ព័ត៌មានអន្ដរជាតិ
បាក់ឆាកឃោសនាបោះឆ្នោតប្រធានាធិបតីម៉ិកស៊ិក ស្លាប់មនុស្ស ៩នាក់
តាមការចុះផ្សាយរបស់ BBC នៅថ្ងៃព្រហស្បតិ៍ទី២៣ខែឧសភា, ប្រទេសម៉ិកស៊ិក បានកើតរឿងដ៏រន្ធត់មួយ នោះគឺហេតុការណ៍បាក់ឆាកនៃយុទ្ធនាការឃោសនាបោះឆ្នោតប្រធានាធិបតី ដោយបណ្តាលឲ្យមនុស្ស៩នាក់ បាត់បង់ជីវិត ក្នុងនោះរួមមានទាំងកុមារម្នាក់ផងដែរ ខណៈ៥០នាក់ទៀតរងរបួស។
ហេតុការណ៍នេះកើតឡើង ខណៈពេលបេក្ខជនប្រធានាធិបតី Jorge Alvarez Maynez កំពុងថ្លែងសុន្ទរកថា នៅក្នុងទីក្រុង San Pedro Garza Garcia នៃរដ្ឋ Nuevo León ភាគខាងជើងប្រទេសម៉ិកស៊ិក។
ភ្លាមៗក្រោយកើតហេតុ លោក Maynez បានបង្ហោះសារលើបណ្តាញសង្គម X ថា មូលហេតុដែលបណ្តាលឲ្យឆាកបាក់គឺដោយសារខ្យល់ខ្លាំងពេក ហើយលោកមិនកើតអ្វីទេ ប៉ុន្តែក្រុមការងាររបស់លោកមួយចំនួនត្រូវរបួស។
ស្របពេលជាមួយគ្នានោះដែរ អភិបាលរដ្ឋ Samuel Garcia បានជំរុញដល់ប្រជាពលរដ្ឋទាំងអស់ត្រូវប្រុងប្រយ័ត្នខ្យល់ព្យុះ និងកុំចេញទៅណាផ្តេសផ្តាសបើមិនចាំបាច់។
សូមបញ្ជាក់ថា លោក Maynez គឺជាបេក្ខជននៃគណបក្សចលនាប្រជាពលរដ្ឋ ហើយតាមការស្ទង់មតិ បច្ចុប្បន្នលោកកំពុងមានសំឡេងគាំទ្រឈរនៅលំដាប់ទី៣។
មុនឈានដល់ការបោះឆ្នោតដែលនឹងប្រព្រឹត្តិទៅនៅថ្ងៃទី២ខែមិថុនាឆ្នាំនេះ ប្រទេសម៉ិកស៊ិក បានកត់ត្រាករណីមនុស្សច្រើនបំផុតក្នុងប្រវត្តិសាស្ត្ររួចទៅហើយ។ ជាក់ស្តែង តាមរបាយការណ៍របស់ក្រុមហ៊ុនប្រឹក្សានយោបាយម៉ិកស៊ិក Integralia បានបង្ហាញថា មន្ត្រីរដ្ឋការ អ្នកនយោបាយនិងបេក្ខជនប្រហែល២០០នាក់ត្រូវបានសម្លាប់ ឬគំរាមកំហែងមុនការបោះឆ្នោត៕
អត្ថបទ៖ សុខ សុវណ្ណ
ចុចអាន៖ ត្រាំ នឹងបញ្ជូនពេជ្ឈឃាដទៅសម្លាប់ក្រុមអន្ធពាលជួញដូរគ្រឿងញៀន ដល់ដីម៉ិកស៊ិក បើជាប់ឆ្នោត
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា