នៅពីក្រោយក្រចកដៃ​ប្រវែង ​១៣ ​ម៉ែត្ររបស់ស្ត្រី​ អាមេរិក​ ដែលឈ្នះ Guinness គឺជារឿងសោកសៅបំផុត

អ្នកស្រី Diana Armstrong បច្ចុប្បន្នមានអាយុ ៦៦ ឆ្នាំ រស់នៅក្នុងរដ្ឋ Minnesota សហរដ្ឋអាមេរិក គាត់បានឈ្នះកំណត់ត្រាពិភពលោក Guinness សម្រាប់ស្ត្រីដែលមានក្រចកវែងជាងគេលើពិភពលោកក្នុងឆ្នាំ ២០២២។ ប្រវែងសរុបនៃម្រាមទាំង១០ របស់នាងគឺ ១៣ម៉ែត្រ​ ប៉ុន្តែនៅពីក្រោយការបង្កើតភាពភ្ញាក់ផ្អើលដល់មនុស្ស វាគឺជារឿងសោកសៅបំផុតក្នុងគ្រួសាររបស់គាត់។

ចាប់តាំងពីឆ្នាំ១៩៩៧ មក Armstrong មិនបានកាត់ក្រចកទេ ឥឡូវនេះក្រចករបស់នាងឈានដល់ប្រវែងវែងមិនគួរឲ្យជឿ ស្របពេលដែលស្រ្តីចម្លែករូបនេះបានបញ្ចាក់ទៀតថា នាងមានទម្លាប់ចូលចិត្តតុបតែងក្រចកជាមួយនឹងពណ៌ផ្សេងៗគ្នា។​ ក្នុងនោះផងដែរគណនី Instagram ផ្លូវការរបស់ Guinness World Records គូសបញ្ជាក់ពីសមិទ្ធិផលរបស់ Diana Armstrong ថា “ប្រវែងសរុបនៃក្រចករបស់ Armstrong គឺវែងជាងរថយន្តសាលាពណ៌លឿងស្តង់ដារ។ Armstrong បានដុះក្រចករបស់នាងអស់រយៈពេលជាង ២៧ ឆ្នាំមុនមកម៉្លេះ” ។

ថ្វីដ្បិតតែ Armstrong តែងតែទាក់ទាញការចាប់អារម្មណ៍នៅលើបណ្តាញសង្គម។ ប៉ុន្តែមនុស្សជាច្រើនឆ្ងល់អំពីសកម្មភាពប្រចាំថ្ងៃរបស់នាង និងអនាម័យផ្ទាល់ខ្លួន តើនាងអាចធ្វើអ្វីៗគ្រប់យ៉ាងដោយរបៀបណា?; ហើយអ្នកមិនអាចសូម្បីតែធ្វើអនាម័យផ្ទាល់ខ្លួន?”; “វាក៏ត្រូវការប៉ូលាប៉ុន្មានដបសម្រាប់ក្រចកវែង?”

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសារព័ត៌មាន Daily Star បានរាយការណ៍ថា រាល់ពេលដែលនាងថែរក្សាក្រចក នាងត្រូវចំណាយពេលប្រហែល ៤-៥ ម៉ោងដើម្បីលាបពណ៌ទាំងមូល។ នាង​ត្រូវ​រៀបចំ​ថ្នាំ​ក្រចក​ពី ១៥ ទៅ ២០ ដប ដើម្បី​ធ្វើ​ឲ្យក្រចក​នាង​ស្អាត។ ជាធម្មតាចៅ ៗ នឹងជួយធ្វើការងារនេះជាមួយគ្នា។

លោកស្រី Armstrong បាននិយាយថា រាល់ពេលដែលនាងចេញទៅក្រៅ តែងតែមានការចាប់អារម្មណ៍ និងបញ្ចេញមតិមិនល្អ ហើយមនុស្សជាច្រើនបានចូលទៅជិតនាង និងសុំថតរូបជាមួយគ្នា។ ប៉ុន្តែគាត់មិន​បាន​ខ្វល់ខ្វាយ​នឹង​រឿង​នេះ​ទេ។ យូរៗទៅ គាត់ចាប់ផ្តើមស៊ាំនឹងគេសង្កេតឃើញរាល់ពេលដែលចេញទៅតាមផ្លូវ ហើយថែមទាំងមានអារម្មណ៍សប្បាយរីករាយផងដែរ ដោយសារតែគាត់បាននាំមកនូវការភ្ញាក់ផ្អើលដ៏រីករាយដល់មនុស្សជាច្រើន។ សមាជិកគ្រួសារទាំងអស់បានទទួលយកក្រចកនេះ ហើយចាត់ទុកវាជារឿងធម្មតាទៅហើយ។

ទន្ទឹមននឹងការបង្កើតភាពភ្ញាក់ផ្អើលដល់មនុស្សជាច្រើន នៅពីក្រោយហេតុផលដែលលោកស្រីដុះក្រចកវែងរហូតបង្កើតកំណត់ត្រាពិភពលោក គឺជារឿងដ៏គួរឲ្យសោកស្ដាយ។ នៅព្រឹកមួយក្នុងឆ្នាំ ១៩៩៧ Armstrong បានចាកចេញពីផ្ទះដើម្បីទៅផ្សារទំនើប។ បន្ទាប់ពីនាងចេញទៅក្រៅ កូនស្រីពៅរបស់នាងក៏បានទូរស័ព្ទមក ហើយនិយាយថា បងស្រីរបស់នាងឈ្មោះ Latisha អាយុ ១៦ ឆ្នាំ បានសន្លប់។ ម្ដាយ​ត្រឡប់​មក​វិញ​ទាំង​ខូច​ចិត្ត​ពេល​ដឹង​ថា កូន​ស្រី​បាន​ស្លាប់​ក្នុង​ដំណេក​ដោយ​ជំងឺ​ហឺត។ Armstrong បាននិយាយថា វាជាថ្ងៃដ៏អាក្រក់បំផុតនៃជីវិតរបស់គាត់ ។

ក្រោយមក Armstrong រំលឹកថា “កូនស្រី​ Latisha ​គឺជាមនុស្សតែម្នាក់គត់ដែលបានធ្វើក្រចកឲ្យគាត់ ។ នាងបានខាត់វាយ៉ាងយកចិត្តទុកដាក់ និងស្រស់ស្អាត។ ដោយសារតែមិនអាចទទួលយកការស្លាប់កូនបាន ទើបលោកស្រីទទួលរងពីជំងឺធ្លាក់ទឹកចិត្តអស់រយៈពេលមួយទសវត្សរ៍ ហើយការដុះក្រចកវែង គឺជាវិធីក្នុងការផ្តល់កិត្តិយសដល់កូនស្រី និងរក្សាការចងចាំរបស់កូនផងដែរ៕

អត្ថបទ៖ សាង ស្រីល័ក្ខ

ចុចអាន៖អាថ៍កំបាំងអាយុវែងពីលោកតា ប្រេស៊ីល វ័យ ១១៤ ឆ្នាំ ទម្លាយប្រាប់មហាជនឲ្យដឹង