ព័ត៌មានអន្ដរជាតិ
រុស្ស៊ី អួតថា បាញ់ទម្លាក់មីស៊ីលអ៊ុយក្រែនបាន ១៦គ្រាប់ និងដ្រូន ៣១គ្រឿង
ក្រសួងការពារជាតិរុស្ស៊ី បានថ្លែងនៅថ្ងៃទី១៣ ខែឧសភា នេះ ថា ប្រព័ន្ធខែលការពាររបស់ខ្លួន បានបាញ់ទម្លាក់មីស៊ីលចំនួន ១៦គ្រាប់ និងដ្រូនចំនួន ៣១គ្រឿង ដែលអ៊ុយក្រែនបានធ្វើការវាយប្រហារកាលពីយប់មិញ។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters។
មីស៊ីលរបស់អ៊ុយក្រែន ដែលបាញ់ទម្លាក់បានដោយរុស្ស៊ី មាន១២គ្រាប់បានសំដៅមករកតំបន់ Belgorod ដែលជាតំបន់ព្រំដែនជម្លោះរវាងប្រទេសទាំង២។ បើតាមការប្រកាសព័ត៌មានបឋមរបស់លោក Vyancheslav Gladkov អភិបាលតំបន់កើតហេតុខាងលើ បានឲ្យដឹងថា ការវាយប្រហារនេះ បានធ្វើឲ្យផ្ទះចំនួន៥ខ្នងនៅតំបន់ Belgorod រងការខូចខាត ប៉ុន្តែពុំមានអ្នករងរបួសនោះទេ។ យ៉ាងណាមិញ ក្រោយពីការវាយប្រហារមិនប៉ុន្មានម៉ោងផង ស្រាប់តែមានការបាក់រលំអគារស្នាក់នៅមួយកន្លែងក្នុងតំបន់ Belgorod ដែលបណ្ដាលឲ្យមនុស្សស្លាប់បាត់បង់ជីវិតអស់ ១៥នាក់។ ការបាក់រលំនេះ បណ្ដាលមកពីបំណែកមីស៊ីលរបស់អ៊ុយក្រែន ដែលបាញ់ទម្លាក់ដោយរុស្ស៊ី បានខ្ទាតចូលទៅចំផ្នែកខាងក្រោមអគារ ហើយក៏បានផ្ទុះ។
ក្រសួងការពារជាតិរុស្ស៊ី បានលម្អិតថា គ្រាប់មីស៊ីលចំនួន ១២គ្រាប់ របស់អ៊ុយក្រែន បានបាញ់ចេញពីប្រព័ន្ធបាញ់គ្រាប់រ៉ុក្កែត Vilkha ហើយ៤គ្រាប់ផ្សេងទៀតជាមីស៊ីលទម្លាក់ចេញពីយន្តហោះចម្បាំង Storm Shadow។ ក្រសួងរុស្ស៊ី បានបន្ថែមថា មានដ្រូន ៧គ្រឿង បានហោះចូលតំបន់គ្រីមៀ ហើយ៨គ្រឿងហោះចូលតំបន់ Kursk និង៤គ្រឿងចូលដល់តំបន់ Lipetsk តែត្រូវបាញ់ទម្លាក់បានទាំងអស់តែម្ដង។ យ៉ាងណាមិញ ដ្រូនដែលបានឆ្មក់ចូលតំបន់ Kursk បានធ្វើឲ្យឆេះស្ថានីយអគ្គិសនីក្នុងរយៈពេលខ្លី តែមិនមានអ្នកបាត់បង់ជីវិតទេ។
ពាក់ព័ន្ធនឹងការលើកឡើងរបស់រុស្ស៊ីនេះ ទីភ្នាក់ងារព័ត៌មាន Reuters មិនទាន់ទទួលបានការឆ្លើយតបពីខាងអ៊ុយក្រែននៅឡើយទេ៕
ដោយ៖ ឈាង
អ្នកនាំពាក្យគ្រោះមហន្តរាយ ៖ កម្ពុជា មិនមានកន្លែងណាមួយកើតមាន បញ្ហារញ្ជួយដីទេ
ផន ស្រីពី មោទនភាព ព្រោះបានរួមចំណែកការងារសង្គម និងស្វែងយល់ពីប្រវត្តិសាស្រ្តជាតិ នៅខេត្តស្ទឹងត្រែង
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម២០ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ