ ព័ត៌មានលម្អិតអំពីឋានៈរបស់បុរសនេះមិនទាន់ដឹងនៅឡើយទេ ប៉ុន្តែប្រាក់សោធននិវត្តន៍ជាមធ្យមសម្រាប់អតីតយុទ្ធជននៅតៃវ៉ាន់គឺ 49,379 ដុល្លារតៃវ៉ាន់ ក្នុងមួយខែ។

យ់ាងណាមិញ មកដល់ពេលនេះ ប៉ូលិសកំពុងស៊ើបអង្កេតមូលហេតុនៃការស្លាប់របស់បុរសចំណាស់ ដើម្បីកំណត់ថាតើស្ត្រីនោះបានប្រព្រឹត្តបទឧក្រិដ្ឋអ្វីក្រៅពីការលាក់សាកសពឪពុករបស់ខ្លួន។ នៅតៃវ៉ាន់ អ្នកដែលធ្វើបាប បោះបង់ចោល ជេរប្រមាថ ឬលួចសាកសព អាចប្រឈមនឹងការជាប់ពន្ធនាគាររហូតដល់៥ឆ្នាំ។ ប្រសិនបើឧក្រិដ្ឋកម្មនេះត្រូវបានប្រព្រឹត្តប្រឆាំងនឹងរាងកាយរបស់សាច់ញាតិភ្លាមៗ ឬសមាជិកគ្រួសារ ការកាត់ទោសអាចត្រូវបានកើនឡើង ១.៥ ដង៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖ចង់ប្លែកពីគេ នារីម្នាក់ឡើងទៅដេកក្នុងថតដាក់អីវ៉ាន់យន្តហោះ អាមេរិក ផ្អើលអ្នកដំណើរឈូឈរ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៩ នាទីutes មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ២៤ នាទីutes មុន

កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម

ព័ត៌មានជាតិ៣៩ នាទីutes មុន

១៧ ខេត្តក្នុង​ចំណោម ២៥ រាជធានីខេត្ត ​បញ្ចប់​ចុះ​​តាមដាន​ការ​អនុវត្ត​យានយន្តកែច្នៃខុសលក្ខណៈបច្ចេកទេស

ព័ត៌មានអន្ដរជាតិ៤១ នាទីutes មុន

អ៊ីស្រាអែល​​សម្លាប់​មនុស្ស​ជិត ៩០០​នាក់ ចាប់​តាំង​ពី​​​លែង​អនុវត្ត​​បទ​ឈប់​បាញ់​នៅ​តំបន់ហ្គាហ្សា

ព័ត៌មានជាតិ៥៥ នាទីutes មុន

វេទិកា JASTIP របស់ជប៉ុននឹងជួយកម្ពស់វិស័យវិទ្យាសាស្ត្រ បច្ចេកវិទ្យា និងនវានុវត្តន៍នៅកម្ពុជា

ព័ត៌មានអន្ដរជាតិ២០ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម១៩ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

ព័ត៌មានអន្ដរជាតិ២០ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ២០ ម៉ោង មុន

នាយករដ្ឋមន្ត្រី​ថៃ ដាក់​ចេញ​បទបញ្ជា​​បន្ទាន់ដើម្បី​គ្រប់គ្រង់​គ្រោះរញ្ជួយដី​

ព័ត៌មានអន្ដរជាតិ៤ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

Sokha Hotels

ព័ត៌មានពេញនិយម