ព័ត៌មានអន្ដរជាតិ
អេស្ប៉ាញ នឹងផ្ដល់ជំនួយយោធាមិនធ្លាប់មានដល់ អ៊ុយក្រែន
អេស្ប៉ាញនឹងផ្តល់ជំនួយយោធាដល់អ៊ុយក្រែនក្នុងទំហំទឹកប្រាក់ជាង ១ ពាន់លានដុល្លារ ហើយនេះក៏ជាចំនួនមួយមិនធ្លាប់មានពីមុនមកផងដែរនៅក្នុងជំនួយយោធារបស់អេស្ប៉ាញដល់ទីក្រុងកៀវ ឬក៏ប្រទេសណាមួយផ្សេងទៀត ។ នេះបើយោងតាមការចេញផ្សាយរបស់ទីភ្នាក់ងារព័ត៌មាន Reuters នៅថ្ងៃទី២៨ ខែឧសភានេះ ។
អេស្ប៉ាញនឹងសន្យាផ្ដល់កញ្ចប់ជំនួយយោធាដល់អ៊ុយក្រែនដែលមានតម្លៃជាង ១.២ ពាន់លានដុល្លារ ក្នុងអំឡុងពេលដំណើរទស្សនកិច្ចរបស់ប្រធានាធិបតីអ៊ុយក្រែនលោក Volodymyr Zelensky ទៅកាន់ទីក្រុងម៉ាឌ្រីដ ក្រោយត្រូវពន្យារពេលកាលពី ១០ ថ្ងៃមុន ដោយសារតែការវាយលុករបស់រុស្ស៊ីនៅភាគខាងជើងអ៊ុយក្រែន ខណៈក្នុងដំណើរនេះទៀតសោតលោក Zelensky ក៏ត្រូវបានទទួលដោយព្រះមហាក្សត្រ Felipe VI និងប្រធានាធិបតីលោក Pedro Sanchez ។
កញ្ចប់ជំនួយថ្មីដែលមានតម្លៃ ១.២ ពាន់លានដុល្លារនេះ រួមបញ្ចូលទាំងការបញ្ជូនមីស៊ីលប្រឆាំងយន្តហោះ Patriot ប្រមាណ ១២ ដើម, រថក្រោះប្រភេទ Leopard 2A4 ដែលប្រើប្រាស់រួចហើយដោយកងកម្លាំងយោធាអេស្ប៉ាញចំនួន ១៩ គ្រឿង បន្ថែមពីលើរថក្រោះចំនួន ១០ គ្រឿងដែលបានផ្គត់ផ្គង់កាលពីឆ្នាំមុន ។
ទោះយ៉ាងណាក៏ដោយ យោងតាមកាសែត “El Pais” សម្ភារៈភាគច្រើនដែលបានសន្យាផ្ដល់ឲ្យអ៊ុយក្រែន នឹងក្លាយជាអាវុធថ្មីដែលផលិតដោយអេស្ប៉ាញ ។ ប្រព័ន្ធទាំងនេះភាគច្រើនត្រូវបានផលិតដោយក្រុមហ៊ុនអេស្ប៉ាញដូចជា Trc, Indra, Escribano, Uro, Expal និង Instalaza ដូច្នេះការដឹកជញ្ជូនរបស់អាចរហូតដល់ការផលិតរបស់ពួកគេត្រូវបានបញ្ចប់ ។
ជាងនេះទៅទៀត អេស្ប៉ាញនឹងពង្រីកកម្មវិធីហ្វឹកហ្វឺនប្រយុទ្ធដល់យោធាអ៊ុយក្រែន ៤០០ នាក់ទៀតដែលក្នុងនោះ ៤ ពាន់នាក់បានទទួលការបណ្តុះបណ្តាលរួចទៅហើយ ក្រោមការដឹកនាំរបស់មជ្ឈមណ្ឌលសម្របសម្រួលនៃទីក្រុង Toledo ៕
អត្ថបទ៖ ប៊ុន សុភាព
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ