ព័ត៌មានអន្ដរជាតិ
អេហ្ស៊ីប គំរាមឈប់ធ្វើជាអ្នកសម្របសម្រួលបទឈប់បាញ់នៅហ្គាហ្សា
រដ្ឋាភិបាលក្រុងគែរ បានគំរាមដកខ្លួនចេញក្នុងនាមជាអ្នកសម្របសម្រួលការចរចាបទឈប់បាញ់ នៅតំបន់ហ្គាហ្សា ក្រោយពីសារព័ត៌មាន CNN រាយការណ៍ថា ចារកម្មអេហ្ស៊ីបបានផ្លាស់ប្ដូរលក្ខខណ្ឌនៃសំណើបទឈប់បាញ់ កាលពីពេលថ្មីៗ និងបានធ្វើឲ្យខូចដល់កិច្ចព្រមព្រៀងគ្នា។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters នៅថ្ងៃទី២៣ ខែឧសភា ឆ្នាំ២០២៤។
លោក Diaa Rashwan ប្រធានទីភ្នាក់ងារព័ត៌មានរដ្ឋអេហ្ស៊ីប បានបង្ហោះសារនៅលើបណ្ដាញសង្គមថា “ការប៉ុនប៉ងដើម្បីទម្លាក់ការសង្ស័យ និងការធ្វើឲ្យខូចខាតដល់កិច្ចប្រឹងប្រែងសម្របសម្រួលរបស់អេហ្ស៊ីប នឹងនាំមកនូវភាពស្មុគស្មាញបន្ថែមទៀតសម្រាប់ស្ថានភាពនៅហ្គាហ្សា និងតំបន់ទាំងមូល ហើយជំរុញឲ្យអេហ្ស៊ីបអាចដកខ្លួនទាំងស្រុងពីការសម្របសម្រួលរបស់ខ្លួននៅក្នុងជម្លោះបច្ចុប្បន្ន”។
កាលពីថ្ងៃទី២១កន្លងទៅ សារព័ត៌មាន CNN បានចុះផ្សាយថា ចារកម្មអេហ្ស៊ីបបានផ្លាស់ប្ដូរលក្ខខណ្ឌនៃសំណើបទឈប់បាញ់ ដែលអ៊ីស្រាអ៊ែលបានយល់ព្រមកាលពីដើមខែឧសភា។ CNN បានបន្តថា នៅពេលក្រុមហាម៉ាស បានប្រកាសកាលពីថ្ងៃទី៦ ថា ខ្លួននឹងទទួលយកកិច្ចព្រមព្រៀង វាស្រាប់តែលេចចេញជាសំណើផ្សេងដែលមិនមែនអ្នកសម្របសម្រួលពីសហរដ្ឋអាមេរិក និងប្រទេសកាតា ធ្លាប់ដាក់ឲ្យក្រុមហាម៉ាសយកទៅពិចារណានោះទេ។
សារព័ត៌មានអាមេរិកមួយនេះ បានរៀបរាប់ទៀតថា ការផ្លាស់ប្ដូរដែលធ្វើដោយចារកម្មអេហ្ស៊ីប បានបញ្ឆេះជាភ្លើងកំហឹង និងបង្កជាការចោទប្រកាន់គ្នាទៅវិញទៅមករវាងមន្ត្រីអាមេរិក អ៊ីស្រាអ៊ែល និងកាតា ព្រមទាំងភាពជាប់គាំងនៃកិច្ចចរចា។
ជាការឆ្លើយតប លោក Rashwan បាននិយាយថា ការចូលរួមរបស់អេហ្ស៊ីប ធ្វើឡើងតាមការទទូច និងសំណើម្ដងហើយម្ដងទៀតពីភាគីអ៊ីស្រាអ៊ែល និងអាមេរិកនោះទេ តែលុះមកដល់ពេលឥលូវបែរជាភាគីមួយចំនួនបានដាក់ការស្ដីបន្ទោសទៅលើអ្នកសម្របសម្រួលអាហ្ស៊ីប និងកាតា រួមទាំងការចោទប្រកាន់ថា ពួកគេមានភាពលម្អៀងទៅវិញ។
សូមបញ្ជាក់ថា ភាពតានតឹងបានចាប់ផ្ដើមកើនឡើងរវាងអេហ្ស៊ីប និងអ៊ីស្រាអ៊ែល នៅជុំវិញប្រតិបត្តិការយោធារបស់រដ្ឋធានីយេរ៉ូសាឡឹម ក្នុងទីក្រុង Rafah នៃភាគខាងត្បូងតំបន់ហ្គាហ្សា ដែលស្ថិតជាប់ព្រំដែនជាមួយប្រទេសអេហ្ស៊ីប។
ចាប់តាំងពីសង្គ្រាមអ៊ីស្រាអ៊ែល និងក្រុមហាម៉ាស បានផ្ទុះឡើងកាលពីថ្ងៃទី៧ ខែតុលា ឆ្នាំមុន អេហ្ស៊ីបតែងបង្ហាញពីក្ដីព្រួយបារម្ភជុំវិញយុទ្ធនាការរបស់អ៊ីស្រាអ៊ែលថា នឹងអាចរុញច្រានឲ្យអ្នកស្រុកប៉ាឡេស្ទីនឆ្លងកាត់ព្រំប្រទល់ ដែលខ្លួនបានព្យាយាមពង្រឹងសន្តិសុខ៕
ដោយ៖ ឈាង
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត
រដ្ឋមន្ត្រីការពារជាតិអាមេរិកច្រានចោលការរិះគន់ដែលថា រដ្ឋបាលត្រាំក្បត់សម្ព័ន្ធមិត្ត
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៧ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត