ព័ត៌មានអន្ដរជាតិ
មេដឹកនាំថ្មីក្រុមអាល់កៃដា សាហាវជាង អូសាម៉ា ប៊ីនឡាដិន
ពេលនេះក្រុមអាល់កៃដាមានមេដឹកនាំថ្មីដែលមានរហស្សនាមថា “ដាវសងសឹក” ហើយគេខ្លាចថាក្រុមនេះអាចឡើងដល់កម្រិតដូចគ្នានឹងអំណាចដែលខ្លួនធ្លាប់ប្រើនៅដើមសតវត្សរ៍នេះ ។
លោក Saif al-Adel គឺជាអតីតឧត្តមសេនីយយោធាម្នាក់ដែលជា “អ្នកយុទ្ធសាស្រ្តដ៏អស្ចារ្យ និងគ្មានមេត្តា” ហើយត្រូវបានគេប្រគល់តំណែងឲ្យបន្តពីលោក Ayman Zawahiri ដែលត្រូវគេនិយាយថាបានស្លាប់ ក្រោយការកាន់កាប់បន្ត បន្ទាប់ពីមរណភាពរបស់លោក Osama bin Laden កាលពីឆ្នាំ ២០១១ ប៉ុន្តែមិនដែលត្រូវបានគេដឹងដំណឹងអស់រយៈពេលជាច្រើនឆ្នាំមកហើយ ។
![](https://www.kampucheathmey.com/wp-content/uploads/2021/02/Al-Qaeda.jpg)
អ្នកស៊ើបការណ៍អង់គ្លេស និងអាមេរិកបានឃ្លាំមើលចលនារបស់លោក Saif អស់រយៈពេលជាច្រើនឆ្នាំមកហើយ ខណៈដែលគាត់បានចូលរួមរាល់ការប្រឆាំងនឹងក្រុមអាល់កៃដាដែលបានចាប់ផ្តើមនៅក្នុងរយៈពេលបីទសវត្សរ៍កន្លងមកនេះ ។
អតីតអ្នកជំនាញប្រឆាំងភេរវកម្មរបស់ FBI លោក Ali Soufan បានសរសេរថា លោក Saif អាយុ ៦០ ឆ្នាំអាចជា “អ្នកស្នងតំណែងរបស់ក្រុមអាល់កៃដាទី ៣” ជាមួយនឹងប្រវត្តិរូបភេរវកម្មរយៈពេល ៣ ទសវត្សរ៍នៅក្រោមតំបន់របស់គាត់ ។
![](https://www.kampucheathmey.com/wp-content/uploads/2021/02/Al-Qaeda-1.jpg)
ទន្ទឹមនោះលោក Saif បានក្លាយជាមុខសញ្ញារួចទៅហើយចំពោះការចាប់ខ្លួនពីសហរដ្ឋអាមេរិកជាមួយនឹងការផ្ដល់ប្រាក់រង្វាន់ ៧.៥ លានផោនសម្រាប់ការបំផ្ទុះគ្រាប់បែកលើស្ថានទូតអាមេរិកឆ្នាំ ១៩៩៨ នៅទីក្រុង Nairobi និងទីក្រុង Dar es Salaam ដោយបានសម្លាប់មនុស្ស ២២៤ នាក់ ។
អ្នកប្រយុទ្ធជើងចាស់រូបនេះបានដឹកនាំអង្គភាពការពារ “Black Guard” របស់លោក bin Laden នៅអាហ្វហ្គានីស្ថាន ហើយជាមនុស្សម្នាក់ដែលបានណែនាំស្ថាបនិករដ្ឋឥស្លាម Abu Musab al-Zarqawi និងអ្នករៀបចំផែនការ ៩-១១ Khaled Sheikh Mohammed ឲ្យលោក bin Laden និងបានចូលរួមនៅក្នុងសមរភូមិ Black Hawk Down ឆ្នាំ ១៩៩៣ នៅប្រទេសសូម៉ាលី ។
![](https://www.kampucheathmey.com/wp-content/uploads/2021/02/Al-Qaeda-2-scaled.jpg)
បន្ថែមពីនេះលោក Saif អាចបញ្ចូលបណ្តាញរបស់គាត់ជាមួយក្រុម ISIS ហើយបានពង្រឹងចំណងក្រុមអាល់កៃដាជាមួយអ៊ីរ៉ង់ និងតាលីបង់-អាហ្វហ្គានីស្ថាន ។
ស្របពេលជាមួយគ្នានេះលោកវរសេនីយ៍ឯក Richard Kemp អ្នកជំនាញខាងភេរវកម្មអង់គ្លេសដែលធ្លាប់មានមុខងារឃ្លាំមើលចលនារបស់លោក Saif សម្រាប់រដ្ឋាភិបាលអង់គ្លេសនៅដើមទសវត្សឆ្នាំ ២០០០ បានប្រាប់សារព័ត៌មាន Daily Mirror ថា “គាត់ទំនងជាមេដឹកនាំថ្មី ព្រោះគាត់ត្រូវបានគេគោរពយ៉ាងខ្លាំងក្នុងចំណោមក្រុមអាល់កៃដា ហើយគាត់ក៏ទទួលបានការគោរពក្នុងចំណោមរដ្ឋអ៊ីស្លាមផងដែរ ។
![](https://www.kampucheathmey.com/wp-content/uploads/2021/02/Al-Qaeda-3.jpg)
លោកបាននិយាយថា “មិនត្រឹមតែគាត់អាចជាមេដឹកនាំថ្មីរបស់អាល់កៃដាប៉ុណ្ណោះទេ ប៉ុន្តែគាត់ក៏អាចទាក់ទាញសមាជិកក្រុម ISIS ឲ្យចូលរួមជាមួយក្រុមអាល់កៃដា ឬបង្កឲ្យមានការលាយឡំគ្នារវាងអ្នកទាំងពីរផងដែរ ។
លោកបន្តថា មានកិច្ចសហប្រតិបត្ដិការរវាងក្រុមទាំងនេះ ។ លោក Saif ត្រូវបានគេគោរពយ៉ាងខ្លាំងហើយគាត់អាចធ្វើឲ្យមានកិច្ចសហប្រតិបត្ដិការ ឬការរួបរួមគ្នាធំជាងនេះ ។ ទាំងអស់នេះគឺនិយាយអំពីភាពជាអ្នកដឹកនាំ ហើយគាត់អាចធ្វើឲ្យចលនានេះមានថាមពលឡើងវិញ ៕
ប្រែសម្រួលដោយ ៖ ជីវ័ន្ត
ប្រភព ៖ Daily Star
ចុចអាន ៖ កំពូលកីឡាករវាយកូនហ្គោល Tiger Woods ជួបហេតុការណ៍ក្រឡាប់រថយន្ត
ចុចអាន ៖ ផ្ទុះការបាញ់ប្រហារក្នុងហាងលក់កាំភ្លើងនៅអាមេរិក ស្លាប់ ៣ នាក់
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៤ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៣ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម៦ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ចរាចរណ៍១ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត
-
ជីវិតកម្សាន្ដ២៤ ម៉ោង ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ៦ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ជីវិតកម្សាន្ដ១ ថ្ងៃ ago
G-Devith ប្តេជ្ញារកយុត្តិធម៌ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ