ព័ត៌មានអន្ដរជាតិ
លោក គីម ជុងអ៊ុន អំពាវនាវឲ្យមានការវិវត្តខ្លួនដើម្បីត្រៀមធ្វើសង្គ្រាម
មេដឹកនាំកូរ៉េខាងជើង លោក គីម ជុងអ៊ុន ក្នុងអំឡុងពេលត្រួតពិនិត្យប្រព័ន្ធបាញ់មីស៊ីលថ្មីបានអំពាវនាវឲ្យមានវិវត្តខ្លួនដើម្បីត្រៀមធ្វើសង្រ្គាម ខណៈកូរ៉េខាងជើងទើបតែសម្រេចបាននូវគោលដៅផលិតអាវុធជាបន្តបន្ទាប់ ។ នេះបើតាមការចេញផ្សាយរបស់សារព័ត៌មាន CNA កាលពីថ្ងៃទី១៥ ខែឧសភាកន្លងទៅ ។
យោងតាមទីភ្នាក់ងារសារព័ត៌មានកូរ៉េ KCNA បានឲ្យដឹងថា ក្នុងអំឡុងពេលត្រួតពិនិត្យប្រព័ន្ធបាញ់មីស៊ីលយុទ្ធសាស្ត្រ លោក គីម បានសម្តែងការពេញចិត្តយ៉ាងខ្លាំងចំពោះលទ្ធផលផលិតកម្មដែលបានចុះបញ្ជីដោយសហគ្រាសឧស្សាហកម្មការពារជាតិនៅឆ្នាំនេះ ។ ជាពិសេសលោកបានសង្កត់ធ្ងន់លើតម្រូវការក្នុងការផ្លាស់ប្តូរឲ្យកាន់តែទំនើបបន្ថែមទៀតដើម្បីត្រៀមធ្វើសង្គ្រាម និងអនុវត្តផែនការផលិតកម្មអាវុធសម្រាប់ឆ្នាំ ២០២៤ នេះដោយជោគជ័យ ។
ទន្ទឹមនោះ អ្នកវិភាគមួយចំនួននិយាយថា កូរ៉េខាងជើងអាចនឹងធ្វើតេស្ត និងបង្កើនការផលិតកាំភ្លើងធំ និងមីស៊ីលដើម្បីបញ្ជូនទៅរុស្ស៊ីសម្រាប់ប្រើប្រាស់ក្នុងប្រទេសអ៊ុយក្រែន ប៉ុន្តែ KCNA បានបញ្ជាក់វិញថា គ្រឿងសព្វាវុធទាំងប៉ុន្មានដែលផលិតក្នុងឆ្នាំនេះ គឺប្រើសម្រាប់តែអង្គភាពយោធានៅភាគខាងលិចរបស់ប្រទេសប៉ុណ្ណោះ ។
គួរបញ្ជាក់ថា ប្រទេសកូរ៉េខាជើងកាលពីពេលថ្មីៗនេះបានពង្រឹងទំនាក់ទំនងយោធាជាមួយរុស្ស៊ី ហើយទីក្រុងព្យុងយ៉ាងបានថ្លែងអំណរគុណដល់ទីក្រុងមូស្គូកាលពីខែមុនចំពោះការប្រើប្រាស់ការវេតូរបស់ក្រុមប្រឹក្សាសន្តិសុខអង្គការសហប្រជាជាតិដើម្បីរារាំងក្រុមអ្នកជំនាញរបស់អង្គការសហប្រជាជាតិមិនឲ្យតាមដានកាដាក់ទណ្ឌកម្មអាវុធលើរដ្ឋាភិបាលលោក គីម ។
បន្ថែមពីនេះ កូរ៉េខាងត្បូង និងសហរដ្ឋអាមេរិកក៏បានចោទប្រកាន់កូរ៉េខាងជើងដែរថា ជាអ្នកផ្គត់ផ្គង់សព្វាវុធដល់រុស្ស៊ី ទោះបីជាមានការដាក់ទណ្ឌកម្មរបស់អង្គការសហប្រជាជាតិហាមឃាត់សកម្មភាពបែបនេះក៏ដោយ ខណៈទំនាក់ទំនងអន្តរកូរ៉េគឺឈានដល់ចំណុចក្ដៅគគុកក្នុងរយៈពេលប៉ុន្មានឆ្នាំមកនេះ ៕
អត្ថបទ៖ ប៊ុន សុភាព
-
ព័ត៌មានជាតិ១ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ២ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច៣ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៦ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៣ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម២ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៣ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ២ ថ្ងៃ ago
លោក ស៊ុន ចាន់ថុល៖ «ទោះយើងកើតពុំទាន់ការកសាងអង្គរវត្ត ប៉ុន្តែយើងមានមោទនភាពដែលកើតទាន់ការជីកព្រែកហ្វូណនតេជោ»