Connect with us

ព័ត៌មានអន្ដរជាតិ

វៀតណាម ត្រូវរងគ្រោះដោយរលកកម្តៅបន្ថែមទៀត ដល់ដាច់ខែ

បានផុស

នៅ

ត្បិតតែសីតុណ្ហភាពនៅកម្ពុជា បានថយចុះបន្តិចមែន ប៉ុន្តែនៅវៀតណាមឯណោះវិញ មានការព្យាករថា ប្រទេសនេះ នឹងជួបប្រទះរលកកម្តៅបន្តទៀត រហូតដល់ចប់ខែឧសភា។

(រូបថត៖ Tuoi Tre)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Tuoi Tre កាលពីថ្ងៃសៅរ៍ទី១១ខែឧសភា, តំបន់​ភាគ​កណ្តាលប្រទេសវៀតណាម ​អាចមាន​ព្យុះនិង​ភ្លៀង​ធ្លាក់ខ្លាំងនៅឆមាសទី២នៃឆ្នាំនេះ ប៉ុន្តែមន្ត្រី​ឧតុនិយមបានប្រាប់សន្និសីទកាសែតមួយថា នៅតំបន់ផ្សេង ​អាចត្រូវ​ស៊ូទ្រាំជាមួយរលកកម្តៅថ្មី ពោលគឺក្តៅ​ខ្លាំង​ជាង​ឆ្នាំមុនទៅទៀត។

លោក Hoang Duc Cuong អនុប្រធានរដ្ឋបាលឧតុនិយមនិងជលសាស្ត្រវៀតណាម ក្រោមក្រសួងធនធានធម្មជាតិនិងបរិស្ថាន បានគូសបញ្ជាក់ថា បម្រែបម្រួលអាកាសធាតុ អាចនឹងបន្តបង្កជារលកកម្តៅ គ្រោះរាំងស្ងួត ធ្លាក់ភ្លៀងនិងព្យុះផ្គររន្ទះក្នុងប្រទេសនេះ កាន់តែខ្លាំង ហើយរលកកម្តៅពីរលើកបន្ថែមទៀត អាចវាយប្រហារតំបន់ដ៏ធំនៃភាគខាងជើង ចាប់ពីពេលនេះរហូតដល់ចុងខែឧសភា។

(រូបថត៖ SGGP)

ទោះបីជាយ៉ាងណា តំបន់ខ្ពង់រាបកណ្តាលនិងភាគខាងត្បូង ក៏អាចមានភ្លៀងធ្លាក់តិចតួច និងរលកកម្តៅដែរ នៅថ្ងៃព្រហស្បតិ៍សប្តាហ៍ក្រោយ ដោយសីតុណ្ហភាព អាចឡើងដល់៣៨អង្សាសេ។

ក្នុងការព្យាករនេះទៀតសោត, គ្រោះរាំងស្ងួតអូសបន្លាយ អាចវាយប្រហារខេត្តភាគកណ្តាលរាប់ចាប់ពី Quang Tri ទៅ Binh Thuan ចាប់ពីខែឧសភាដល់ខែសីហា។

សូមបញ្ជាក់ថា ចាប់តាំងពីដើមឆ្នាំ២០២៤មក តំបន់ដីសណ្តទន្លេមេគង្គនិងខ្ពង់រាបភាគកណ្តាលវៀតណាម ត្រូវបានបំផ្លិចបំផ្លាញដោយគ្រោះរាំងស្ងួត ការជ្រាបចូលទឹកប្រៃ សំណឹកដី និងទឹកជំនន់ជាដើម ហើយនេះសុទ្ធសឹងជាបញ្ហាដែលរដ្ឋាភិបាលទីក្រុងហាណូយ កំពុងឈឺក្បាលរិះរកវិធីដោះស្រាយ៕

អត្ថបទ​៖ សុខ សុវណ្ណ

ចុចអាន៖ រលកកម្តៅ ផ្តាច់សង្ខារមនុស្ស ៦១នាក់ នៅ ថៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៤ ម៉ោង មុន

កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក

ក្រុងប៉ោយប៉ែត
សន្តិសុខសង្គម២៣ ម៉ោង មុន

ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ

សន្តិសុខសង្គម៤ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានអន្ដរជាតិ២៤ ម៉ោង មុន

ការ​ខូចខាត​បឋម ព្រោះ​គ្រោះរញ្ជួយដីដ៏ខ្លាំងក្លា​ដែល​វាយប្រហារអាស៊ីអាគ្នេយ៍

ព័ត៌មានអន្ដរជាតិ៧ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

Sokha Hotels

ព័ត៌មានពេញនិយម