ព័ត៌មានអន្ដរជាតិ
G7 គាំទ្រ EU ក្នុងការយកទ្រព្យសម្បត្តិបង្កករបស់ រុស្ស៊ី ទៅជួយ អ៊ុយក្រែន
រដ្ឋមន្ត្រីហិរញ្ញវត្ថុអ៊ីតាលីបាននិយាយថា ក្រុមប្រទេស G7 នឹងគាំទ្រផែនការរបស់សហភាពអឺរ៉ុប (EU) ក្នុងការប្រើប្រាស់ប្រាក់ចំណូលពីទ្រព្យសម្បត្តិរបស់រុស្ស៊ីដែលត្រូវបានបង្កក ដើម្បីជួយដល់កិច្ចខិតខំប្រឹងប្រែងក្នុងសង្រ្គាមអ៊ុយក្រែន ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Reuters កាលពីថ្ងៃទី១៦ ខែឧសភាកន្លងទៅ ។
G7 បានបង្កកទ្រព្យសម្បត្តិហិរញ្ញវត្ថុប្រហែល ៣០០ ពាន់លានដុល្លារភ្លាមៗ បន្ទាប់ពីការវាយប្រហាររបស់ទីក្រុងមូស្គូលើអ៊ុយក្រែនក្នុងខែកុម្ភៈ ឆ្នាំ ២០២២ ។ ចាប់តាំងពីពេលនោះមក សហភាពអឺរ៉ុប និងក្រុមប្រទេស G7 ផ្សេងទៀតបានពិភាក្សាគ្នាថាតើត្រូវប្រើប្រាស់មូលនិធិដើម្បីជួយអ៊ុយក្រែនយ៉ាងដូចម្តេច ។
បើយោងតាមរដ្ឋមន្ត្រីហិរញ្ញវត្ថុអ៊ីតាលីបាននិយាយ នៅមុនកិច្ចប្រជុំនៅទីក្រុង Stresa ភាគខាងជើងប្រទេសអ៊ីតាលីដែលគ្រោងធ្វើនៅថ្ងៃទី ២៤ ដល់ថ្ងៃទី ២៥ ខែឧសភាថា G7 នឹងគាំទ្រ EU ក្នុងការប្រើប្រាស់ប្រាក់ចំណូលពីទ្រព្យសម្បត្តិរបស់រុស្ស៊ីដែលបានបង្កកដើម្បីជាប្រយោជន៍ដល់អ៊ុយក្រែន ។
ទន្ទឹមនោះ អ៊ីតាលីនឹងព្យាយាមជួយជ្រោមជ្រែងធ្វើយ៉ាងណាដើម្បីឲ្យដំណើរការនេះសម្រេចទៅបាន ។ ជាមួយគ្នានេះប្រឈមមុខនឹងការតស៊ូរបស់អឺរ៉ុបថ្មីៗនេះ ទីក្រុងវ៉ាស៊ីនតោនបានស្នើឲ្យប្រើប្រាស់ទ្រព្យសម្បត្តិរុស្ស៊ីជាវត្ថុបញ្ចាំ ដើម្បីផ្តល់ប្រាក់កម្ចីដល់អ៊ុយក្រែនផងដែរ ។
គួរបញ្ជាក់ថា ប្រទេសអ៊ីតាលីដែលកាន់តំណែងជាប្រធានប្តូរវេនរបស់ G7 ក៏នឹងព្យាយាមស្តារឡើងវិញនូវកិច្ចព្រមព្រៀងអន្តរជាតិស្តីពីរបៀបចែករំលែកសិទ្ធិពន្ធលើសាជីវកម្មធំៗ ដែលសហរដ្ឋអាមេរិកកំពុងតស៊ូក្នុងការផ្តល់សច្ចាប័ននៅក្នុងសភាផងដែរ ៕
អត្ថបទ៖ ប៊ុន សុភាព
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ