ព័ត៌មានអន្ដរជាតិ
ស្លាប់៣៧នាក់ ព្រោះគ្រោះទឹកជំនន់ និងការហូរធ្លាក់កម្អែលភ្នំភ្លើងនៅឥណ្ឌូណេស៊ី
យ៉ាងហោចណាស់ មនុស្សចំនួន ៣៧នាក់ បានបាត់បង់ជីវិត បន្ទាប់ពីកើតមានគ្រោះទឹកជំនន់ និងការហូរធ្លាក់ភក់នៃកម្អែលភ្នំភ្លើង ស្ថិតនៅភាគខាងជើងប្រទេសឥណ្ឌូណេស៊ី។ ហេតុការណ៍នេះ បានកើតឡើងបន្ទាប់ពីមានភ្លៀងធ្លាក់រាប់ម៉ោងជាប់គ្នា កាលពីថ្ងៃទីសៅរ៍ទី១១ ខែឧសភា ដែលបង្កឲ្យមានការបាក់ធ្លាក់ថ្ម ក៏ដូចជាការហូរនាំមកនូវកម្អែលភ្នំភ្លើងពីលើភ្នំ Marapi នៃកោះស៊ូម៉ាត្រា។
កម្អែលភ្នំភ្លើង បានធ្វើឲ្យស្រុកចំនួន២ ជន់លិច និងវិហារឥស្លាម បរិក្ខារសាធារណៈ ព្រមទាំងផ្ទះជាង១០០ខ្នងរងការខូចខាត។ បើតាមមន្ត្រីក្នុងតំបន់ បានឲ្យដឹងថា តួលេខនៃអ្នកស្លាប់ អាចនឹងកើនឡើងបន្តទៀត ខណៈនៅមានមនុស្សចំនួន ១៨នាក់កំពុងបាត់ខ្លួន។
លោកស្រី Devina វ័យ៤៣ឆ្នាំ ដែលស្ថិតនៅក្នុងហេតុការណ៍គ្រោះថ្នាក់ធម្មជាតិខាងលើ បានប្រាប់ថា គាត់បានឮសម្លេងខ្លាំងៗដូចជាផ្គរលាន់ និងសម្លេងដូចទឹកកំពុងពុះ ដែលសម្លេងទាំងនេះតាមពិតទៅជាសម្លេងនៃផ្ទាំងថ្មធំៗកំពុងរមៀលធ្លាក់ចុះពីលើភ្នំ Marapi បូករួមទាំងការហូរចុះនៃភក់កម្អែលភ្នំភ្លើង។ លោកស្រី Devina បានបន្តទៀតថា ផ្ទះអ្នកជិតខាងរបស់គាត់មួយខ្នង ត្រូវបានផ្ទាំងថ្មធំៗកិនចំពីលើតែម្ដង បណ្ដាលឲ្យមនុស្ស៤នាក់បានស្លាប់។ “វាងងឹតស្លប់តែម្ដង ដូច្នេះហើយខ្ញុំបានប្រើទូរសព្ទបើកពិលមើលឃើញផ្លូវសុទ្ធតែភក់ ហើយក៏ខ្ញុំបានបន់ស្រន់ព្រះឲ្យជួយម្ដងហើយម្ដងទៀត” នេះជាសម្ដីរបស់លោកស្រី Devina។
លោក Wengki Purwanto ប្រធានវេទិកាបរិស្ថានជាតិឥណ្ឌូណេស៊ី ប្រចាំសាខាកោះស៊ូម៉ាត្រាខាងលិច បានរៀបរាប់ថា គ្រោះធម្មជាតិនេះ ក៏មានចំណែកកើតឡើងបណ្ដាលមកពីសកម្មភាពមនុស្សផងដែរ។ លោកថា មូលហេតុគឺដោយសារតែការជីកយកធនធានធម្មជាតិច្រើនហួសប្រមាណ ព្រមទាំងការអភិវឌ្ឍមិនច្បាស់លាស់។
សូមបញ្ជាក់ថា ក្នុងរយៈពេល៦ខែចុងក្រោយ តំបន់នៅជុំវិញភ្នំ Marapi បានកើតមានគ្រោះធម្មជាតិប៉ុន្មានដងមកហើយ។ តួយ៉ាង ដូចពីដើមខែធ្នូ ឆ្នាំ២០២៣ មានអ្នកឡើងភ្នំចំនួន ២៣នាក់ បានបាត់បង់ជីវិត នៅពេលកើតមានបន្ទុះភ្នំភ្លើង ហើយនៅក្នុងខែកុម្ភៈ ឆ្នាំនេះ មានគ្រោះទឹកជំនន់បានបក់បោកកម្ទេចផ្ទះសម្បែងប្រជាជននៅក្នុងតំបន់ Tanah Datar។ បន្ថែមពីនេះ កាលពីខែមេសាមុន ក៏កើតមានបន្ទុះភ្នំភ្លើងផងដែរ ដែលបានព្រួសចេញជាពពកផេះធំៗលើមេឃ ស្ថិតនៅកម្ពស់២គីឡូម៉ែត្រពីដី។ ហេតុការណ៍នេះ បានធ្វើឲ្យជើងហោះហើរជាច្រើនត្រូវខកខាន ផ្លូវថ្នល់ត្រូវបានបិទ ហើយមនុស្សជាង ១១ ០០០នាក់ ត្រូវជម្លៀសខ្លួន៕
ដោយ៖ ឈាង
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
អាជ្ញាធរជាតិប្រយុទ្ធប្រឆាំងគ្រឿងញៀន និងរដ្ឋបាលរាជធានីភ្នំពេញ បិត Sticker QR Code App NoDrug ឲ្យពលរដ្ឋទាញយកប្រើប្រាស់
រដ្ឋមន្ត្រីក្រសួងការងារ ជូនដំណើរកម្មករ-និយោជិត ពលរដ្ឋ ធ្វើដំណើរទៅស្រុកកំណើត តាមរយៈរថយន្តក្រុងដោយជិះមិនបង់ប្រាក់
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
សម្ដេចតេជោ ស្នើឱ្យរដ្ឋាភិបាល ព្រឹទ្ធសភា រដ្ឋសភា តុលាការ មន្ត្រី កងកម្លាំង ងាកមកបង្កើតក្រុមក្នុង Cool App ដើម្បីសន្តិសុខជាតិ
តម្លៃប្រេងឡើងតិចតួចកាលពីថ្ងៃសុក្រ ប៉ុន្តែធ្លាក់ចុះក្នុងអត្រាប្រចាំសប្ដាហ៍
លោក គួច ចំរើន ផ្ដាំមន្ត្រីសុខាភិបាលឱ្យមានទំនាក់ទំនងល្អជាមួយពលរដ្ឋ ពិសេសអ្នកប្រើ ប.ស.ស
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ចរាចរណ៍២០ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ