ព័ត៌មានអន្ដរជាតិ
លោក ស៊ី ប្រាប់លោក ពូទីន ថា ទំនាក់ទំនង ចិន-រុស្ស៊ី រួមចំណែកដល់សន្តិភាព និងស្ថិរភាពពិភពលោក
ទំនាក់ទំនងរបស់ទីក្រុងប៉េកាំងជាមួយទីក្រុងមូស្គូបានរួមចំណែកដល់ “សន្តិភាព និងស្ថិរភាពពិភពលោក” យ៉ាងច្រើនក្រៃលែង ។ នេះបើយោងតាមការលើកឡើងរបស់ប្រធានាធិបតីចិនលោក ស៊ី ជីនពីង ប្រាប់ទៅកាន់លោកប្រធានាធិបតីរុស្ស៊ី វ្ល៉ាឌីមៀរ ពូទីន និងចុះផ្សាយដោយទីភ្នាក់ងារ Xinhua នៅថ្ងៃទី១៦ ខែឧសភានេះ ។
ថ្លែងក្នុងកិច្ចពិភាក្សារួមគ្នានៅទីក្រុងប៉េកាំង លោក ស៊ី បានប្រាប់លោក ពូទីន ថា “ស្ថិរភាព និងការអភិវឌ្ឍន៍នៃទំនាក់ទំនង ចិន-រុស្ស៊ី មិនត្រឹមតែបម្រើផលប្រយោជន៍ជាមូលដ្ឋាន និងប្រជាជននៃប្រទេសទាំងពីរប៉ុណ្ណោះទេ ប៉ុន្តែថែមទាំងរួមចំណែកដល់សន្តិភាព ស្ថិរភាព និងវិបុលភាពទាំងក្នុងតំបន់ និងពិភពលោក” ។
លោក ស៊ី បានបញ្ជាក់ទៀតថា “ទំនាក់ទំនង ចិន-រុស្ស៊ី កាន់តែរឹងមាំពីមួយកម្រិតទៅមួយកម្រិត ទោះបីជាស្ថានភាពពិភពលោកមានការឡើងចុះក៏ដោយ ។ ទីក្រុងប៉េកាំង និងទីក្រុងមូស្គូបានហែឆ្លងព្យុះភ្លៀង និងបានឈរប្រកៀកស្មាគ្នានៃការផ្លាស់ប្តូរទិដ្ឋភាពអន្តរជាតិ ដោយបង្កើតគំរូនៃការគោរពគ្នាទៅវិញទៅមក មានភាពស្មោះត្រង់ ភាពសុខដុមរមនា និងកិច្ចសហប្រតិបត្តិការឈ្នះ-ឈ្នះរវាងមហាអំណាច និងប្រទេសជិតខាង” ។
ប្រធានាធិបតីចិនរូបនេះសង្កត់ធ្ងន់ថា “ចិនបានត្រៀមខ្លួនជាស្រេចក្នុងការធ្វើការជាមួយរុស្ស៊ីជាអ្នកជិតខាងល្អ មិត្តល្អ និងជាដៃគូល្អដែលជឿទុកចិត្តគ្នាទៅវិញទៅមកដើម្បីបន្តពង្រឹងចំណងមិត្តភាពដ៏យូរអង្វែងរវាងប្រជាជនទាំងពីរ និងរួមគ្នាបន្តការអភិវឌ្ឍន៍ ក៏ដូចជាលើកកម្ពស់ភាពត្រឹមត្រូវ និងយុត្តិធម៌នៅក្នុងពិភពលោក” ។
ប្រទេសចិន និងរុស្ស៊ីបានប្រកាសភាពជាដៃគូ “គ្មានដែនកំណត់” នៅក្នុងខែកុម្ភៈ ឆ្នាំ ២០២២ អំឡុងពេលដែលលោក ពូទីន ធ្វើដំណើរទស្សនកិច្ចមកកាន់ទីក្រុងប៉េកាំង ពោលប៉ុន្មានថ្ងៃមុនប្រកាសលើកកម្លាំងទ័ពរុស្ស៊ីរាប់ម៉ឺននាក់ចូលវាយនៅអ៊ុយក្រែន ខណៈលោក ស៊ី វិញក៏បានអញ្ជើញធ្វើទស្សនកិច្ចនៅប្រទេសរុស្ស៊ីផងដែរកាលពីខែមីនា ខណៈដែលជំនួបចាប់ដៃលើកចុងក្រោយគឺធ្វើឡើងនៅក្នុងខែតុលា ឆ្នាំ២០២៣ នៅពេលដែលលោក ពូទីន អញ្ជើញចូលរួមកិច្ចប្រជុំកំពូលខ្សែក្រវាត់ និងផ្លូវរបស់ប្រទេសចិននៅទីក្រុងប៉េកាំង ។
គួរបញ្ជាក់ថា ដំណើរទស្សនកិច្ចផ្លូវរដ្ឋរយៈពេល ២ ថ្ងៃមកកាន់ប្រទេសចិនរបស់លោក ពូទីន នាពេលនេះគឺជាការហោះហើរចេញក្រៅប្រទេសជាលើកដំបូងរបស់បុរសខ្លាឃ្មុំទឹកកកវ័យ ៧២ ឆ្នាំរូបនេះ ចាប់តាំងពីស្បថចូលកាន់តំណែងក្នុងអាណត្តិថ្មីបន្តកាច់ចង្កូតនាវារុស្ស៊ីរយៈពេល ៦ ឆ្នាំទៀត ប៉ុន្តែបើសរុបជារួម នេះជាលើកទី ១៩ ហើយដែលលោក ពូទីន អញ្ជើញមកកាន់ប្រទេសចិន ចាប់តាំងពីឡើងកាន់ការជាប្រធានាធិបតីរុស្ស៊ីកាលពីឆ្នាំ ២០០០ មក ៕
ដោយ ៖ សុខ ជីវ័ន្ត
ចុចអាន ៖ តើលោក ពូទីន ធ្លាប់អញ្ជើញទៅ ចិន ប៉ុន្មានលើកហើយ ពេលណាដែល ពិភពលោកចងចាំមិនភ្លេច?
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ