ព័ត៌មានអន្ដរជាតិ

UNICEF៖ ជីវិតកុមារជិត ២ពាន់នាក់ ត្រូវបានប្រល័យដោយភ្លើងសង្គ្រាមនៅអ៊ុយក្រែន

បានផុស

៤ ខែ មុន

នៅ

ថ្ងៃអង្គារ ១៤ ឧសភា ២០២៤

ដោយ

Chheang

បើយោងតាមអង្គការយូនីសេហ្វ (UNICEF) បានឲ្យដឹងកាលពីថ្ងៃទី១៣ ខែឧសភា ថា សង្គ្រាមនៅអ៊ុយក្រែន បានឆក់យកជីវិតក្មេងៗជិត ២ពាន់នាក់ឯណោះ។ តួលេខនេះទៀតសោត អាចនឹងខ្ពស់ជាងទិន្នន័យដែលបានរកឃើញទៅទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការិយាល័យអង្គការយូនីសេហ្វអឺរ៉ុប និងអាស៊ីកណ្ដាល ព្រមទាំងនាយកប្រចាំតំបន់លោកស្រី Regina De Dominicis បានចេញសេចក្ដីថ្លែងការណ៍រួមគ្នាមួយថា “យ៉ាងហោចណាស់ កុមារចំនួន ១ ៩៩៣នាក់ នៅអ៊ុយក្រែន ត្រូវបានសម្លាប់ ឬក៏រងរបួស ចាប់តាំងពីផ្ទុះមានភ្លើងសង្គ្រាមជាង២ឆ្នាំកន្លងមកនេះ។ តួលេខជាមធ្យមមានក្មេងស្លាប់២នាក់ជារៀងរាល់ថ្ងៃ”។

សង្គ្រាមនៅអ៊ុយក្រែន បានប៉ះពាល់ផ្នែកសតិអារម្មណ៍ និងសុខុមាលភាពកុមារយ៉ាងធ្ងន់ធ្ងរ។ បន្ថែមពីនេះ យុវវ័យពាក់កណ្ដាលនៅអ៊ុយក្រែន ត្រូវគេរកឃើញថា ពួកគេមានបញ្ហាដំណេក ហើយ១ក្នុងចំណោម៥នាក់ បានកើតមានបញ្ហាស្រមោលអន្ធការអាក្រក់។

ក្នុងសេចក្ដីថ្លែងការណ៍រួមខាងលើ ក៏បានសរសេរដែរថា “ដូចដែលយើងមើលឃើញនៅក្នុងសង្គ្រាម ការពិចារណា និងទង្វើមិនប្រុងប្រយ័ត្នរបស់មនុស្សពេញវ័យ បានធ្វើឲ្យកុមារបាត់បង់ជីវិត សុវត្ថិភាព និងអនាគតរបស់ពួកគេ”។

អង្គការយូនីសេហ្វ បានបន្តឲ្យដឹងទៀតថា គិតត្រឹមខែមិថុនាខាងមុខ វាមានរយៈពេល៤ឆ្នាំគត់ ដែលការអប់រំនៅក្នុងអ៊ុយក្រែនទទួលរងផលប៉ះពាល់។ “ស្ទើរតែពាក់កណ្ដាលនៃកុមារដែលបានចុះឈ្មោះនៅសាលាក្នុងអ៊ុយក្រែន បានខកខានការចូលរៀនដោយផ្ទាល់ ហើយកុមារជិត១លាននាក់ជុំវិញប្រទេស មិនអាចទទួលបានការបង្រៀនដោយផ្ទាល់នៅសាលារៀនទាល់តែសោះ ក៏ព្រោះតែភាពអសន្តិសុខ” នេះជាអ្វីដែលអង្គការយូនីសេហ្វ បានរៀបរាប់បន្ថែម។

បច្ចុប្បន្ន អង្គការយូនីសេហ្វ កំពុងធ្វើការជាមួយរដ្ឋាភិបាលអ៊ុយក្រែន ដើម្បីស្ដារសាលារៀន និងទីកន្លែងរស់នៅឡើងវិញ សម្រាប់កុមារ ខណៈពេលនេះកំពុងផ្តល់ជាការគាំទ្រផ្នែកបង្រៀនអនឡាញដល់កុមារ និងជំនួយជាឧបករណ៍សិក្សាដោយខ្លួនឯងនៅតាមផ្ទះ៕

ដោយ៖ ឈាង

Related Topics:អង្គការយូនីសេហ្វ (UNICEF)