ព័ត៌មានអន្ដរជាតិ
កូរ៉េខាងត្បូង៖ ក្រុងព្យុងយ៉ាង លួចដឹកអាវុធជាង ៦ពាន់កុងតឺន័រ ឲ្យទៅរុស្ស៊ី
បើតាមរដ្ឋាភិបាលកូរ៉េខាងត្បូង បានប៉ាន់ស្មានថា សព្វាវុធដែលរដ្ឋាភិបាលលោក គីម ជុងអ៊ុន ផ្ដល់ឲ្យទៅប្រទេសរុស្ស៊ី មានចំនួនប្រហែល ៦ ៧០០កុងតឺន័រ គិតចាប់តាំងពីខែកញ្ញា ឆ្នាំ២០២៣។ នេះបើយោងតាមការចុះផ្សាយរបស់ទីភ្នាក់ព័ត៌មាន Yonhap នៅកូរ៉េខាងត្បូង កាលពីថ្ងៃទី១២ ខែឧសភា។
លោក Shin Won-sik បានប្រាប់ថា ការលួចដឹកអាវុធរវាងកូរ៉េខាងជើង និងរុស្ស៊ី បានធ្វើឡើងក្រោយពីជំនួបទស្សនកិច្ចរវាងរដ្ឋាភិបាលទាំង២ កាលពីខែកញ្ញាកន្លងទៅ។ លោករដ្ឋមន្ត្រីក្រសួងការពារជាតិកូរ៉េខាងត្បូង បានបន្តទៀតថា នៅក្នុងការដឹកជញ្ជួននោះ អាចមានគ្រាប់កាំភ្លើងធំប្រវែង១៥២មិល្លីម៉ែត្រចំនួន៣លានគ្រាប់ ឬក៏ជាគ្រាប់កាំភ្លើងធំប្រវែង១២២មិល្លីម៉ែត្រចំនួន ៥០ម៉ឺនគ្រាប់។
ទីភ្នាក់ងារស៊ើបការណ៍សម្ងាត់ជាតិកូរ៉េខាងត្បូង (NIS) បាននិយាយថា ក៏មានការសង្ស័យទៅលើអាវុធកូរ៉េខាងជើងដែលឲ្យរុស្ស៊ី គឺជាប្រភេទគ្រាប់ផលិតក្នុងអំឡុងទសវត្សឆ្នាំ១៩៧០ ដោយហេតុថា គ្រាប់ទាំងនោះក៏ត្រូវបានរកឃើញនៅក្នុងសង្គ្រាមលុកលុយអ៊ុយក្រែននាពេលកន្លងមកដែរ។ NIS បានបន្តថា ខ្លួនកំពុងវិភាគទៅលើកាលៈទេសៈពាក់ព័ន្ធឲ្យបានលម្អិតបន្ថែម ហើយបន្តស៊ើបពីទំនាក់ទំនងយោធារវាងកូរ៉េខាងជើង និងរុស្ស៊ី។
សូមរំឭកឡើងវិញថា រុស្ស៊ីបានពង្រឹងចំណងសម័ន្ធមិត្តបន្ថែមទៀតជាមួយកូរ៉េខាងជើង ចាប់តាំងពីការបើកការវាយប្រហារទ្រង់ទ្រាយធំនៅអ៊ុយក្រែនក្នុងឆ្នាំ២០២២។ ស្ថាប័នអន្តរជាតិ បានជឿជាក់ថា រដ្ឋាភិបាលក្រុងព្យុងយ៉ាងរបស់លោក គីម ជុងអ៊ុន បានលួចផ្គត់ផ្គង់អាវុធជាច្រើនឲ្យទៅលោក វ៉្លាឌឺមៀ ពូទីន មេដឹកនាំរុស្ស៊ី ដែលក្នុងនោះមានដូចជា កាំំភ្លើង និងគ្រាប់មីស៊ីលបាលិស្ទិក ជាដើម ក្នុងការវាយប្រហារអ៊ុយក្រែន។
សហរដ្ឋអាមេរិក បានធ្វើការព្រមានថា ការគំរាមកំហែងសន្តិសុខពិភពលោករបស់កូរ៉េខាងជើង អាចនឹងផ្លាស់ប្ដូរទៅជាអាក្រក់ជាងនេះទៅទៀត ក្នុងរយៈពេល១ទសវត្សទៅមុខ ដោយនេះក៏ព្រោះតែទំនាក់ទំនងកាន់តែជិតស្និទ្ធជាមួយប្រទេសរុស្ស៊ី៕
ដោយ៖ ឈាង
អង្គការដោះមីនចំនួន៣ធ្វើការរំសាយបុគ្គលិកបន្ទាប់ពីអស់ជំនួយពី USAID
អ្នកឧកញ៉ា ឃុន សៀ ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
ក្រុមហ៊ុន ក្រេឌីត ប្យួរ៉ូ (ខេមបូឌា) និងគ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី ដាក់ដំណើរការសេវាពិនិត្យសុខភាពហិរញ្ញវត្ថុតាម AMK Mobile
នគរបាលរាជធានីបញ្ជូនខ្លួនជនសង្ស័យ២៨នាក់ទៅតុលាការ ពាក់ព័ន្ធបទល្មើស៩ករណី
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៦ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត