ព័ត៌មានអន្ដរជាតិ
តួលេខមនុស្សកប់ទាំងរស់ ក្រោមបំណាក់ដីនៅ ប៉ាពូអាស៊ីនូវែលហ្គីណេ ឡើងដល់ជាង ២ ០០០នាក់
មួយថ្ងៃបន្ទាប់ពី UN ចេញការសន្និដ្ឋានថា មនុស្សជាង៦៧០នាក់ ត្រូវកប់ក្នុងហេតុការណ៍បាក់ដីដ៏សាហាវ នៅ ប៉ាពូអាស៊ីនូវែលហ្គីណេ នោះ ស្រាប់តែនៅថ្ងៃចន្ទទី២៧ខែឧសភា មជ្ឈមណ្ឌលគ្រោះមហន្តរាយជាតិរបស់ប្រទេសដែនកោះមួយនេះ អះអាងថា តាមពិត មានមនុស្សរហូតដល់ទៅជាង ២ ០០០នាក់ឯណោះ ដែលកប់ទាំងរស់ក្នុងគ្រោះធម្មជាតិនេះ។

តាមសេចក្តីរាយការណ៍របស់ Reuters, គ្រោះអាក្រក់នេះកើតឡើងកាលពីថ្ងៃសុក្រសប្តាហ៍មុន ក្នុងភូមិដាច់ស្រយាល Kaokalam នៃខេត្ត Enga ចម្ងាយប្រហែល ៦០០គីឡូម៉ែត្រពីរដ្ឋធានី ព័រម៉ូរេសប៊ី។
ដំបូងឡើយ ចំនួនមនុស្សកប់នៅក្រោមដីត្រូវបានគេសន្និដ្ឋានថា មានត្រឹមជាង១០០នាក់ប៉ុណ្ណោះ ប៉ុន្តែក្រោយមកតួលេខត្រូវបានដំឡើងជាបន្តបន្ទាប់ ដោយផ្អែកលើព័ត៌មានពីមន្ត្រីមូលដ្ឋានផ្ទាល់។

ស្របពេលជាមួយគ្នានោះដែរ នាយកអង្គការ CARE International ប្រចាំប្រទេសប៉ាពូអាស៊ីនូវែលហ្គីណេ លោក Justine McMahon បានប្រាប់ទូរទស្សន៍ ABC នៅថ្ងៃចន្ទថា មានមនុស្សប្រហែល៤ ០០០នាក់ កំពុងរស់នៅក្បែរតំបន់រងគ្រោះ ពេលហេតុការណ៍កើតឡើង។
ក្រៅពីមនុស្សស្លាប់ បំណាក់ដីក៏បានបំផ្លាញផ្ទះជាង ១ ១៨២ខ្នង និងសង្កត់ផ្ទះជាង១៤០ខ្នងទៀតផងដែរ។ លើសពីនេះ វាបានបំផ្លាញសំណង់ហេដ្ឋារចនាសម្ព័ន្ធនានាដូចជាស្ពាន ផ្លូវថ្នល់ និងអគារនានាជាដើម។

ប្រតិបត្តិការជួយសង្គ្រោះត្រូវជួបឧបសគ្គព្រោះថាផ្លូវធំ ដែលតភ្ជាប់ទៅតំបន់រងគ្រោះ គឺត្រូវកាត់ផ្តាច់ដោយសារបំណាក់ដី ដូច្នេះមានមធ្យោបាយតែមួយគត់ដើម្បីចូលទៅទីនោះបាន នោះគឺប្រើឧទ្ធម្ភាគចក្រ។
ម្យ៉ាងវិញទៀត គ្រឿងចក្រធុនធ្ងន់ដើម្បីជីកដីនិងរើកម្ទេចកម្ទី មិនទាន់បញ្ជូនទៅដល់តំបន់រងគ្រោះឡើយ ដូចនេះ ក្រុមការងារនៅទីនោះ ត្រូវបង្ខំចិត្តប្រើចបឬប៉ែល និងដៃទទេ ដើម្បីជីកកកាយយកបំណែកបាក់បែកចេញ។
សូមជម្រាបថា ប្រទេសដែនកោះនៅមហាសមុទ្រប៉ាស៊ីហ្វិកប៉ែកខាងត្បូងមួយនេះ គឺងាយរងគ្រោះដោយគ្រោះធម្មជាតិណាស់ ដូចជាភ្លៀងធ្លាក់ខ្លាំង ទឹកជំនន់ និងរញ្ជួយដីជាដើម។ ជាក់ស្តែងកាលពីខែមីនា មនុស្សយ៉ាងតិច២៣នាក់បានស្លាប់ ដោយការបាក់ដីនៅក្នុងខេត្តក្បែរខេត្ត Enga នេះ៕
អត្ថបទ៖ សុខ សុវណ្ណ
ចុចអាន៖ UN ប៉ាន់ស្មានថា មនុស្សស្លាប់ ដោយសារបាក់ដីសង្កត់នៅ ប៉ាពូអាស៊ីនូវែលហ្គីណេ ឈានដល់ជាង ៦៧០នាក់ឯណោះ

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៧ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១ ថ្ងៃ ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ