ប្រទេសដំបូងបំផុត ទទួលបានវ៉ាក់សាំងកូវីដពីកម្មវិធី Covax

ហ្គាណា បានក្លាយជាប្រទេសដំបូងគេដែលទទួលបានវ៉ាក់សាំងការពារជំងឺកូវីដ១៩ តាមរយៈគំនិតផ្តួចផ្តើមចែករំលែកវ៉ាក់សាំង Covax។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វ៉ាក់សាំង AstraZeneca ចំនួន៦០០,០០០ដូស បានទៅដល់ទីក្រុង Accra កាលពីថ្ងៃពុធម្សិលមិញនេះ។ អ្នកចាក់វ៉ាក់សាំងដំបូងគេគឺ បុគ្គលិកសុខាភិបាល។

កម្មវិធី Covax មានគោលបំណងកាត់បន្ថយការបែងចែក រវាងប្រទេសអ្នកមាននិងប្រទេសអ្នកក្រដែលមិនអាចទិញវ៉ាក់សាំងបាន។

កម្មវិធីនេះ គ្រោងនឹងចែកចាយវ៉ាក់សាំងប្រហែល២ពាន់លានដូស នៅទូទាំងពិភពលោកត្រឹមចុងឆ្នាំនេះ។

ហ្គាណា ដែលមានប្រជាជនជាង៣០លាននាក់ ត្រូវបានជ្រើសរើសជាប្រទេសទទួលវ៉ាក់សាំងឥតគិតថ្លៃដំបូងគេ បន្ទាប់ពីសន្យាថានឹងចែកចាយយ៉ាងឆាប់រហ័សនិងបំពេញតាមលក្ខណៈវិនិច្ឆ័យដែលកំណត់ដោយ Covax។

សម្ព័ន្ធភាព Covax និយាយថា ការចែកចាយបន្តទៀតត្រូវបានគេរំពឹងថា នឹងទៅដល់ប្រទេសជិតខាង កូតឌីវ័រ នៅចុងសប្តាហ៍នេះ។

វ៉ាក់សាំងដែលប្រគល់ទៅទីក្រុង Accra គឺត្រូវបានផលិតដោយវិទ្យាស្ថាន Serum នៃប្រទេសឥណ្ឌា ហើយត្រូវបានអភិវឌ្ឍដោយក្រុមហ៊ុន AstraZeneca និងសកលវិទ្យាល័យ Oxford។

វ៉ាក់សាំងនេះត្រូវបានយល់ព្រមដោយអង្គការសុខភាពពិភពលោក (WHO) ហើយការចាក់វ៉ាក់សាំងនៅប្រទេសហ្គាណា មិនមែនជាផ្នែកនៃការសាកល្បងនោះទេ៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ មាន​ខ្មែរ ០៥ នាក់ រស់នៅ​រាជធានី​ភ្នំពេញ បាន​ឆ្លង​ក្នុង​ចំណោម ៥៨ នាក់

ចុចអាន៖ វ៉ាក់សាំងកូវីដចាក់តែមួយដូស មានសុវត្ថិភាពនិងប្រសិទ្ធភាព