ព័ត៌មានអន្ដរជាតិ
គួរប្រុងប្រយ័ត្ន! កុមារជាង ៣០០ នាក់ឆ្លងវីរុសកូរ៉ូណាបម្លែងខ្លួនប្រភេទថ្មីនៅអ៊ីរ៉ាក់
រដ្ឋមន្រ្តីក្រសួងសុខាភិបាលអ៊ីរ៉ាក់បាននិយាយកាលពីថ្ងៃពុធថា កុមាររាប់រយនាក់បានឆ្លងវីរុសកូរ៉ូណាបម្លែងខ្លួនប្រភេទថ្មី ។
នៅក្នុងសន្និសីទសារព័ត៌មានមួយនៅទីក្រុងបាកដាដលោក Hassan Al-Tamimi បាននិយាយថា “មានកុមារជាង ៣០០ នាក់ដែលមានអាយុក្រោម ១៤ ឆ្នាំបានឆ្លងវីរុសកូរ៉ូណាបម្លែងខ្លួនប្រភេទថ្មីចាប់តាំងវាពីការលេចចេញមក” ។ លោកបានបន្តថា ការរីករាលដាលនៃវីរុសនេះនៅតែបន្តកើតមានក្នុងចំណោមប្រជាជនទូទៅផងដែរ ។

ប្រទេសសម្បូរប្រេងមួយនេះបានបញ្ជាក់ពីករណីឆ្លងដំបូងនៃវីរុសកូរ៉ូណាបម្លែងខ្លួនប្រភេទថ្មីកាលពីថ្ងៃទី ១៥ ខែកុម្ភៈ ខណៈដែលនៅពេលនោះលោក Al-Tamimi បានព្រមានថា វីរុសបម្លែងខ្លួនប្រភេទថ្មីនេះក៏អាចឆ្លងដល់កុមារផងដែរ ។
លោកបានបង្ហាញការព្រួយបារម្ភថា ភាពសាហាវឃោរឃៅនៃវីរុសថ្មីនេះអាចជាបន្ទុកដល់ក្រសួងក្នុងការដោះស្រាយវីរុសនេះ ។

ទន្ទឹមនោះរដ្ឋាភិបាលបានប្រកាសបម្រាមគោចរមួយផ្នែករយៈពេលពីរសប្តាហ៍នៅទូទាំងប្រទេសកាលពីសប្តាហ៍មុនលើកលែងតែតំបន់ឃឺដពាក់ព័ន្ធនឹងជំងឺកូវីដ ១៩ ។
វិធានការណ៍ទាំងនោះរួមមានការផ្អាកការចូលសាលារៀន សកម្មភាពកីឡា ក៏ដូចជាការបិទវិហារឥស្លាម និងឧទ្យាន ។
ការរឹតត្បិតត្រូវបានគេគ្រោងនឹងដកចេញនៅថ្ងៃទី ៤ ខែមីនា ចំពេលមានរបាយការណ៍ថាវិធានការណ៍ប្រុងប្រយ័ត្នអាចត្រូវបានពង្រីកបន្ថែម ។

បន្ថែមពីនេះលោក Al-Tamimi បាននិយាយកាលពីថ្ងៃអង្គារថា អត្រាអ្នកស្លាប់ប្រចាំថ្ងៃមានចំនួន ១.៩ ភាគរយ ហើយមន្ទីរពិសោធន៍ជំនាញដើម្បីធ្វើតេស្តវីរុសត្រូវបានកើនឡើង ខណៈពេលដែលចំនួនមន្ទីរពេទ្យ គ្រែ និងឧបករណ៍ពេទ្យក៏មានការកើនឡើងផងដែរ ។
គួរបញ្ជាក់ថា គិតត្រឹមពេលនេះប្រទេសអ៊ីរ៉ាក់មានករណីឆ្លងជំងឺកូវីដ ១៩ ចំនួន ៦៨០,២៨៨ ករណី និងមានអ្នកស្លាប់ចំនួន ១៣,៣២៤ នាក់ ៕

ប្រែសម្រួលដោយ ៖ ជីវ័ន្ត
ប្រភព ៖ Anadolu
ចុចអាន ៖ មនុស្សយ៉ាងតិច ១៥ នាក់ស្លាប់ដោយសារការបំផ្ទុះគ្រាប់បែកអត្តឃាតនៅអ៊ីរ៉ាក់
ចុចអាន ៖ ទាហានសម័យសង្គ្រាមអ៊ីរ៉ាក់ប្តឹងក្រសួងការពារជាតិអាមេរិកព្រោះសំឡេងផ្ទុះអាវុធធ្វើឲ្យគាត់ថ្លង់

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៩ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ